- રાજસ્થાનના ગુલાબી શહેરમાં ઠેરઠેર પોસ્ટરો લગાવાયા
- પરંપરાગત પોશાકમાં રાષ્ટ્રપતિનું સ્વાગત કરવામાં આવશે
- બંને નેતાઓ જયપુરના બજારમાંથી ખરીદી કરે તેવી શક્યતા
વડાપ્રધાન નરેન્દ્ર મોદી અને ફ્રાન્સના રાષ્ટ્રપતિ ઈમેન્યુઅલ મેક્રોન ગુરુવારે જયપુરની મુલાકાતે આવનાર છે. જેને લઈને રાજસ્થાનના મુખ્યમંત્રી શર્માએ જયપુરમાં સુરક્ષા વ્યવસ્થાની સમીક્ષા કરી હતી. દેશના વડાપ્રધાન નરેન્દ્ર મોદી અને ફ્રાન્સના રાષ્ટ્રપતિ રાજસ્થાનના ગુલાબી શહેરમાં તેમની મુલાકાત પહેલાં શહેરને પોસ્ટરોથી શણગારવામાં આવ્યું છે.
પીએમ મોદી અને ફ્રાન્સના રાષ્ટપતિનું પરંપરાગત પોશાકમાં સ્વાગત
વડાપ્રધાન નરેન્દ્ર મોદી અને રાષ્ટ્રપતિ ઇમેન્યુઅલ મેક્રોન બંને જંતર-મંતર, હવા મહેલ અને આલ્બર્ટ હોલ મ્યુઝિયમ સહિત શહેરના વિવિધ સાંસ્કૃતિક અને ઐતિહાસિક મહત્વના સ્થળોની મુલાકાત લેશે. પીએમ મોદીની મુલાકાતનો ઉલ્લેખ કરતાં રાજસ્થાન બીજેપી અધ્યક્ષ સીપી જોશીએ કહ્યું કે, રાજસ્થાનને એક ઐતિહાસિક તક મળી છે. પીએમ મોદી અને ફ્રાન્સના રાષ્ટ્રપતિની જયપુર મુલાકાત એ સમગ્ર રાજસ્થાન રાજ્ય માટે આનંદની વાત છે. રાજસ્થાન તેના આતિથ્ય, પરંપરા, સંસ્કૃતિ અને પોશાક માટે જાણીતું છે, જેથી દરેક વ્યક્તિ તેમના પરંપરાગત પોશાકમાં તેમનું સ્વાગત કરશે.
યુપીમાં 19,100 કરોડથી વધુના પ્રોજેક્ટનું લોકાર્પણ કરશે
ફ્રાન્સના રાષ્ટ્રપતિ મેક્રોન રાષ્ટ્રીય રાજધાનીમાં ભારતના 75મા પ્રજાસત્તાક દિવસ પર્વની ઉજવણીમાં મુખ્ય અતિથિ તરીકે ભારતની મુલાકાતે આવ્યાં છે. આ દરમિયાન પીએમ મોદી ગુરુવારે ઉત્તર પ્રદેશના બુલંદશહરની પણ મુલાકાત લેશે અને રૂ. 19,100 કરોડથી વધુના બહુવિધ વિકાસ પ્રોજેક્ટોનું ઉદ્ઘાટન કરશે. વડાપ્રધાન કાર્યાલય(PMO) તરફથી એક સત્તાવાર માહિતી અનુસાર, વડાપ્રધાન નરેન્દ્ર મોદી 25 જાન્યુઆરીએ યુપીમાં બુલંદશહેર અને રાજસ્થાનના જયપુરની મુલાકાત લેશે. લગભગ 1:45 વાગ્યે, તેઓ રૂ. 19,100 કરોડથી વધુના બહુવિધ વિકાસ પ્રોજેક્ટોનું ઉદ્ઘાટન કરશે.
બુંદેલશહેરમાં વિડીયો કોન્ફરન્સિંગઃ 173 કિલોમીટર લાંબી ડબલ-લાઇન
જે વિવિધ પ્રોજેક્ટો અને રેલ, રોડ, તેલ અને ગેસ, શહેરી વિકાસ અને આવાસ જેવા ઘણા મહત્વપૂર્ણ ક્ષેત્રો સાથે સંબંધિત છે. વડાપ્રધાન મોદી બુલંદશહેરમાં વિડિયો કોન્ફરન્સિંગ દ્વારા બે સ્ટેશનોથી માલસામાનની ટ્રેનોને ફ્લેગ ઓફ કરીને ડેડિકેટેડ ફ્રેઈટ કોરિડોર (DFC) પર ન્યૂ ખુર્જા અને નવી રેવાડી વચ્ચે 173 કિલોમીટર લાંબા ડબલ-લાઇન ઇલેક્ટ્રિફાઇડ સેક્શનને રાષ્ટ્રને સમર્પિત કરશે.
જનતા પાર્ટીના કાર્યકરો અને અહીંની જનતા તેમના સ્વાગત માટે તૈયાર છે.
જયપુરના સામાન્ય લોકો અને સામાજિક સંસ્થાઓ પણ તેમનું સ્વાગત કરવા માટે તૈયાર છે.
