RJDના નેતા તેજ પ્રતાપ યાદવે સોશિયલ મીડિયા પર ખુલાસો કર્યો છે. તેઓ 12 વર્ષથી અનુષ્કા યાદવ સાથે પ્રેમ સંબંધમાં છે. બન્ને એકબીજાને ગળાડૂબ પ્રેમ કરે છે. આ પોસ્ટ બાદ યુઝર્સે પ્રતિક્રિયાઓ આપવાનું શરુ કર્યુ છે. અગાઉ તેજ પ્રતાપ યાદવ તેમના અને તેમની પત્ની ઐશ્વર્યા સાથેના સંબંધોને કારણે ચર્ચામાં હતા. તેજ પ્રતાપ હાલ વિદેશ યાત્રાએ છે. અને તેમની આ પોસ્ટ સોશિયલ મીડિય પર વાયરલ થઇ રહી છે.
તેજ પ્રતાપ યાદવ અને અનુષ્કા યાદવની પ્રેમ કહાની
RJDના નેતા અને પૂર્વ મંત્રી તેજ પ્રતાપ યાદવે સોશિયલ મીડિયા પર ભાવુક પોસ્ટ કરી હતી. જે તેમના અંગત જીવન વિશે હતી. અને આ પોસ્ટ દ્વારા મોટો ખુલાસો થયો છે. તેજ પ્રતાપે જણાવ્યુ છે કે, 12 વર્ષથી તેઓ અનુષ્કા યાદવ નામની મહિલા સાથે પ્રેમ સંબંધમાં છે. અને તે તેમના માટે ખાસ છે. તેઓ બન્ને એકબીજાને ખૂબ પ્રેમ કરે છે. તેજ પ્રતાપે પોતાની પોસ્ટમાં લખ્યુ છે કે, હું તેજ પ્રતાપ યાદવ અને મારી સાથે ફોટોમાં દેખાતી આ મહિલાનું નામ છે અનુષ્કા યાદવ. અમે બન્ને રિલેશનશીપમાં છીએ. અમે 12 વર્ષથી એકબીજાને ઓળખીયે છીએ. હું ઘણા સમયથી તમને આ વાત કહેવા ઇચ્છતો હતો. પરંતુ ખબર ન હોતી પડતી કે કેવી રીતે કહુ. તેથી આજે આ પોસ્ટના માધ્યમથી મારા મનની વાત તમને જણાવી છે. આશા રાખુ છુ કે તમે મારી વાતને સમજી શકશો.
સોશિયલ મીડિયા પર કરી છે પોસ્ટ
તેજ પ્રતાપ યાદવની આ પોસ્ટ સોશિયલ મીડિયા પર અપલોડ થયા બાદ શુભચિંતકોએ પ્રતિક્રિયા આપવાનું શરુ કર્યુ છે. એક તરફ તેમના આ પોસ્ટની પ્રશંસા થઇ રહી છે. તો બીજી તરફ કેટલાક યુઝર્સ તેમના લગ્ન વિશે કમેન્ટ કરી રહ્યા છે. મહત્ત્વપૂર્ણ છે કે, તેજ પ્રતાપ યાદવનું નામ અગાઉ પણ તેમના અંગત જીવનના કારણે ચર્ચામાં રહ્યુ છે.
વિદેશ યાત્રા પર તેજ પ્રતાપ યાદવ
તેજ પ્રતાપ યાદવ હાલ વિદેશ પ્રવાસે છે. તેઓ માલદિવમાં સમય વિતાવી રહ્યા છે. તેઓએ પોતાના સોશિયલ મીડિયા અકાઉન્ટ પર ફોટો અને વીડિયો અપલોડ કર્યા છે. જે ઝડપથી વાયરલ થઇ રહ્યા છે. દિલ્હીની રાઉઝ એવેન્યુ કોર્ટે 17મી મેથી લઇને 23 મે સુધી માલદિવ જવાની પરવાનગી આપી છે. જેના કારણે તેઓ ચર્ચાનો વિષય બન્યા છે. બિહાર વિધાનસભા ચૂંટણી અગાઉ તેજ પ્રતાપ યાદવ પર રાજકિય પક્ષોની નજર છે. તેઓએ તેમના વિરુદ્ધ રણનીતિ બનાવી રહ્યા છે.
