- બાલ્ટિક સાગરમાં મરજીવાઓને એક જહાજનો કાટમાળ મળ્યો
- આજથી 171 વર્ષ પહેલા પાણીમાં ડૂબી ગયેલું જહાજ મળ્યું
- જહાજના કાટમાળમાંથી કિંમતી ચીજવસ્તુઓ, વાસણો, શેમ્પેનની બોટલો મળી
બાલ્ટિક સાગરના ઊંડાઈમાં ડૂબેલું આજથી 171 વર્ષ જૂનું જહાજ શોધી લેવામાં આવ્યું છે. આ જહાજના કાટમાળમાં શેમ્પેન ભરેલી બોટલો મળી આવી છે. આ જહાજ 19મી સદીનું છે. સ્વીડનના તટ પર શોધ કરનાર પોલીસ અને મરજીવાની ટીમ અનુસાર લાંબા સમયથી પાણીમાં ડૂબેલે જહાજ લક્ઝરી દારૂથી ભરેલો છે. કાટમાળ શોધનાર બાલ્ટિક મરજીવાની ટીમના લીડરે એક પ્રેસ કોનફરન્સ યોજી હતી. જેમાં જણાવ્યું કે આ જહાજમાં રહેલી શેમ્પેન, મિનરલ વોટર અને સિરામિક વાસણોથી લદાયેલું છે. વેબસાઈટ અનુસાર આ બાલ્ટિક સાગરમાં સૌથી સક્રિય કાટમાળ મરજીવાઓમાંથી એક છે. અને અત્યાર સુધી કાટમાળની હજારો ફોટા લેવામાં આવ્યા છે.
જહાજ પર સામાન લદાયેલો છે
મળતી માહિતી અનુસાર, મરજીવાની ટીમ એક નવા સ્થળ અને વસ્તુની શોધમાં હતા તે દરમ્યાન આ કાટમાળ મળ્યો. બે સભ્યોએ ડૂબકી મારી જેથી ત્યાં પહોંચ્યા બાદ બે કલાક બાદ જહાજની પાસે રહ્યા. જહાજનો કાટમાળ સારી સ્થિતિમાં હતો. આ જહાજ પર ખૂબ સામાન લદાયેલો છે.
ડૂબેલા જહાજમાંથી શું-શું મળ્યું
સોશિયલ મીડિયામાં કરેલી પોસ્ટમાં જણાવ્યું છે કે, આ એટલું વધુ હતું કે એના પ્રમાણનું અનુમાન લગાવવું મુશ્કેલ હતું. શેમ્પેનને લીધે મરજીવાઓએ ઉજવણી કરી રહ્યા હતા. પરંતુ પાણી પણ ખૂબ મહત્ત્વપૂર્ણ હતું. જે મધ્ય જર્મનીના એક ખનીજ ઝરણાનું છે. 800 વર્ષોથી આ પાણી વિશ્વમાં લઈ જવાઈ રહ્યું છે. મરજીવા અંડરવોટર વીડિયો શૂટ કરતા માટીની બોટલ પર અંકિત બ્રાંડ જર્મન કંપની સેલ્ટર્સનું હતું. જે આજે પણ ઉત્પાદન કરે છે. વેબસાઈટ પ્રમાણે આનો ભાવ એટલો વધુ છે કે આ મુદ્દામાલ માટે પોલીસની મદદ લેવાની નોબત આવી હતી. શેમ્પેનની બોટલ વર્ષ-1850-1867ની વચ્ચે બનાવવામાં આવી હતી. જે બોટલમાં આને પેક કરાઈ હતી, તે કંપની આજે પણ હયાત છે. વધુ જાણકારી લેવા આ કંપનીનો સંપર્ક કરવામાં આવશે.
