ભારતીય આંતરરાષ્ટ્રીય ક્રિકેટર શિખર ધવન ડાબા હાથનો ઓપનિંગ બેટ્સમેન અને જમણા હાથનો ઓફ બ્રેક બોલર છે. “ગબ્બર” તરીકે પ્રખ્યાત ધવન ડોમેસ્ટિક ક્રિકેટમાં દિલ્હીની ટીમનું પ્રતિનિધિત્વ કરતો હતો. તે ઈન્ડિયન પ્રીમિયર લીગ (IPL)માં પંજાબ કિંગ્સ રમે છે અને તેની કેપ્ટનશિપ કરતો હતો. ધવન ભારતીય ટીમની કેપ્ટનશિપ પણ કરી ચૂક્યો છે. ધવન ક્રિકેટ જગતના શ્રેષ્ઠ ઓપનિંગ બેટ્સમેનોમાંનો એક છે. તેણે હવે ક્રિકેટને અલવિદા કહી દીધું છે.
શિખર ધવનનો પરિવાર
ક્રિકેટર શિખર ધવનનો જન્મ 5 ડિસેમ્બર 1985ના રોજ દિલ્હીમાં પંજાબી ખત્રી પરિવારમાં થયો હતો. તેના પિતાનું નામ મહેન્દ્રપાલ ધવન અને માતાનું નામ સુનૈના ધવન છે. તેમની એક નાની બહેન શ્રેષ્ઠા છે. 30 ઓક્ટોબર 2012ના રોજ, શિખર ધવને મેલબોર્નની આયેશા મુખર્જી સાથે લગ્ન કર્યા. 2014માં તેમના પુત્ર જોરાવરનો જન્મ થયો હતો. આયેશાને તેના પતિ સાથે બે પુત્રીઓ છે: રિયા અને આલિયા. જો કે શિખર ધવન અને આયેશા મુખર્જીએ 9 વર્ષના લગ્નજીવન બાદ 2021માં છૂટાછેડા લીધા હતા.
શિખર ધવનનું ક્રિકેટ કરીયર
શિખર ધવને 20 ઓક્ટોબર 2010માં ઓસ્ટ્રેલિયા વિરુદ્ધ ડેબ્યું કર્યું હતુ. ટેસ્ટમાં 14 માર્ચ 2013ના રોજ ઓસ્ટ્રેલિયા વિરુદ્ધ ડેબ્યુ કર્યું અને ટી 20 ડેબ્યુ 4 જુન 2011ના રોજ વેસ્ટ ઈન્ડિઝ સામે કર્યું હતુ. શિખર ધવનનો જર્સી નંબર 25, અને 16 છે. શિખર ધવનને એક બહેન છે જેનું નામ શ્રેષ્ઠા ધવન છે. જેના લગ્ન થઈ ચૂક્યા છે.
શિખર ધવનની IPL સફર
શિખર ધવને 2008માં દિલ્હી ડેયરડેવિલ્સ સાથે IPLમાં ડેબ્યું કર્યું હતુ. આ સીઝનમાં તેમણે 4 અડધી સદી ફટકારી અને ટીમ માટે સૌથી વધુ રન બનાવનાર ખેલાડી પણ બન્યો હતો. ત્યારબાદ મુંબઈ,સનરાઈઝર્સ હૈદરાબાદ, દિલ્હી કેપિટલ્સ અને પંજાબ કિંગ્સમાંથી રમી ચૂક્યો છે. શિખર ધવન ઈન્ડિયન પ્રીમિયર લીગમાં પંજાબ કિંગ્સ માટે કેપ્ટનશીપ કરી ચૂક્યો છે. તેમજ સાથે ભારતીય ટીમની કેપ્ટનશીપ પણ કરી ચૂક્યો છે.ધવન ક્રિકેટ જગતનો સર્વશ્રેષ્ઠ ઓપનિંગ બેટ્સમેનમાંથી એક છે. 1999-2000માં વિજય મર્ચન્ટ ટ્રોફીમાં દિલ્હી અંડર 16 ટીમની સાથે શિખર ધવને પોતાના ધરેલું ક્રિકેટ કરિયરની શરુઆત કર હતી.
