ઈંગ્લેન્ડની સામે ટેસ્ટ સીરીઝ માટે ટીમ ઈન્ડિયાની થઈ જાહેરાત,આ ખેલાડીઓને મળ્યું સ્થાન

• ટીમમાં વિકેટકીપર બેટ્સમેન ધ્રુવ જુરેલને સામેલ કરાયો
  
• સ્પિન બોલર કુલદીપ યાદવ અને ઓલરાઉન્ડર અક્ષર પટેલને મળ્યું સ્થાન
  
• વિકેટકીપર કેએલ રાહુલ અને કેએસ ભરતને પણ મળી ટીમમાં જગ્યા
  

ઈંગ્લેન્ડ સામેની ટેસ્ટ શ્રેણીની પ્રથમ બે મેચ માટે ભારતીય ટીમની જાહેરાત કરવામાં આવી છે. ભારતીય ક્રિકેટ કંટ્રોલ બોર્ડ (BCCI) એ શુક્રવારે (12 જાન્યુઆરી) ના રોજ 16 સભ્યોની ટીમની જાહેરાત કરી હતી. ટીમની કપ્તાની રોહિત શર્મા કરશે. ભારતીય ટીમમાં વિકેટકીપર બેટ્સમેન ધ્રુવ જુરેલનો પણ સમાવેશ કરવામાં આવ્યો છે. ફાસ્ટ બોલર મોહમ્મદ શમી અને વિકેટકીપર ઈશાન કિશન ટીમનો ભાગ નથી. ક્રિકેટ વર્લ્ડ કપ દરમિયાન શમીને ઈજા થઈ હતી, જેમાંથી તે હજુ સુધી સાજો થઈ શક્યો નથી.

પ્રથમ બે ટેસ્ટ મેચ માટે ભારતીય ટીમ

રોહિત શર્મા (કેપ્ટન), શુભમન ગિલ, યશસ્વી જયસ્વાલ, વિરાટ કોહલી, શ્રેયસ અય્યર, કેએલ રાહુલ (વિકેટકીપર), કે.એસ. ભરત (વિકેટકીપર), ધ્રુવ જુરેલ (વિકેટકીપર), રવિચંદ્રન અશ્વિન, રવિન્દ્ર જાડેજા, અક્ષર પટેલ, કુલદીપ યાદવ, મોહમ્મદ સિંધવ , મુકેશ કુમાર, જસપ્રીત બુમરાહ (વાઈસ-કેપ્ટન), અવેશ ખાન.

પ્રસિદ્ધ-શાર્દુલની થઈ બાદબાકી

ફાસ્ટ બોલર અવેશ ખાનને પણ ટીમમાં સામેલ કરવામાં આવ્યો હતો. સાઉથ આફ્રિકા સામેની ટેસ્ટ સિરીઝનો ભાગ રહેલા પ્રસિદ્ધ કૃષ્ણાને બાદ કરતાં અવેશને પસંદગી આપવામાં આવી છે. શાર્દુલ ઠાકુરને પણ ટીમમાં સ્થાન મળ્યું નથી. શાર્દુલ દક્ષિણ આફ્રિકા સામેની ટેસ્ટ શ્રેણીનો પણ ભાગ હતો. સ્પિન બોલર કુલદીપ યાદવ અને ઓલરાઉન્ડર અક્ષર પટેલની પણ એન્ટ્રી થઈ છે. અક્ષર અને કુલદીપ દક્ષિણ આફ્રિકા શ્રેણીનો ભાગ ન હતા.

જુરેલ ઉપરાંત કેએલ રાહુલ અને કેએસ ભરતને પણ 16 સભ્યોની ટીમમાં વિકેટકીપર તરીકે સ્થાન મળ્યું છે. એટલે કે ભારતીય ટીમમાં ત્રણ વિકેટકીપર છે. તમને જણાવી દઈએ કે 22 વર્ષીય ધ્રુવ જુરેલ ઘરેલુ ક્રિકેટમાં ઉત્તર પ્રદેશનું પ્રતિનિધિત્વ કરે છે. જુરેલ IPLમાં રાજસ્થાન રોયલ્સનો ભાગ છે. જુરેલે અત્યાર સુધી 15 ફર્સ્ટ ક્લાસ, 10 લિસ્ટ-એ અને 23 ટી20 મેચ રમી છે. ભારત અને ઈંગ્લેન્ડ વચ્ચે આ પાંચ મેચની ટેસ્ટ સીરીઝ 25 જાન્યુઆરીથી રમાવાની છે. જોવાનું એ રહે છે કે ભારતીય ટીમ ઈંગ્લેન્ડની ‘બેજબોલ’ સ્ટાઈલ સાથે કેવી રીતે ટક્કર આપે છે. ઈંગ્લેન્ડની ટીમની જાહેરાત થઈ ચૂકી છે.

ભારત Vs ઈંગ્લેન્ડ ટેસ્ટ શ્રેણી શેડ્યૂલ

• 1લી ટેસ્ટ: 25-29 જાન્યુઆરી, હૈદરાબાદ
• બીજી ટેસ્ટ: 2-6 ફેબ્રુઆરી, વિશાખાપટ્ટનમ
• ત્રીજી ટેસ્ટ: 15-19 ફેબ્રુઆરી, રાજકોટ
• 4થી ટેસ્ટ: 23-27 ફેબ્રુઆરી, રાંચી
• 5મી ટેસ્ટ: 7-11 માર્ચ, ધર્મશાલા

ભારત સામેની ટેસ્ટ શ્રેણી માટે ઈંગ્લેન્ડની ટીમ

બેન સ્ટોક્સ (કેપ્ટન), રેહાન અહેમદ, જેમ્સ એન્ડરસન, ગુસ એટકિન્સન, જોની બેયરસ્ટો, શોએબ બશીર, બ્રુક, જેક ક્રોલી, બેન ડકેટ, બેન ફોકસ, ટોમ હાર્ટલી, જેક લીચ, ઓલી. પોપ , ઓલી રોબિન્સન, જો રૂટ અને માર્ક વુડ.