શ્રીલંકાએ ચીન સાથે મોટી ડેબ્ટ ડીલ કરી

• એક્સ્પોર્ટ-ઇમ્પોર્ટ બેન્ક ઑફ ચાઇના સાથે શ્રીલંકાની ડીલ
• શ્રીલંકાના વિદેશી ધિરાણમાં ચીનનો 52% હિસ્સો
  
• ડીલમાં 4.2 અબજ ડોલરનું બાકી દેવું આવરી લેવાયું
  

શ્રીલંકા સરકારે પુષ્ટિ કરી છે કે તેણે ચીનના દેવાના રિસ્ટ્રક્ચરિંગ માટે એક ડીલ કરી છે. આ ડીલને નાણાભીડનો સામનો કરી રહેલા શ્રીલંકાની આર્થિક રિકવરીની દિશામાં એક મોટા પગલાં તરીકે જોવાઈ રહી છે. શ્રીલંકન સરકારના નાણામંત્રાલયે બુધવારે એક નિવેદન જારી કરીને જણાવ્યું હતું કે શ્રીલંકા સરકારને આ જાહેરાત કરતા ખુશી થઈ રહી છે કે તેણે એક્સ્પોર્ટ-ઇમ્પોર્ટ બેન્ક ઑફ ચાઇના સાથે મહત્ત્વના સિદ્ધાંતો અને સૂચક શરતો પર એક ડેબ્ટ ડીલ સાઇન કરી છે. નોંધનીય છે કે શ્રીલંકાના 46 અબજ ડોલરના વિદેશી ધિરાણમાં ચીનનો લગભગ 52 ટકા હિસ્સો છે. ડીલમાં આશરે 4.2 અબજ ડોલરનું બાકી દેવું આવરી લેવાયું છે. નિવેદનમાં એમ પણ કહ્યું હતું કે ડીલમાં ડેબ્ટ રિસ્ટ્રક્ચરિંગની જે શરતો રખાઈ છે તે શ્રીલંકાની ઇકોનોમીમાં ત્વરિત રિકવરીનો અને રિફોર્મ એજન્ડાના અમલીકરણનો માર્ગ મોકળો કરશે.