- વરાછાના સવાણીના રુબી ફલેટમાં દિવાલ પડી
- સદનસીબે કોઇ જાનહાની નહીં
- ફાયરવિભાગે ઘટના સ્થળે જઈ હાથધરી કાર્યવાહી
સુરતના વરાછામાં આજે અચાનક દિવાલ ધસી પડતા પાર્ક કરેલી તમામ 25 વાહનોને મોટા પ્રમાણમાં નુકસાન થયુ હતુ,ઘટનાની જાણ થતાની સાથે ફાયરવિભાગની ટીમ ઘટના સ્થળે પહોંચી હતી અને કાટમાળ દૂર કરવાની કામગીરી હાથધરી હતી,કઈ રીતે આ ઘટના બની તેને લઈ સૌ કોઈ અચરજમાં મૂકાયા છે,ઘટનામાં કોઈ જાનહાનિના સમાચાર નથી.
જામનગરના ધ્રોલમાં બે દિવસ પહેલા દિવાલ પડી
જામનગરના ધ્રોલમાં આવેલા બિનઉપયોગી વણકર સમાજના છાત્રાલયની જર્જરિત દીવાલ ધરાશાયી થતાં દટાઈ જતાં એક બાળકનું મોત થયું છે. જ્યારે એક બાળકીને ઈજા થતાં સારવાર માટે ખસેડવામાં આવી છે. 50 વર્ષ જૂની ઈમારતનો ઉપયોગ 2008માં બંધ કરવામાં આવ્યો હતો. બિનઉપયોગી ઈમારત નજીક શ્રમજીવી પરિવારે ઝૂંપડાં બાંધીને રહેતા હતા. તેમનાં બાળકો આજે સાંજના સમયે અહીં રમી રહ્યાં હતાં. ધડાકાભારે દીવાલ તૂટી પડતાં બે બાળકો દટાઈ જતાં પરિવારજનોમાં આક્રંદ છવાયો હતો.
12 માર્ચ 2024ના રોજ સુરતમાં પડી દિવાલ
વરાછા વિસ્તારમાં નિર્માણાધીન બિલ્ડીંગમાં કામ કરતી વેળાએ ત્રીજા માળેથી દીવાલ પડવાની ઘટના સામે આવી છે. અહીં કામ કરતી મહિલાને ગંભીર ઈજાઓ થઇ હતી. મહિલાને સારવાર માટે હોસ્પિટલ ખસેડવામાં આવી હતી. જ્યાં મહિલાને મૃત જાહેર કરવામાં આવી હતી.
12 એપ્રિલ 2024ના રોજ બની અમદાવાદમાં ઘટના
અમદાવાદમાં બેફામ ડમ્પર ચાલકે દિવાલને ટક્કર મારતાં દિવાલ પડી જવાની ઘટના સામે આવી હતી. આ ઘટના એવા સમયે બની હતી જ્યારે આ સમયે જ ત્યાં ભાજપનુ મહિલાઓનું સંમેલન ચાલી રહ્યું હતું. જેના કારણે 5 જેટલી મહિલાઓ ઈજાગ્રસ્ત થઈ હતી. આ સાથે જ ઈજાગ્રસ્ત લોકોને પ્રાથમિક સારવાર માટે એમ્બ્યુલન્સથી LG હોસ્પિટલ ખાતે ખસેડવામાં આવી હતી. સતત બેફામ ટ્રક અને ડમ્પર ચાલકોથી રાહદારીઓ પરેશાન છે ત્યારે હવે ડમ્પરની ટક્કરના કારણે દિવાલ જ પડી ગઈ હતી. અમદાવાદના કાંકરિયા વિસ્તારમાં ડમ્પરની ટક્કરના કારણે દિવાલ પડી ગઈ હતી.
