ઘણા સમયથી અવકાશમાં અટવાયેલા સુનિતા વિલિયમ્સ અને તેના પાર્ટનર બૂચ વિલ્મોરની પૃથ્વી પર પરત ફરવાની તારીખ નક્કી કરવામાં આવી છે. નાસા દ્વારા કરવામાં આવેલી જાહેરાતમાં કહેવામાં આવ્યું છે કે મંગળવાર સાંજ સુધીમાં બંને અવકાશયાત્રીઓ પૃથ્વી પર પરત ફરશે. સુનિતા વિલિયમ્સ અને બૂચ વિલ્મોર, અન્ય NASA અવકાશયાત્રી અને રશિયન અવકાશયાત્રી સાથે, SpaceX ક્રૂ ડ્રેગન અવકાશયાનમાં સવાર થઈને પૃથ્વી પર પાછા ફરશે.
સુનિતા વિલિયમ્સ અને બૂચ વિલ્મોરે અવકાશમાંથી પાછા ફરતાંની સાથે જ પૃથ્વી પર પગ મૂકતાં જ બેબી ફીટની સમસ્યાનો સામનો કરવો પડશે. જો કે, આ કોઈ રોગ નથી, પરંતુ એક સ્થિતિ છે જે દરેક માણસમાં થાય છે.
Space Xની ડોકીંગ પુરી થઇ ચુકી છે, થોડા સમયમાં સુનીતા વિલિયમ્સ પરત ફરશે.
વાપસી માટેનું સમયપત્રક શું છે?
નાસાએ સુનીતા અને વિલ્મોરની વાપસી સાથે જોડાયેલી માહિતી આપી છે.
18 માર્ચ સવારે 08.15 વાગ્યે – હેચ ક્લોઝ (વાહનનું ઢાંકણું બંધ રહેશે)
18 માર્ચ સવારે 10.35 વાગ્યે – અનડૉકિંગ (આઇએસએસથી વાહનને અલગ કરવું)
19 માર્ચ સવારે 02.41 કલાકે – ડીઓર્બિટ બર્ન (વાતાવરણમાં વાહનનો પ્રવેશ)
19 માર્ચ સવારે 03.27 વાગ્યે – સ્પ્લેશડાઉન (દરિયામાં વાહનનું ઉતરાણ)
19 માર્ચ સવારે 05.00 વાગ્યે – પૃથ્વી પર પાછા ફરવા અંગેની પ્રેસ કોન્ફરન્સ
પહેલેથી નક્કી કરેલી યોજના કેવી રીતે બદલાઈ?
જૂન 2024: સુનિતા વિલિયમ્સ અને વિલ્મોરે 5 જૂન, 2024ના રોજ પૃથ્વી છોડી દીધી, માત્ર થોડા સમય માટે ISS પર રહેવાની યોજના હતી. જો કે, થોડા સમય પછી, ઇજનેરોએ સ્ટારલાઇનરમાં હિલીયમ લીક અને પ્રોપલ્શન સિસ્ટમમાં ખામી શોધી કાઢી, જે અવકાશયાનને પરત કરવા માટે અસુરક્ષિત બનાવે છે.
ઑગસ્ટ 2024: નાસાએ વિલંબનો સ્વીકાર કર્યો અને 2025ની શરૂઆતમાં સ્પેસએક્સ મિશન દ્વારા વૈકલ્પિક પરત ફરવા માટે આયોજન કરવાનું શરૂ કર્યું.
સપ્ટેમ્બર 2024: સ્ટારલાઈનર અવકાશયાત્રીઓ વિના પૃથ્વી પર પાછું ફર્યું, અન્ય અવકાશયાન માટે ડોકીંગ પોર્ટ મુક્ત કર્યું. ISS સુનિતા વિલિયમ્સ અને વિલ્મોર માટે સુરક્ષિત પરત ફરવાના વિકલ્પની રાહ જુએ છે. ઓપરેશનલ કાર્યક્ષમતા સુનિશ્ચિત કરવા માટે આ નિર્ણય લેવામાં આવ્યો હતો.
