- સાઉથ આફ્રિકા અને અફઘાનિસ્તાન વચ્ચે વર્લ્ડકપની મેચ
- અમદાવાદના નરેન્દ્ર મોદી સ્ટેડિયમમાં મેચ
- અઝમતુલ્લાહે સાઉથ આફ્રિકા વિરુદ્ધ બનાવ્યો રેકોર્ડ
વનડે વર્લ્ડકપ 2023માં અફઘાનિસ્તાનના ઓલરાઉન્ડર અઝમતુલ્લા ઓમરઝાઈનું શ્રેષ્ઠ પ્રદર્શન ચાલુ છે. અઝમતુલ્લા બેટિંગથી લઈને બોલિંગ સુધી દરેક મેચમાં શાનદાર પ્રદર્શન કરી રહ્યો છે. તેણે સાઉથ આફ્રિકા સામે પણ શાનદાર ઈનિંગ રમી છે. આ ઈનિંગની મદદથી એક ખાસ સિદ્ધિ પણ તેના નામે નોંધાઈ છે. જે બાદ અઝમતુલ્લાહ અફઘાનિસ્તાનના વધુ બે સ્ટાર ખેલાડીઓની યાદીમાં સામેલ થઈ ગયો છે.
વર્લ્ડકપમાં 50થી વધુ રન કરનારા અફઘાનિસ્તાનના ખેલાડી
ઉલ્લેખનીય છે કે, સાઉથ આફ્રિકા સામેની મેચમાં ફરી એકવાર અઝમતુલ્લાહના બેટથી શાનદાર ઇનિંગ જોવા મળી છે. તેણે 107 બોલમાં 97 રનની અણનમ ઇનિંગ રમી છે. આ ઇનિંગ દરમિયાન અઝમતુલ્લાએ 7 ફોર અને 3 સિક્સ પણ ફટકારી છે. આ વર્લ્ડકપમાં અઝમતુલ્લાહની આ ત્રીજી ફિફ્ટી છે. અઝમતુલ્લાહ હવે અફઘાનિસ્તાન માટે વર્લ્ડકપમાં સૌથી વધુ 50 રન બનાવનારો ત્રીજો બેટ્સમેન બની ગયો છે. આ યાદીમાં કેપ્ટન હશમતુલ્લાહ શાહિદી પ્રથમ સ્થાને છે. વર્લ્ડકપમાં તેના નામે 5 ફિફ્ટી છે. આ ઉપરાંત રહેમત શાહ 4 ફિફ્ટી સાથે બીજા સ્થાને છે.
અફઘાનિસ્તાને સાઉથ આફ્રિકાને આપ્યો 245 રનનો ટાર્ગેટ
જો મેચની વાત કરવામાં આવે, તો મેચમાં પ્રથમ બેટિંગ કરતા અફઘાનિસ્તાનની ટીમે 50 ઓવરમાં 10 વિકેટ ગુમાવીને 244 રન બનાવ્યા છે અને સાઉથ આફ્રિકાને જીતવા માટે 245 રનનો ટાર્ગેટ મળ્યો છે. અફઘાનિસ્તાન તરફથી બેટિંગ કરતી વખતે અઝમતુલ્લાહે સૌથી વધુ 97 રનની અણનમ ઇનિંગ રમી છે. આ ઉપરાંત રહેમત શાહે 26, નૂર અહેમદે 26 અને ગુરબાઝે 25 રનની ઇનિંગ રમી છે.
