ચાંદીના ભાવમાં ઉછાળો, ૯3૦૦નો વધારો : સોનામાં ૨૦૦૦ વધતા નવી ઊંચાઇએ
ચાંદી રૂ.3૬૦૮૦૦ અને સોનુ ૧૬૪પ૦૦એ પહોંચ્યુ
અગ્ર ગુજરાત, રાજકોટ
મજબૂત વૈશ્વિક સંકેતો અને સલામત સંપત્તિની સતત માંગને કારણે સ્થાનિક બજારમાં સોના અને ચાંદીના ભાવ રેકોર્ડ ઊંચા સ્તરે પહોંચ્યા. સ્થાનિક બજારમાં સોનામાં આજે રૂ।. 2000 અને ચાંદીમાં રૂ।. 9300 નો વધારો થયો છે. આ સાથે સોનું રૂ।. 164500 અને ચાંદી રૂ।.360800 એ પહોંચ્યું છે.
આજે પણ ઊંચા ભાવે સોનું સૈફ હેવન તરીકે ગણવામાં આવી રહ્યું છે. સાથે ટ્રમ્પ નીતિ ના કારણે ભાવ વધી રહ્યા છે. શનિવારે પણ સોનામાં રૂ।.3800 અને ચાંદીમાં રૂ।. 31500 વધ્યા હતા. અને આજે ખીલતી બજારે ભાવો વધ્યા છે.
સોના ચાંદીના ભાવ રોજ નવા રેકોર્ડ સ્તરે પહોંચ્યા છે. આજે રજા બાદ બજાર ખુલતા ભાવમાં મોટો વધારો થયો છે. આ વર્ષે અત્યાર સુધી સોના કરતાં ચાંદી ઝડપથી વધી રહી છે. વાયદા બજારમાં અને મુખ્ય ભારતીય શહેરોમાં ભાવ હવે તેમના ઉચ્ચતમ સ્તરે છે, જેના કારણે રોકાણકારો અને ખરીદદારો દૈનિક દરમાં થતા ફેરફારો પર નજીકથી નજર રાખી રહ્યા છે.
ભારતીય બુલિયન બજારમાં સોના ચાંદીના ભાવમાં ધરખમ વધારો થયો છે. સોનાના વાયદા 1.7% થી વધુ ના ઉછાળા સાથે રૂ।.159,820 પ્રતિ 10 ગ્રામના રેકોર્ડ ઊંચા સ્તરે પહોંચ્યા. ચાંદીના ભાવ પણ વધારો જોવા મળ્યો, લગભગ 6% વધીને રૂ।.354,780 પ્રતિ 1 કિલોના રેકોર્ડ ઊંચા સ્તરે પહોંચ્યા છે.
નવીનતમ બુલિયન દરો અનુસાર, સોનું રૂ।.2,330 અથવા 1.49% વધીને 10 ગ્રામના લગભગ રૂ।.159,070 પર ટ્રેડ થઈ રહ્યું છે. ચાંદી પ્રતિ કિલોગ્રામ રૂ।.20,230 અથવા 6.03% વધીને રૂ।.355,740 ની આસપાસ ટ્રેડ થઈ રહી છે.
આ વર્ષે અત્યાર સુધીમાં ચાંદીમાં 50% થી વધુનો વધારો થયો છે, જે સોના કરતાં ઘણી મજબૂત ગતિ દર્શાવે છે. વૈશ્વિક બજારમાં સોનાના ભાવ સ્થિર રહ્યા છે. હાજર સોનાના ભાવ અગાઉના સત્રમાં 5,110.50 ની રેકોર્ડ ઊંચી સપાટીને સ્પર્શ્યા પછી લગભગ 1.1% વધીને 5,068 પ્રતિ ઔંસ થયા હતા.વૈશ્વિક બજારોમાં પણ ચાંદીના ભાવ સર્વકાલીન ઉચ્ચતમ સ્તરની નજીક રહ્યા છે, જે ભારતીય વાયદાના ભાવમાં વધારાને ટેકો આપે છે.
