- સાઉદી અરેબિયામાં ઔદ્યોગિક એકમોની સંખ્યામાં વર્ષ 2023માં 10 ટકાનો વધારો
- સાઉદી અરેબિયાએ તેના ઔદ્યોગિકીકરણની ગતિ વધી
- પશ્ચિમી દેશોને સીધી સ્પર્ધા આપવાનું શરૂ કર્યું છે
એક સમય માટે, ગલ્ફ દેશ સાઉદી અરેબિયાની ગણતરી માત્ર તેલ ઉત્પાદક દેશોમાં થતી હતી. પરંતુ સાઉદી અરેબિયા સતત તેની અર્થવ્યવસ્થાનું વિસ્તરણ કરી રહ્યું છે, ઔદ્યોગિકીકરણ દર વર્ષે ઝડપથી વધી રહ્યું છે. સાઉદીના ઉદ્યોગ અને ખનિજ સંસાધન મંત્રાલયના જણાવ્યા અનુસાર, વર્ષ 2023માં સાઉદી અરેબિયામાં ઔદ્યોગિક એકમોની સંખ્યામાં 10 ટકાનો વધારો થયો છે. સાઉદીમાં ઔદ્યોગિક એકમોની સંખ્યા 11,549 પર પહોંચી ગઈ છે. મંત્રાલયના પ્રવક્તા જારાહ બિન મોહમ્મદ અલ-જરાહે જણાવ્યું હતું કે, ઔદ્યોગિક એકમના વિસ્તરણ માટે 48.4$ મિલિયનનું રોકાણ કરવામાં આવ્યું છે.
2035ની યોજનાનો ભાગ
ઔદ્યોગિકીકરણને વેગ આપવો એ સાઉદીની 2035ની યોજનાનો એક ભાગ છે જેમાં ઔદ્યોગિક એકમોને વધારીને 3600 કરવાનો લક્ષ્યાંક નક્કી કરવામાં આવ્યો છે. બીજી તરફ, સરકારે 45 અબજ સાઉદી રિયાલના રોકાણ સાથે કુલ 1,058 ફેક્ટરીઓમાં ઉત્પાદન શરૂ કર્યું છે. આ ઉપરાંત, જરરાહે એમ પણ કહ્યું કે,સરકાર ઔદ્યોગિકીકરણ માટે ઘણા પગલાં લઈ રહી છે અને અર્થતંત્રના વિસ્તરણ માટે વિવિધ ક્ષેત્રોમાં ફેક્ટરીઓને લાઇસન્સ આપવામાં આવ્યા છે.
સાઉદી વિશ્વમાં પોતાની ક્ષમતા સાબિત કરવા તૈયાર
2035 સુધીમાં, સાઉદી અરેબિયા તેના દેશમાં ફેક્ટરીઓની સંખ્યા વધારીને 36 હજાર કરશે, જેમાંથી 4 હજાર સંપૂર્ણપણે સ્વચાલિત હશે. સાઉદી અરેબિયા તેની અર્થવ્યવસ્થાને ગતિશીલ અને પશ્ચિમી દેશો માટે પડકારરૂપ બનાવી રહ્યું છે. સાઉદીએ દેશના કાર્યમાં AI, 3D પ્રિન્ટિંગ અને રોબોટિક્સ જેવી નવી તકનીકોને અપનાવીને ઔદ્યોગિક ક્રાંતિના નેતા તરીકે પોતાને સ્થાપિત કરી છે. 2016 પછી, કિંગ સલમાને તેમનું વિઝન 2030 લોન્ચ કર્યું, જે પછી દેશમાં ઔદ્યોગિક રોકાણ 132 અબજ ડોલર સુધી પહોંચી ગયું છે અને રાજ્ય આ ક્ષેત્રમાં સતત પ્રગતિ કરી રહ્યું છે.
કયા વિસ્તારમાં બની ફેક્ટરીઓ
સાઉદી અરેબિયાએ દેશમાં ખાદ્ય ઉત્પાદન, બિન-ધાતુ સામગ્રી, ધાતુના ઉત્પાદનો અને રબર-પ્લાસ્ટિકના ઉત્પાદન માટે ફેક્ટરીઓને લાઇસન્સ જારી કર્યા છે. સાઉદી અરેબિયાના કિંગ સલમાન ખાને પોતાના વિઝન વિશે વાત કરતાં કહ્યું હતું કે આગામી યુરોપ મધ્ય પૂર્વ હશે. અમે સાઉદીને વિશ્વ સમક્ષ એક ઉદાહરણ તરીકે રજૂ કરીશું, આવનારા સમયમાં તમને સાઉદી એક ભવિષ્યવાદી દેશ તરીકે જોવા મળશે.
