BLOની મદદ આવી સુપ્રીમ કોર્ટ. કોર્ટમાં BLO મુદ્દે ચાલતા કેસની સુનાવણીમાં રાજ્ય સરકારોને વધુ ફોર્સ લગાડવાની કડક સૂચના આપી. ભારતમાં ઉચ્ચ સ્તરે SIRની કામગીરી શરૂ થઈ ગઈ છે. પરંતુ આ SIR કામગીરીનું સૌથી વધુ દબાણ BLO પર જોવા મળ્યું. આ કામગીરી શરૂ થયા બાદથી છેલ્લા કેટલાક સમયમાં દેશભરમાંથી કામગીરીના દબાણના કારણે BLOના મોત કિસ્સા સામે આવ્યા છે. આ બાદ સુપ્રીમ કોર્ટમાં BLO મુદ્દે કેસ દાખલ કરાયો હતો.
સુપ્રીમ કોર્ટના સૂચનથી BLOને મોટી રાહત
સુપ્રીમ કોર્ટે આજે BLOની કામગીરીને લઈને મોટી રાહત આપી. કોર્ટે BLOની કામગીરી મામલે માનવતાવાદી ધોરણે છૂટ આપવા રાજ્ય સરકારોને અપીલ કરી છે. સ્પેશિયલ ઇન્ટેન્સિવ રિવિઝન (SIR) માટે તૈનાત બૂથ લેવલ ઓફિસર્સ (BLO) પર વધતા દબાણને ધ્યાનમાં રાખીને, સુપ્રીમ કોર્ટે ગુરુવારે રાજ્યોને અનેક નિર્દેશો જારી કર્યા. કોર્ટે રાજ્ય સરકારોને BLO પર કામના કલાકો ઘટાડવા, તેમજ SIRની કામગીરીમાં વધુ ફોર્સ લગાડવા સૂચન કર્યું.
કામનું દબાણ ઘટાડવા કોર્ટનું સૂચન
CJI સૂર્યકાંત અને ન્યાયાધીશ જોયમલ્યા બાગચીની બેન્ચે જણાવ્યું હતું કે રાજ્ય સરકારો અથવા રાજ્ય ચૂંટણી પંચો દ્વારા ECI હેઠળ SIR સહિત વૈધાનિક ફરજો બજાવવા માટે નિયુક્ત કરાયેલા કર્મચારીઓ આવી ફરજો બજાવવા માટે બંધાયેલા છે. સુપ્રીમ કોર્ટે બીએલઓ પર કામનું દબાણ ઘટાડવા માટે ત્રણ સ્પષ્ટ નિર્દેશો આપ્યા છે:
- 1. SIR પ્રક્રિયામાં રોકાયેલા BLO ના કામના કલાકો ઘટાડવા માટે વધારાના સ્ટાફની તૈનાતી કરવી જોઈએ.
- 2. મુક્તિ માટેની વિનંતીઓ વ્યક્તિગત ધોરણે ધ્યાનમાં લેવી જોઈએ, ખાસ કરીને જ્યાં કોઈ સ્વાસ્થ્ય અથવા વ્યક્તિગત કારણોનો ઉલ્લેખ કરે છે. વધુમાં, આવા કિસ્સાઓમાં, કામને અસર ન થાય તેની ખાતરી કરવા માટે તાત્કાલિક બદલીઓ કરવી જોઈએ.
- 3. જો અન્ય પ્રકારની રાહત આપવામાં ન આવી રહી હોય, તો સંબંધિત વ્યક્તિ સીધી કોર્ટનો સંપર્ક પણ કરી શકે છે.
SIRની કામગીરીના કારણે BLO પર કામનું ભારણ
જણાવી દઈએ કે તાજેતરમાં મેરઠમાં કામના ભારણના કારણે બીએલઓ મોહિત ચૌધરીએ જંતુનાશક દવા પી લઈ આત્મહત્યાનો પ્રયાસ કર્યો હતો. જયારે હાથરસ જિલ્લાના સિકંદરાવ શહેરમાં વધુ એક BLO કમલકાંત શર્માનું મોત થયું. કમલકાંત કે જેઓ એક શિક્ષક છે. તેમની પત્નીએ જણાવ્યું કે છેલ્લા ઘણ દિવસોથી તેઓ SIR ખાતેના કામ, તેમજ બાળકો માટે વધારાના વર્ગો, હોમવર્ક તપાસવા, રજિસ્ટર ભરવા, રિપોર્ટ તૈયાર કરવા અને અન્ય કાગળકામના કારણે એટલા દબાણમાં હતા કે તેમને રાત્રે ઊંઘ આવતી ન હતી. તેઓ ડિપ્રેશનથી પીડાતા હતા. BLOને લઈને તંત્રના કડક વલણની લોકો ટીકા કરી રહ્યા છે.
આ પણ વાંચો :