શિખર ધવનના રેકોર્ડ્સ
ટેસ્ટ ડેબ્યૂમાં સૌથી ઝડપી સદી ફટકારવાનો રેકોર્ડ શિખર ધવનના નામે છે, તેણે પોતાની ટેસ્ટ ડેબ્યૂ મેચમાં 85 બોલમાં સદી ફટકારી હતી.
ધવને તેની ટેસ્ટ ડેબ્યૂમાં 174 બોલમાં 187 રન બનાવ્યા હતા, જે ટેસ્ટ ડેબ્યૂ પર કોઈ બેટ્સમેન દ્વારા રમાયેલી સૌથી ઝડપી ઈનિંગ્સ છે.
શિખર ધવન ભારત માટે વનડેમાં સૌથી ઝડપી 2000, 3000 રન બનાવનાર બેટ્સમેન છે.
ધવન વિરાટ કોહલી પછી વનડેમાં ભારત માટે 4000 અને 5000 રન બનાવનાર બીજો સૌથી ઝડપી બેટ્સમેન છે.
ધવન પોતાની 100મી વનડેમાં સદી ફટકારનાર પ્રથમ ભારતીય બેટ્સમેન છે.
ICC ચેમ્પિયન્સ ટ્રોફીમાં સતત 2 ગોલ્ડન બેટ્સ જીતનાર ધવન એકમાત્ર ખેલાડી છે.
શિખર ધવન ODIમાં હાશિમ અમલા, વિરાટ કોહલી, કેન વિલિયમ્સન પછી સૌથી ઝડપી 6000 રન બનાવનાર ચોથો બેટ્સમેન છે.
શિખર ધવન ODI ક્રિકેટમાં ભારત માટે સૌથી ઝડપી 3000 હજાર રન બનાવનાર બેટ્સમેન છે.
ધવને ટી20 આંતરરાષ્ટ્રીય ક્રિકેટમાં ભારત માટે એક કેલેન્ડર વર્ષમાં સૌથી વધુ 689 રન બનાવ્યા છે.
શિખર ધવન IPLના ઈતિહાસમાં સતત બે સદી ફટકારનાર પ્રથમ ખેલાડી છે.
ઑગસ્ટ 2013 માં, ધવને લિસ્ટ A મેચમાં બીજો સૌથી વધુ વ્યક્તિગત સ્કોર બનાવ્યો જ્યારે તેણે દક્ષિણ આફ્રિકા સામે ભારત A માટે 150 બોલમાં 248 રન બનાવ્યા.
2013 ICC ચેમ્પિયન્સ ટ્રોફીમાં ‘પ્લેયર ઓફ ધ ટુર્નામેન્ટ’નો એવોર્ડ મેળવનાર સચિન તેંડુલકર અને યુવરાજ સિંહ પછી ધવન ત્રીજો ભારતીય બન્યો.
શિખર ધવનની નેટવર્થ
ભારતીય ક્રિકેટર શિખર ધવન વિશ્વના સૌથી અમીર ક્રિકેટરોમાંથી એક છે. મીડિયા રિપોર્ટ્સ અનુસાર, ધવનની કુલ નેટવર્થ લગભગ 96 કરોડ રૂપિયા છે. તે બ્રાન્ડ એન્ડોર્સમેન્ટથી પણ સારી કમાણી કરે છે. IPL 2022ની હરાજીમાં પંજાબ કિંગ્સે ધવનને 8.25 કરોડ રૂપિયામાં ખરીદ્યો હતો. તેને 2023 IPLમાં આ કિંમતે જાળવી રાખવામાં આવ્યો હતો. ધવન પાસે દિલ્હીમાં લગભગ 6 કરોડ રૂપિયાની કિંમતનું આલીશાન ઘર છે. આ સિવાય તેની દેશના અનેક શહેરોમાં અલગ-અલગ પ્રોપર્ટી પણ છે.
