- 25 ડિસેમ્બરથી 31 ડિસેમ્બર સુધી આ જાહેરનામું અમલી રહેશે
- પેસેન્જર વાહનો સવારે 8 થી રાત્રીના 1 વાગ્યા સુધી પ્રતિબંધ
- કાંકરિયા તળાવ ફરતે ટુવ્હિલર સહિત રસ્તા જાહેર કરાયા
શહેરના 25 ડિસેમ્બરથી 31 ડિસેમ્બર સુધી કાંકરિયા કાર્નિવલનું આયોજન કરવામાં આવ્યુ છે. ત્યારે મોટી સંખ્યામાં લોકો વાહનો સાથે આવતા હોવાથી ટ્રાફ્કિની સમસ્યા ન સર્જાય તે માટે ટ્રાફ્કિ વિભાગ દ્વારા કેટલાક વિસ્તારને નો પાર્કિંગ ઝોન, નો સ્ટોપ ઝોન અને નો યુ ટર્ન ઝોન જાહેર કર્યા છે. તેમજ કાંકરિયા લેકની આસપાસના વિસ્તારમાંથી માલવાહક અને પેસેન્જર વાહનોની અવર જવર પર સવારે 8 થી રાત્રીના 1 સુધી પ્રતિબંધ મુકવામાં આવ્યો છે. આ જાહેરનામું તારીખે 25 થી 31 ડિસેમ્બર સુધી અમલમાં મુકવામાં આવશે.
જેમાં કાંકરિયા ચોકીથી રેલ્વે યાર્ડ થઈ ખોખરા બ્રીજ, દેડકી ગાર્ડન, સિધ્ધી વિનાયક હોસ્પિટલથી પુષ્પકુંજ થઈ અપ્સરા સિનેમાથી ફ્ુટબોલ ચાર રસ્તા થઈ લોહાણા મહાજવાડી થઈને કાંકરિયા ચોકી સુધીના સર્કલ સુધી પોલીસે નો સ્ટોપ અને નો પાર્કિંગ ઝોન તરીકે જાહેર કર્યો છે. તેમજ કાંકરિયા તળાવ ફરતે ટુવ્હિલર સહિત રસ્તા જાહેર કર્યા છે. આ રસ્તા પર કોઈ પણ વાહન સ્ટોપ થઈ શકશે નહિ તથા પાર્કિંગ જગ્યા સિવાય કોઈ પણ વાહન પાર્ક કરી શકશે. નહિં તો કાંકરિયા તળાવ ફરતે સર્કલ રોડ ટુ લેનમાં હોવા છતાંય કોઈ પણ જગ્યાથી યુ ટર્ન લઈ શકાશે નહિ જેથી આ વિસ્તારને નો યુ ટર્ન ઝોન પણ જાહેર કરવામાં આવ્યો છે. ત્યારે તમામ પ્રકારના માલવાહક અને પેસેન્જર વાહનોની અવર જવર પર સવારે 8થી રાત્રે 1 સુધી પ્રતિબંધ ફરમાવવામાં આવ્યો છે. જેમાં દાણીલીમડા ચાર રસ્તાથી શાહ આલમ થઇને કાંકરિયા મુખ્ય રોડ, ચંડોળા પોલીસ ચોકીથી શાહ આલમ થઇ કાંકરિયા તરફ્નો મુખ્ય રોડ, મણીનગર રેલવે સ્ટેશનથી મણીનગર ચાર રસ્તાથી રામબાગ થઇ કાંકરિયા તરફ્ જતો રોડ, કાગડાપીઠ ટી થી વાણિજ્ય ભવન થઇને કાંકરિયા તરફ્નો રોડ, રાયપુર દરવાજાથી બીગ બજાર થી પારસી અગિયારી ચાર રસ્તા થઇને કાંકરિયા તરફ્નો મુખ્ય રોડ, ગુરૂજી બ્રીજથી આવકાર હોલથી હિરાભાઇ ટાવરથી ભૈરવનાથ થઇને કાંકરિયા તરફ્ના રોડ પરથી ભારે અને પેસેન્જર વાહનો અવર જવર નહિ કરી શકે.
કાર્નિવલમાં 1300 પોલીસ જવાનો તૈનાત
કાંકરિયા કાર્નિવલમાં અનેક મહાનુભાવો અને મોટી સંખ્યામાં લોકો આવતા હોવાથી પોલીસે એક્શન પ્લાન તૈયાર કરી નાખ્યો છે. જેમાં 2 ડીસીપી, પાંચ એસીપી, 14 પીઆઇ, 66 પીએસઆઈ, 763 પોલીસ જવાનો, 200 મહિલા પોલીસ, 150 હોમગાર્ડ જવાનો, સહિત 1300 પોલીસ જવાનો બંદોબસ્તમાં તૈનાત રહેશે. ઉપરાંત એસ.આર.પી. જવાનોની એક કંપની પણ રહેશે ઉપરાંત બોમ્બ ડિસ્પોઝલની છ ટીમો રાઉન્ડ ધ કલોક એન્ટી સબોર્ટેઝ ચેકીંગ માટે રાખવામાં આવી છે. ત્યારે મહિલાઓની છેડતીના બનાવોને રોકવા કુલ નવ શી ટીમ ખાનગી ડ્રેસમાં કાંકરિયામાં તૈનાત રહેશે.
