- ICC મહિલા T20 વર્લ્ડ કપ 2024 આવતા વર્ષે સપ્ટેમ્બર – ઓક્ટોબર યોજાશે
- ICC મહિલા T20 વર્લ્ડ કપમાં કુલ 18 ટીમો ભાગ લેશે
- યુગાન્ડા અને ઝિમ્બાબ્વેને મળી જગ્યા
T20 વર્લ્ડ કપ 2024 માટે તમામ 18 ટીમો કન્ફર્મ કરવામાં આવી છે. આજે છેલ્લી બે ટીમોએ આગામી વર્ષની ICC T20 વર્લ્ડ કપ ટુર્નામેન્ટ માટે પોતપોતાના સ્થાનો નિશ્ચિત કરી લીધા છે. વર્લ્ડ કપ રમવા માટે ક્વોલિફાય થનારી 18 ટીમોમાંથી 16 ટીમો પહેલાથી જ નક્કી થઈ ગઈ હતી. આ શ્રેણીમાં અન્ય બે ટીમોએ પણ આજે આફ્રિકા ક્વોલિફાયરમાં પોતાનું સ્થાન નિશ્ચિત કરી લીધું છે. આફ્રિકા ક્વોલિફાયરની બે ટીમો યુગાન્ડા અને ઝિમ્બાબ્વે પણ મહિલા T20 વર્લ્ડ કપ રમવા જઈ રહી છે, બંને ટીમો આફ્રિકન ક્વોલિફાયરના પોઈન્ટ ટેબલમાં ટોપ 2માં બેઠી છે.
આ 8 ટીમો પહેલાથી જ ક્વોલિફાય
ICC મહિલા T20 વર્લ્ડ કપ 2024 આવતા વર્ષે સપ્ટેમ્બર અને ઓક્ટોબર મહિનામાં યોજાવાનો છે. આ ટુર્નામેન્ટમાં કુલ 18 ટીમો ભાગ લેવા જઈ રહી છે. આ ટૂર્નામેન્ટ બાંગ્લાદેશમાં યોજાવા જઈ રહી છે, જેના કારણે બાંગ્લાદેશ પહેલાથી જ વર્લ્ડ કપ રમવા માટે ક્વોલિફાય થઈ ગયું છે. આ સિવાય ગત વર્લ્ડ કપના પોઈન્ટ ટેબલમાં ટોચની 6 ટીમો પણ ક્વોલિફાઈ થઈ ચૂકી છે, જેમાં ઓસ્ટ્રેલિયા, દક્ષિણ આફ્રિકા, ઈંગ્લેન્ડ, ભારત, ન્યુઝીલેન્ડ અને વેસ્ટ ઈન્ડિઝનો સમાવેશ થાય છે. પાકિસ્તાનને પણ ક્વોલિફાય થવા માટે કોઈ ક્વોલિફાયર રમવાની જરૂર નહોતી, કારણ કે તેનું રેન્કિંગ સારૂં હતું. આ રીતે 8 ટીમો ક્વોલિફાય થઈ હતી.
આ 8 ટીમોએ પણ જગ્યા બનાવી
ICC મહિલા T20 વર્લ્ડ કપ 2024 માટે 8 ટીમોમાં આયર્લેન્ડ, નેધરલેન્ડ, સ્કોટલેન્ડ, શ્રીલંકા, થાઈલેન્ડ, UAE, USA અને વાનુઅતુ પહેલાથી જ નક્કી કરવામાં આવી હતી, હવે માત્ર બે ટીમો ખાલી રહી હતી. આજે યુગાન્ડા અને ઝિમ્બાબ્વે પણ પોઈન્ટ ટેબલમાં ટોપ 2 પર રહીને આફ્રિકા ક્વોલિફાયરમાંથી ક્વોલિફાય થઈ ગઇ છે. આવી સ્થિતિમાં વર્લ્ડ કપ રમવા જઈ રહેલી તમામ 18 ટીમો નક્કી થઈ ગઈ છે.
આ 18 ટીમો મહિલા T20 WC 2024 રમશે
ઓસ્ટ્રેલિયા, દક્ષિણ આફ્રિકા, ઈંગ્લેન્ડ, ભારત, ન્યુઝીલેન્ડ, વેસ્ટ ઈન્ડિઝ, પાકિસ્તાન, બાંગ્લાદેશ, આયર્લેન્ડ, નેધરલેન્ડ, સ્કોટલેન્ડ, શ્રીલંકા, થાઈલેન્ડ, યુએઈ, યુએસએ, વાનુઆતુ, ઝિમ્બાબ્વે અને યુગાન્ડા.
