ઇંગ્લેન્ડ સામે ટેસ્ટ શ્રેણી શરૂ થાય તે પહેલાં, ટીમ ઇન્ડિયાના ખેલાડીઓ શાનદાર ફોર્મમાં નજરે પડી રહ્યા છે. આ વખતે ઇંગ્લેન્ડ પ્રવાસ પરથી ભારતીય ચાહકો માટે ભારતીય ટીમ સારા સમાચાર લઈને પરત ફરશે એવી આશાઓ સેવાઇ રહી છે.
કેપ્ટન શુભમન ગિલનો યુગ શરૂ
હાલ લંડન નજીક બેકનહામમાં ભારત અને ઇંગ્લેન્ડ ટેસ્ટ સિરીઝ પહેલા પ્રેક્ટિસ મેચ રમાઈ રહી છે. શુક્રવારથી ટીમ ઇન્ડિયા અને ઇંગ્લેન્ડ વચ્ચે ઇન્ટ્રા-સ્ક્વોડ પ્રેક્ટિસ મેચ શરૂ થઈ, જેના પહેલા દિવસે ભારતીય ટીમે શાનદાર પ્રદર્શન કર્યું છે. રોહિત શર્માની નિવૃત્તિ પછી, ગિલને ટીમ ઇન્ડિયાની કમાન સોંપવામાં આવી છે. ભારતીય કેપ્ટને આ તકનો ખુબજ સારો ફાયદો ઉઠાવ્યો છે, અને તેમની તાકાતની ઝલક પણ બતાવી છે. તેમણે ઇન્ટ્રા-સ્ક્વોડ પ્રેક્ટિસ મેચમાં શાનદાર અડધી સદી ફટકારી છે.
ભારતીય ખેલાડીઓનું શાનદાર પ્રદર્શન
બેકનહામમાં ભારત અને ઇંગ્લેન્ડ ટેસ્ટ સિરીઝ પહેલા પ્રેક્ટિસ મેચ રમાઈ રહી છે. આ ઇન્ટ્રા-સ્ક્વોડ પ્રેક્ટિસ મેચમાં ભારતીય યુવા ખેલાડીઓ ખુબજ સારું પ્રદર્શન કરતાં દેખાઈ રહ્યા છે. ભારતીય કેપ્ટન શુભમન ગિલે મેચના પહેલા દિવસે શાનદાર અડધી સદી ફટકારી હતી, જ્યારે ટીમના ઓપનર અને અનુભવી બેટ્સમેન કેએલ રાહુલે પણ પોતાનું શાનદાર ફોર્મ દેખાડ્યું હતું અને અડધી સદી ફટકારી હતી. આ મેચમાં શાર્દુલ ઠાકુર પણ બોલિંગમાં ચમક્યો હતો, જેણે પહેલા દિવસે સૌથી વધુ વિકેટ લીધી હતી.
ટેસ્ટ શ્રેણી માટે સારા સંકેતો
હાલ BCCI દ્વારા ઇન્ટ્રા-સ્ક્વોડ પ્રેક્ટિસ મેચના ચોક્કસ આંકડા આપવામાં આવ્યા નથી. પરંતુ ભારતીય ટેસ્ટ કેપ્ટન તરીકે ગિલની આ મેચમાં પહેલી અડધી સદી ટેસ્ટ શ્રેણી પહેલા એક સારો સંકેત છે. કપ્તાન શુભમન ગિલનો વિદેશમાં રેકોર્ડ ખૂબ સારો રહ્યો નથી, પરંતુ પ્રેક્ટિસ મેચમાં શાનદાર પ્રદર્શનથી ટીમમાં ચોક્કસથી આત્મવિશ્વાસમાં ખૂબ વધારો થયો છે. શુભમન ગિલની કેપ્ટનશીપ કરતાં તેની બેટિંગ પર હાલ તમામની નજર છે.
