- વિરાટ કોહલીએ ODI ફોર્મેટમાં 50 સદી ફટકારી
- વિરાટ કોહલીએ આંતરરાષ્ટ્રીય ક્રિકેટમાં 80 સદી ફટકારી
- વિરાટ કોહલીની 50 સદી સચિન તેંડુલકરની પ્રતિક્રિયા
વિરાટ કોહલીએ વર્લ્ડકપ 2023ની સેમી ફાઇનલમાં ન્યૂઝીલેન્ડ સામે ઐતિહાસિક સદી ફટકારી હતી. તેણે ODI ક્રિકેટમાં તેની 50મી સદી ફટકારી અને માસ્ટર બ્લાસ્ટરની સામે તેનો વર્લ્ડ રેકોર્ડ તોડ્યો હતો. સચિનના નામે 49 ODI સદી છે. હવે વિરાટ કોહલી ODI ક્રિકેટનો સદીનો બાદશાહ બની ગયો છે. જો કે, હાલમાં સચિન તેંડુલકર 100 સદી સાથે ઓવરઓલ સદીનો રાજા છે પરંતુ વિરાટે પણ 80 સદી ફટકારી છે.
વિરાટની સદી પર સચિનની શાનદાર પ્રતિક્રિયા
વિરાટ કોહલીની આ શાનદાર અને ઐતિહાસિક સદી પર સ્ટેન્ડમાં હાજર રહીને સચિન તેંડુલકરે પણ શાનદાર પ્રતિક્રિયા આપી હતી. તેણે સ્ટેન્ડમાં ઉભા રહીને વિરાટની સદીની પ્રશંસા કરી અને ઉત્સાહપૂર્વક તાળીઓના ગડગડાટથી તેનું સ્વાગત કર્યું. સદી ફટકાર્યા બાદ વિરાટે પણ મેદાનમાંથી સચિન તરફ માથું નમાવીને તેનું સન્માન કર્યું હતું. આ દરમિયાન ક્રિકેટના ભગવાન કહેવાતા સચિન BCCI સેક્રેટરી જય શાહ સાથે જોવા મળ્યા હતા. આટલું જ નહીં, સચિને સોશિયલ મીડિયા પર વિરાટ માટે એક પોસ્ટ લખી અને 15 વર્ષના વિરાટને પહેલીવાર મળવાની વાર્તા સંભળાવી.
સચિન તેંડુલકરની શાનદાર પોસ્ટ
સચિન તેંડુલકરે તેના X હેન્ડલ પર વિરાટની સદી પર એક પોસ્ટ પોસ્ટ કરી અને લખ્યું, ‘જ્યારે હું તમને ભારતીય ડ્રેસિંગ રૂમમાં પહેલીવાર મળ્યો હતો, ત્યારે અન્ય સાથી ખેલાડીઓએ મારા પગને સ્પર્શ કરવા માટે તમારી ટીખળ કરી હતી. તે દિવસે હું હસવાનું રોકી શક્યો નહીં. પરંતુ ટૂંક સમયમાં, તમે તમારા જુસ્સા અને કુશળતાથી મારા હૃદયને સ્પર્શી ગયા. હું ખૂબ ખુશ છું કે તે યુવાન છોકરો ‘વિરાટ’ ખેલાડી બની ગયો છે. કોઈ ભારતીયે મારો રેકોર્ડ તોડ્યો તેનાથી હું ખુબ જ ખુશ છું. ખાસ વાત એ છે કે મારા હોમ ગ્રાઉન્ડ પર આટલા મોટા સ્ટેજ એટલે કે વર્લ્ડ કપ સેમિફાઇનલ પર આવું થયું.
30 સેકન્ડમાં વિરાટની તમામ 50 ODI સદી જુઓ
ICC દ્વારા વિરાટ કોહલીની તમામ 50 સદીઓની 30 સેકન્ડની ક્લિપ ઈન્સ્ટાગ્રામ પર શેર કરવામાં આવી છે. વિરાટ હવે ODI ક્રિકેટમાં 50 સદી ફટકારનાર એકમાત્ર બેટ્સમેન બની ગયો છે.
