કુલપતિ દ્વારા રજૂ કરવામાં આવેલ દરખાસ્ત સભ્યોનાં વિરોધ બાદ પેન્ડિંગ
અગ્ર ગુજરાત, રાજકોટ
સૌરાષ્ટ્ર યુનિવર્સિટી એકઝીકયુટીવ કાઉન્સિલની એક બેઠક ગઈકાલે બપોરે 03:15 વાગે મળી હતી અને તેમાં કુલપતિ દ્વારા રજુ કરવામાં આવેલ દરખાસ્ત સભ્યોના ભારે વિરોધ પછી પેન્ડિંગ રાખવાની નક્કી કરાયું હતું.એકઝીકયુટીવ કાઉન્સિલની બેઠકમાં એજન્ડા પર 225 આઈટમ હતી તેમાંથી મોટાભાગની આઈટમો કોલેજોમાં જોડાણને લગતી અને નવી એક્ઝિક્યુટિવ કાઉન્સિલમાંથી બે સભ્યોને બોર્ડ ઓફ મેનેજમેન્ટમાં મોકલવાના હોય છે. આ અંગેની દરખાસ્ત કુલપતિ દ્વારા ટેબલ આઈટમ તરીકે રજૂ કરવામાં આવી હતી. મોટાભાગના સભ્યોએ તેની સામે વિરોધ વ્યક્ત કરતાં અને આ વિરોધ લાંબો ચાલતા આખરે આ દરખાસ્ત પેન્ડિંગ રાખવામાં આવી હતી. એક્ઝિક્યુટિવ કાઉન્સિલની આ બેઠકમાં 90 પૈકી 63 સભ્યો હાજર હતા અને હાજર રહેલા 63 માંથી 55 સભ્યોએ કુલપતિની ટેબલ આઈટમનો વિરોધ કર્યો હતો. અગાઉ કુલપતિ દ્વારા રજુ કરાયેલી કોઈ દરખાસ્તનો આટલો જબર વિરોધ ભૂતકાળમાં થયો નથી.
એકેડેમી કાઉન્સિલની બેઠક કલાકો સુધી ચાલી હતી અને મોડી સાંજે પૂરી થઈ હતી. એજન્ડા પરની 225 આઈટમો અને ત્યાર પછી કોમર્સ ફેકલ્ટીમાંથી ઇકોનોમિક્સ વિષય દૂર કરવો કે નહીં ? તે મામલે લંબાણભરી ચર્ચા અને કુલપતિની ટેબલ આઈટમ પરની ચર્ચામાં ખાસ્સો એવો સમય પસાર થઈ ગયો હતો અને તેના કારણે એક્ઝિક્યુટિવ કાઉન્સિલની બેઠક મોડી સાંજે પૂરી થઈ હતી.
