- અવકાશયાત્રી સુનિતા વિલિયમ્સ છેલ્લા બે મહિનાથી અવકાશમાં ફસાયેલી સ્થિતિમાં
- નાસાએ પોતાનું આગામી અવકાશ મિશન હાલ પૂરતું મોકૂફ રાખ્યું
- નાસા પોતાની આગામી પ્રેસ કોન્ફરન્સમાં આ અંગે વધુ જાણકારી આપશે
અમેરિકી અવકાશ સંસ્થા નાસાની અવકાશયાત્રી સુનિતા વિલિયમ્સ અને બુચ વિલમોર ગત બે મહિનાથી સ્પેસમાં ફસાયેલી સ્થિતિમાં છે. બોઈંગ સ્ટારલાઈનર અવકાશયાનમાં ટેક્નિકલ ક્ષતિને લીધે આંતરરાષ્ટ્રીય સ્ટેશનથી પરત ધરતી પર નથી આવી શકતા. જેના લીધે નાસાએ પોતાનું આગામી અવકાશ મિશન ટાળી દીઘું છે. જેથી બોઈંગના કેપ્સયૂલને આંતરરાષ્ટ્રીય સ્ટેશન પર વધુ સમય મળી શકે.
સ્પેસએક્સે બુધવારે જણાવ્યું કેત તેઓ સ્પેસએક્સના ચાર યાત્રીઓ ધરાવતા ઉડ્ડયનને આ મહિનાથી આગલા મહિના સુધી મોકૂફ કરી દીધું છે. એજન્સીના જણાવ્યા પ્રમાણે હવે આ 24 સપ્ટેમ્બરે ઉડ્ડયન ભરી શકે છે. અધિકારીઓએ કહ્યું કે વિલંબથી બોઈંગના સ્ટારલાઈનર કેપસ્યૂલમાં જૂનમં આવેલી હીલિયમ લીક અને થ્રસ્ટરમાં ખરાબીની તપાસ કરવા વધુ સમય મળશે.
સ્ટારલાઈનરને શું થયું હતું
આ મંગળવારે સ્ટારલાઈનરના પ્રવાસી બુચ વિલ્મોર અને સુનિતા વિલિયમ્સને અવકાશમાં ગયાને બે મહિના પૂરા થયા છે. વિલ્મોર અને સુનિતાને પરત લાવવા માટે હવે નાસા બીજા વિકલ્પો પર વિચાર કરી રહ્યું છે. જેમાં એક સ્પેસએક્સ કેપસ્યૂલથી તેને પરત લાવશે. નાસા હવે બોઈંગ કેપસ્યૂલની તૈયારીઓના મૂંલ્યાંકમાં લાગ્યું છે અને સ્ટારલાઈનરને પરત લાવવા કોઈ તારીખ નક્કી નથી કરી. નાસા અધિકારીએ જણાવ્યું કે આગામી પ્રેસ કોન્ફરન્સમાં આ અંગેની વધુ જાણકારી આપવામાં આવશે.
સ્પેસમાં કઈ રીતે ફસાઈ ગયા અવકાશયાત્રી
નાસાની ભારતીય મૂળની અવકાશયાત્રી સુનિતા વિલિયમ્સ અને બેરી વિલ્મોર આશરે બે મહિનાથી સ્પેસમાં ફસાયેલાં છે. બંને નાસા યાત્રા પોતાના બોઈંગ સ્ટારલાઈનર અવકાશયાનમાં ટેક્નિકલ ક્ષતિને લીધે આંતરરાષ્ટ્રીય અવકાશ સ્ટેશન(ISS)થી બે મહિના પછી પણ પરત નથી આવી રહ્યા.
નાસા તરફથી મળતી માહિતી પ્રમાણે બોઈંગ સ્ટારલાઈનરમાં લોંચિગ પછી હીલિયમ લીક થયો. ઉપરાંત તેના ઘણા થ્રસ્ટર્સ પણ ખરાબ થઈ ગયા. આમ છતાં તેને અવકાશયાત્રીઓને સ્પેસમાં પહોંચાડયા હતા. આ સમયે સ્ટારલાઈનર સ્પેસ સ્ટેશનની સાથે સંકળાયેલું છે. નાસા માટે આનું પરત આવવું જરુરી છે. જેથી બીજા અવકાશયાન સ્પેસ સ્ટેશન સુધી જોડાઈ શકે.
