- ડિંડોલીમાં બાળકી ગેલેરીમાં રમતા રમતા નીચે પટકાઈ
- ચોથા માળેથી પટકાતા બાળકીને સારવાર માટે ખસેડાઈ હતી
- બે દિવસની ટૂંકી સારવાર બાદ બાળકીનું મોત થયુ
સુરતમાં માતા-પિતા સામે લાલબત્તી સમાન કિસ્સો સામે આવ્યો છે. ચાર વર્ષીય બાળકી ચોથા માળેથી પટકાતા મોતને ભેટી છે. ડિંડોલીમાં બાળકી ગેલેરીમાં રમતા રમતા નીચે પટકાઈ હતી. ચોથા માળેથી પટકાતા બાળકીને સારવાર માટે ખસેડાઈ હતી. જેમાં ટૂંકી સારવાર બાદ બાળકીનું મોત થયુ હતુ.
ડિંડોલી નવાગામ વિસ્તારમાં આ ઘટના બની
ડિંડોલી નવાગામ વિસ્તારમાં આ ઘટના બની છે. જેમાં બાળકી રમતા રમતા ચોથા માળેથી નીચે પટકાઈ હતી. તેમાં બાળકીને સારવાર અર્થે નવી સિવિલ હોસ્પિટલ ખસેડાઇ હતી. જ્યાં બાળકીનું બે દિવસની સારવાર દરમિયાન મોત નીપજ્યું છે. હાલ સમગ્ર મામલે ગોડાદરા પોલીસે આગળની તપાસ હાથ ધરી છે. નાની એવી લાપરવાહી ભારે પડી શકે છે. લાપરવાહીના કારણે મોત પણ થઈ શકે છે. અગાઉ સુરતમાં એવો જ એક કિસ્સો સામે આવ્યો હતો. જેમાં માતા-પિતાની લાપરવાહીના કારણે બાળકીનું મોત થયું હોવાનું સામે આવ્યું હતુ.
ત્રણ વર્ષની બાળકી રમતા રમતા ટેમ્પોમાંથી નીચે પટકાતા ઈજાગ્રસ્ત થઇ હતી
શહેરના સચિન જીઆઇડીસી વિસ્તારમાં આવેલ કનસાડ રોડ ઉપર રહેતા શ્રમજીવી પરિવારની ત્રણ વર્ષની બાળકી રમતા રમતા ટેમ્પોમાંથી નીચે પટકાતા ઈજાગ્રસ્ત થઇ હતી. ત્યારે બાળકીને કોઈ દુખાવો કે કઈ થયું હતું નહીં. અચાનક રાત્રે દુખાવો થતા તે બેભાન થઈ ગઈ હતી. જે બાદ તેને હોસ્પિટલ લઈ જવામાં આવી હતી. જે બાદ બાળકીનું ટૂંકી સારવાર બાદ મોત નીપજ્યું હતું. આ બાબતે મૃતક બાળકીના પિતા ભાગેલું ચૌહાણે જણાવ્યું કે, “ત્રણ દિવસ પહેલા સુહાની રમતા રમતા ટેમ્પોમાંથી નીચે પટકાઈ ગઈ હતી. પરંતુ સૌ પ્રથમ વખત તો તેને કશું થઇ ન હતું. પરંતુ માથાના પાછળના ભાગે મોટું ગૂમડું થઇ ગયું હતું. પરંતુ રાતે તેને માથામાં તેજ ભાગ ખૂબ જ દુખાવો થતો હોવાથી તે બેભાન થઇ ગઈ હતી. અમે તેને ખાનગી હોસ્પિટલ લઇ ગયા હતા. જ્યાં એક બાદ એક અમે ત્રણ હોસ્પિટલ લઇ ગયા હતા. આ તમામ હોસ્પિટલોમાંથી અમને એમ કહેવામાં આવ્યું કે તમે સિવિલ હોસ્પિટલ લઇને જાવ અમે અહીં લાવ્યા તો અહીં ડોક્ટરે સારવાર શરૂ કરી હતી. પરંતુ એક કલાક બાદ ડોક્ટરોએ જણાવ્યું કે, તેનું મોત થઇ ગયું છે.
માથાના પાછળના ભાગે મોટો સોજો આવી ગયો હતો
મૃતક સુહાની ટેમ્પોમાં રમતા રમતા નીચે પડી ગઈ હતી. તેને માથાના પાછળના ભાગે મોટો સોજો આવી ગયો હતો. પરંતુ માતા-પિતાને લાગ્યું કે, સારું થઇ જશે. પરંતુ રાતે બાળકીને માથાના ભાગે એકાએક ખૂબ જ દુખાવો થતા તેને ખાનગી હોસ્પિટલમાં લઇ ગયા હતા. જ્યાંથી પરિવારને બાળકીનું વધુ સારવાર માટે સિવિલ હોસ્પિટલ લઇ ગયા હતા. જ્યાં બાળકીનું ટૂંકી સારવાર બાદ મોત નીપજ્યું હતુ. આ બાબતે સિવિલ હોસ્પિટલમાં ફરજ પરના ડોક્ટરે જણાવ્યું કે, માથાના પાછળના ભાગે લોહીનો જથ્થો જામી જવાના કારણે તેનું લોહીનું સંચન થઇ શકતું નઈ હતું. જેથી તેનું મોત થયું હોય તેવું લાગી રહ્યું છે.
