સનરાઈઝર્સ હૈદરાબાદના માલિક કાવ્યા મારન લગ્ન કરવા જઈ રહ્યા છે. કાવ્યાએ તેનો જીવનસાથી પસંદ કરી લીધો છે. કાવ્યા મારન સાઉથ ઈન્ડસ્ટ્રીના સિંગર અનિરુદ્ધ રવિચંદ્ર સાથે લગ્ન કરવા જઈ રહી છે. મીડિયા રિપોર્ટ્સ મુજબ SRH માલિક કાવ્યા અને સિંગર અનિરુદ્ધ રવિચંદ્ર લગભગ એક વર્ષથી એકબીજાને ડેટ કરી રહ્યા છે.
સંપત્તિમાં કોણ વધુ છે અમીર?
કાવ્યા મારન સન ગ્રુપના માલિક કલાનિધિ મારનની પુત્રી છે. કાવ્યા IPL ફ્રેન્ચાઈઝ સનરાઈઝર્સ હૈદરાબાદની CEO પણ છે. આ ટીમની બધી મેચોમાં કાવ્યા સ્ટેન્ડમાં બેસીને ટીમને સપોર્ટ કરતી જોવા મળે છે. કાવ્યા IPLમાંથી ઘણા પૈસા કમાય છે.
મીડિયા રિપોર્ટ મુજબ કાવ્યા મારનની કુલ નેટવર્થ 400 કરોડ રૂપિયાની નજીક છે. કાવ્યા મારનના ભાવિ મંગેતર અનિરુદ્ધ રવિચંદ્ર પણ ખૂબ જ અમીર છે. મીડિયા રિપોર્ટ મુજબ અનિરુદ્ધની કુલ નેટવર્થ 50 કરોડ રૂપિયા છે.
SRH માટે શરમજનક રહ્યું IPL 2025નું પ્રદર્શન
સનરાઈઝર્સ હૈદરાબાદની મેચો દરમિયાન કાવ્યા મારન ઘણીવાર ખુશીથી નાચતી જોવા મળે છે, પરંતુ આ વખતે કાવ્યાનો ચહેરો સ્માઈલ કરતાં વધુ ઉદાસ જોવા મળ્યો હતો. કાવ્યાના SRH માટે IPLની 18મી સીઝન ખાસ ન હતી. IPLમાં લીગ મેચો દરમિયાન, ટીમ છઠ્ઠા સ્થાને રહી અને પ્લેઓફ માટે પણ ક્વોલિફાય થઈ શકી નહીં.
સનરાઈઝર્સ હૈદરાબાદ ટીમે 14 મેચ રમી હતી, જેમાં કાવ્યા મારનની ટીમે માત્ર 6 મેચ જીતી, જ્યારે સાત મેચ હારી ગઈ. હૈદરાબાદનો એક મેચ ડ્રો પણ થઈ હતી. આ IPL 2025માં, SRH 13 પોઈન્ટ સાથે છઠ્ઠા સ્થાને રહ્યું. ટીમ આ લીગમાં સતત નવમા ક્રમે હતી, પરંતુ હૈદરાબાદ તેની છેલ્લી ત્રણ મેચ જીતીને તેની સીઝનનો અંત વધુ સારી રીતે કર્યો.
