VOTE TO OUR RIGHT” સ્લોગન મહેંદીમાં લખીને મતદાનનો સંદેશ આપ્યો તેમજ શપથ પણ ગ્રહણ કર્યા.
મહેંદી બહેનોને ખૂબ જ પ્રિય હોય છે મહેંદી વગરનો કોઈ પણ પ્રસંગ અધુરો ગણાય છે. દરેક બહેનોને મહેંદી નો શોખ હોય છે અને મહેંદી કલાત્મક રીતે મૂકવાની આવડત પણ હોય છે હાલ લોકસભાની ચૂંટણી ની ગણતરીના જ દિવસો બાકી રહ્યા છે ત્યારે બહેનોમાં મતદાન જાગૃતિ ફેલાવવા માટે બહેનોની પસંદગીના વિષયો દ્વારા આ સંદેશ ફેલાવવામાં આવે છે.નેઇલ આર્ટ, મહેંદી ટેટુ વગેરે દ્વારા મતદાન કરવા માટેની જાગૃતિ કરવામાં આવે છે.તેમજ બહેનોની વપરાશ ની વસ્તુ માં પણ સ્ટીકર લગાવીને મતદાન જાગૃતિ નો સંદેશ આપવામાં આવે છે. હાલમાં લોકસભાની ચૂંટણી માટે તાજેતરમાં મતદાન યોજાવાનું છે ત્યારે ટંકારા મત વિસ્તારના પડધરી તાલુકાના સરપદડ ગામે આઇ સી.ડી. એસ ની બહેનો દ્વારા મતદાન જાગૃતિ અંગે સંદેશો આપતી મહેંદી મૂકવામાં આવી હતી.
મતદાન જાગૃતિ માટે વહીવટી તંત્ર દ્વારા અનેક કાર્યક્રમો કરવામાં આવી રહ્યો છે. તો વધુને વધુ લોકો મતદાન કરે તે માટે અપીલ કરવામાં આવી રહી છે ત્યારે પડધરી તાલુકાના સરપદડ ગામે આઇ.સી.ડી.એસ ની બહેનો દ્વારા હાથમાં મહેંદી મુકવા આવી હતી. જે મહેંદીમાં “VOTE TO OUR RIGHT” , “VOTE FOR INDIA ૨૦૨૪” અને ” LOKSABHA ELECTION ૨૦૨૪” નાં સ્લોગન મહેંદીમાં અંકિત કરવામાં આવ્યા હતા અને બહેનોએ મતદાન અચૂક કરીશું અને અન્યને પણ મતદાન કરવા માટે કહીશું તથા શપથ લીધા હતા.
