- પંજાબના સાત યુવકો રશિયા ફરવા જતા ત્યાં ફસાઈ ગયા
- રશિયન સૈન્યએ યુવકોને બળજબરીથી કોન્ટ્રાક્ટ સાઈન કરાવી યુદ્ધભૂમિ મોકલી દીધા
- પરિવારજનોએ વિદેશ મંત્રાલય પાસે યુવકોને લઈ વિનંતી કરી
રશિયા ફરવા ગયેલા સાત ભારતીય યુવકોનો એક વીડિયો સામે આવ્યો છે. વીડિયોમાં યુવકોએ જણાવ્યું કે તેઓ નવા વર્ષે ફરવા રશિયા આવ્યા હતા. પરંતુ તેમને દગાથી રશિયન સૈન્યમાં ભરતી કરી યુદ્ધ લડવા માટે યુક્રેન રવાના કરી દીધી હતા. તેઓનું એવું પણ કહેવું છે કે તેમની સાથે અન્ય લોકો પણ આવ્યા હતા. પરંતુ તેઓને યુદ્ધના મેદાનમાં સૌથી આગળ રાખી દીધા છે અને બેથી ત્રણ દિવસમાં તેઓને પણ મોકલાશે. યુવકોએ ભારત સરકાર પાસે મદદની વિનંતી કરી છે.
વીડિયોમાં નજરે આવતા સાત યુવકો પંજાબના હરિયાણાના વતની છે. તેઓએ વિદેશ મંત્રાલય પાસે મદદની અપીલ કરતા કહ્યું છે કે તેઓ ફ્રંટ લાઈન પર જવા માટે જરાપણ તૈયાર નથી. કારણ કે તેમને બંદૂક પકડતા પણ નથી આવડતી. વીડિયોમાં નજરે આવતા યુવકોએ લીલા રંગના મિલિટરી જેકેટ પહેરેલા છે અને માથે ટોપી પહેરી છે.વીડિયોમાં તેઓ એક રૂમમાં ઊભા રહેલા દેખાઈ રહ્યા અને પાછળ એક બારી નજરે પડી રહી છે.
એજન્ટે બેલારુસ લઈ છોડી દીધા
એક મિનિટ 45 સેન્કડનો આ વીડિયો સોશિયલ મીડિયા પ્લેટફોર્મ X ઉપર શેર કરવામાં આવી રહ્યા છે જે ખૂબ વાયરલ થઈ રહ્યો છે. આ વીડિયોમાં યુવક કહે છે કે અમે બધા સાથી નવા વર્ષે રશિયા ફરવા આવ્યા હતા. અને અહીં અમને એજન્ટ મળ્યો જેને અહીં ફરવા લઈ ગયા પછી તેને કહ્યું કે હું તમને બધાને બેલારુસ લઈ જાઉં છું. અમને ખબર નહોતી કે બેલારુસ માટે વીઝાની જરૂર પડે છે. એજન્ટ અમને એમ જ લઈને ચાલ્યો હતો. ત્યાં જઈ પૈસાની માંગણી કરવા લાગ્યો. પહેલા ફરવા માટે અમે એને પૈસા આપી દીધા હતા હવે અમારી પાસે પૈસા નહોતા. યુવકે કહ્યું કે એજન્ટ બેલારુસ હાઈવે પર છોડીને ચાલ્યો ગયો હતો. અને પોલીસ બધાને પકડી રશિયન આર્મીના સોંપી દીધા હતા. રશિયન આર્મીએ આ લોકોને ચારથી પાંચ દિવસ ક્યાંર રાખ્યા અને હિંદી બોલતા શખ્સ સાથે ફોન પર વાત કરાવી અને શરત રાખી કે 10 વર્ષની જેલ થશે અથવા અમારી સાથે એક કોન્ટ્રાક્ટ સાઈન કરો. જેમાં અમારા હેલ્પર અથવા ડ્રાયવરની જોબમાં રહો.
દગાથી રશિયાન સૈનિકોએ ભારતીયોને કોન્ટ્રાક્ટ સાઈન કરાવ્યો
યુવકે વધુ જણાવ્યું કે કોન્ટ્રાક્ટ રશિયન ભાષામાં હતો જેથી અમને ખબર ન પડી કે એમાં શું લખ્યું છે. યુવકોએ કોન્ટાક્ટ સાઈન કર્યા પછી ટ્રેનિંગ સેન્ટરમાં ધકેલી દીધા. જ્યાં તેઓને ટ્રેનિંગ અપાઈ. ત્યારે યુવકોને ખબર પડી કે તેઓની સાથે દગો થયો છે. સઘન ટ્રેનિંગ બાદ યુક્રેન છોડી દીધા હતા. અમારી સાથે અન્ય લોકો પણ હતા. તેમને પણ ટ્રેનિંગ અપાઈ હતી. બીજા લોકોને ફ્રન્ટ લાઈન પર મુકી દીધા અને અમને પણ ફ્રંટલાઈન પર રાખી દેશે. અમે યુદ્ધ માટે તૈયાર નથી ભારતીય દૂતાવાસ અને સરકાર પાસે આશા છે કે અમને અહીંથી બહાર કાઢે.
મળતી માહિતી અનુસાર, આ યુવકોના પરિવારજનોએ જણાવ્યું કે યુવક રશિયન નોકરી શોધવા ગયા હતા. પરંતુ તેઓના પાસપોર્ટ લઈ લીધા અને રશિયન સૈનિકોએ તેમને ધમકી આપી હતી. કે 10 વર્ષની જેલ થશે. જેથી બળજબરીથી સૈન્યમાં સામેલ કરી યુક્રેન યુદ્ધભૂમિમાં મોકલી દીધા. પરિવારજનોએ યુવકો સાથે વાત કરી હતી. તેઓએ વિદેશ મંત્રાલયને આ મુદ્દે હસ્તક્ષેપ કરવા વિનંતી પણ કરાઈ છે.
