- 22 જાન્યુઆરીએ અયોધ્યામાં રામ મંદિર પ્રાણ પ્રતિષ્ઠા
- રામ મંદિરના પ્રાણ પ્રતિષ્ઠાના આમંત્રણનો સોનિયા ગાંધીનો અસ્વીકાર
- આ કાર્યક્રમ એ રાજકીય મુદ્દો હોવાનો સોનિયા ગાંધીનો આરોપ
22 જાન્યુઆરીએ યોજાનાર રામ મંદિર પ્રાણ પ્રતિષ્ઠા કાર્યક્રમમાં સોનિયા ગાંધી અને મલ્લિકાર્જુન ખડગે સહિત કોઈ કોંગ્રેસી નેતા અયોધ્યા જશે નહીં. સોનિયા ગાંધીએ અયોધ્યા રામ મંદિરના પ્રાણ પ્રતિષ્ઠાના આમંત્રણનો અસ્વીકાર કર્યો છે.
રામ મંદિર પ્રાણ પ્રતિષ્ઠા કાર્યક્રમમાં હાજરી આપવાના આમંત્રણનો કોંગ્રેસે અસ્વીકાર કર્યો છે. કોંગ્રેસ દ્વારા એક નિવેદનમાં જણાવ્યું હતું કે, રામ મંદિર પ્રાણ પ્રતિષ્ઠા કાર્યક્રમ માટેના આમંત્રણને સન્માનપૂર્વક નકારી કાઢવામાં આવ્યું છે. 22 જાન્યુઆરીએ યોજાનાર આ કાર્યક્રમમાં સોનિયા ગાંધી અને મલ્લિકાર્જુન ખડગે સહિત કોઈ પણ કોંગ્રેસી નેતાઓ અયોધ્યા જશે નહીં. કોંગ્રેસે ભાજપ પર રામ મંદિરનો રાજકીય ઉપયોગ કરવાનો આરોપ લગાવતા રાજકારણ ગરમાયું છે.
કોંગ્રેસે રામ મંદિર પ્રાણ પ્રતિષ્ઠાના કાર્યક્રમને સન્માનપૂર્વક ફગાવી દીધો છે. કોંગ્રેસે કહ્યું છે કે તેઓ રામ મંદિર પ્રાણ પ્રતિષ્ઠાના કાર્યક્રમમાં ભાગ નહીં લે. સોનિયા ગાંધી અને કોંગ્રેસ અધ્યક્ષ મલ્લિકાર્જુન ખડગે પ્રાણ પ્રતિષ્ઠા કાર્યક્રમમાં હાજરી આપશે નહીં. લોકસભામાં કોંગ્રેસ સાંસદ પાર્ટીના નેતા અધીર રંજન ચૌધરી પણ આ કાર્યક્રમમાં ભાગ લેશે નહીં. કોંગ્રેસે કહ્યું છે કે આ આરએસએસ અને ભાજપનો કાર્યક્રમ છે. તમને જણાવી દઈએ કે રામ મંદિરનો અભિષેક 22 જાન્યુઆરીએ થવાનો છે અને આ કાર્યક્રમમાં PM મોદી સહિત અનેક વરિષ્ઠ હસ્તીઓ ભાગ લેશે.
ગયા મહિને, કોંગ્રેસ અધ્યક્ષ અને રાજ્યસભામાં વિપક્ષના નેતા મલ્લિકાર્જુન ખડગે, કોંગ્રેસ સંસદીય દળના અધ્યક્ષ સોનિયા ગાંધી અને લોકસભામાં કોંગ્રેસ પાર્ટીના નેતા અધીર રંજન ચૌધરીને તેમાં હાજરી આપવા માટે આમંત્રણ મળ્યું હતું. કોંગ્રેસ દ્વારા જારી કરવામાં આવેલા નિવેદનમાં કહેવામાં આવ્યું છે કે આપણા દેશમાં ભગવાન રામની લાખો લોકો પૂજા કરે છે. ધર્મ એ અંગત બાબત છે, પરંતુ RSS અને BJPએ મંદિરને લાંબા સમયથી રાજકીય પ્રોજેક્ટ બનાવી રાખ્યું છે. મંદિરનું ઉદ્ઘાટન ભાજપ અને RSSના નેતાઓ દ્વારા કરવામાં આવી રહ્યું છે. આ સ્પષ્ટપણે ચૂંટણીલક્ષી લાભ માટે આગળ લાવવામાં આવ્યું છે તેવો આક્ષેપ કરવામાં આવ્યો હતો.
