- હમાસ અને ઈઝરાયલ વચ્ચે છેલ્લા નવ માસથી યુદ્ધ યથાવત્
- ઈઝરાયલની રાજધાની તેલ અવીવમાં ડ્રોનથી બોમ્બ વિસ્ફોટમાં સેંકડો લોકો ઈજાગ્રસ્ત
- તેલ અવીવમાં આવેલા અમેરિકી દૂતાવાસ પ્રચંડ બોમ્બથી ધ્રૂજી ઉઠયું
ઈઝરાયલ અને હમાસ વચ્ચે છેલ્લા નવ મહિના કરતાં વધુ સમયથી ભીષણ યુદ્ધ યથાવત્ છે ત્યારે ઈઝરાયલની રાજધાની તેલ અવીવમાં અમેરિકી દૂતાવાસ પાસે એક પ્રચંડ બોમ્બ વિસ્ફોટ થયો હતો. આ બોમ્બ વિસ્ફોટમાં ઘણા લોકો ઈજાગ્રસ્ત થયાનું સામે આવ્યું છે. જો કે મોત અંગેના કોઈ અહેવાલ સામે નથી આવ્યા. આ વિસ્ફોટ પાછળ કોણ જવાબદાર છે એ સત્તાવાર સામે નથી પરંતુ હિઝબુલ્લા અથવા હમાસ હોઈ શકે છે.
અમેરિકી દૂતાવાસ પાસે વિસ્ફોટ થયો
આજે 19 જુલાઈએ સવારે ઈઝરાયલમાં આવેલા અમેરિકી દૂતાવાસ સહિત બીજા દેશોના દૂતાવાસ પણ આવેલા છે. જેથી અમેરિકી દૂતાવાસ પાસે એક વિસ્ફોટનો અવાજ સંભળાયો હતો. આ વિસ્ફોટ બાદ સફેદ ધૂમાડો આકાશ તરફ જતો જોઈ શકાતો હતો. જો કે હજી સુધી સ્પષ્ટ નથી થયું કે અમેરિકી દૂતાવાસ પર આ હુમલો થયો હતો કે બીજે થયો.
વિસ્ફોટ બાદ તેલ અવીવમાં પોલીસ અને બોમ્સ સ્કવોડ ઘટનાસ્થળે પહોંચી તપાસ હાથ ધરી હતી. શરૂઆતના રિપોર્ટ પ્રમાણે આ ડ્રોન દરિયાઈ રસ્તેથી ઈઝરાયલની ડિફેન્સ સિસ્ટમને થાપ આપી ઈઝરાયલમાં ઘુસ્યું હતું. જો કે આમ છતાં કોઈપણ સંગઠન કે જૂથે આ હુમલાની જવાબદારી નથી સ્વીકારી.
તેલ અવીવ બોમ્બ વિસ્ફોટની ઘટનાના સીસીટીવી સામે આવ્યા
મળતી માહિતી અનુસાર ઈઝરાયલમાં થયેલા આ પ્રચંડ બોમ્બ આત્મઘાતી ડ્રોન હુમલો હિઝબુલ્લાએ કરાવ્યો હોઈ શકે છે.
ઈઝરાયલની રાજધાની તેલ અવીવમાં બોમ્બ વિસ્ફોટ
ઈઝરાયલમાં મળતી માહિતી અનુસાર, આ વિસ્ફોટ પછી છરા લાગવાતી ઈજાગ્રસ્ત બે લોકોને હોસ્પિટલ ખસેડવામાં આવ્યા છે. આમાં એક 30 વર્ષીય એક પુરુષ અને એક 20 વર્ષીય યુવતી છે.
