સ્વ.કિરણભાઇ રામોલીયાની સ્મૃતિમાં વાવડી ખાતે કાલે રકતદાન કેમ્પ

અગ્ર ગુજરાત, રાજકોટ
રાજકોટ સિવિલ હોસ્પિટલના જરૂરીયાતમંદ દર્દીઓને વિનામુલ્યે બ્લડ મળી રહે તેવા આશયથી શ્રીમદ રાજચંદ્ર ફાઉન્ડેશનના વિશેષ સહયોગથી સ્વ.કિરણભાઇ મનુભાઇ રામોલીયાની સ્મૃતિમાં તા.૨૯-૯ને રવિવારે સવારે ૮ થી ૨ વાગ્યા સુધી, રાજકુલીંગ સિસ્ટમ પ્રાઇવેટ લિમિટેડ, સર્વે નં.3૧, પ્લોટ નં.૫૮, વાવડી, રાજકોટ ખાતે મહારકતદાન કેમ્પનું આયોજન કરવામાં આવ્યું છે.

આ ઉપરાંત બ્રહ્મકુમારી ભારતી દીદીના ૮૪માં જન્મદિવસ નિમિતે રાજકોટ સિવિલ હોસ્પિટલના લાભાર્થે આવતીકાલ તા.૨૯-૬ રવિવારે સવારે ૯ થી ૧૨ વાગ્યા સુધી, બ્રહ્માકુમારીઝ જયોતિ દર્શન-૧, પંચશીલ સોસાયટી, દોશી હોસ્પિટલ સામે રકતદાન કેમ્પનું આયોજન કરવામાં આવ્યું છે. તેમજ પરેશભાઇ વાઘાણીના જન્મદિવસ નિમિતે આવતીકાલે સવારે ૯ થી ૨ વામગ્યા સુધી નાગર બોર્ડિંગ, વિરાણી હાઇસ્કુલ સામે, ટાગોર રોડ, ખાતે તેમજ વિવેકાનંદ યુથ કલબ દ્વારા જીવનદિપ બ્લડ બેંકના લાભાર્થે તા.૨૯-૯ને રવિવારે સાંજે ૬ થી ૯ વાગ્યા સુધી મોઢ વણિક બોર્ડિંગ, પ-રાજપૂતપરા ખાતે રકતદાન કેમ્પનું આયોજન કરવામાં આવેલ છે.