અનામત વિરોધી આંદોલન બાદ બાંગ્લાદેશમાં સ્થિતિ નિયંત્રણ બહાર છે. શેખ હસીનાએ વડાપ્રધાન પદ પરથી રાજીનામું આપી દેશ છોડીને ભાગી જવું પડ્યું હતું. બાંગ્લાદેશમાં ફાટી નીકળેલી તાજેતરની હિંસામાં 24 કલાકમાં 100 થી વધુ લોકોના મોત થયા છે, જ્યારે છેલ્લા 3 અઠવાડિયામાં અહીં હિંસામાં 300 થી વધુ લોકોના મોત થયા છે.
બાંગ્લાદેશમાં હિંસા અટકવાનું નામ નથી લઈ રહી. ચિત્તાગોંગમાં છ પોલીસ સ્ટેશનો પર હુમલો કરીને તોડફોડ કરવામાં આવી હતી અને ત્યાંથી હથિયારો પણ લૂંટવામાં આવ્યા હતા. ઉલ્લેખનીય છે કે શેખ હસીના દેશ છોડીને ભાગી ગયા બાદ બાંગ્લાદેશમાં સ્થિતિ મુશ્કેલ છે. ત્યાં ઘણી હિંસા થઈ રહી છે. આ દરમિયાન બાંગ્લાદેશ એરફોર્સના C130J ટ્રાન્સપોર્ટ એરક્રાફ્ટે ટેકઓફ કર્યું છે. ભારતીય સુરક્ષા એજન્સીઓ આના પર ચાંપતી નજર રાખી રહી છે.
