- હમાસના હુમલામાં 9 અમેરિકી નાગરિકોના મોતને ભેટ્યા
- અત્યાર સુધીમાં 1200થી વધુ લોકોના મોત
- અમેરિકી જહાજો-યુદ્ધ વિમાનો તૈનાત કરવાનો આપ્યા આદેશ
ઈઝરાયેલ-પેલેસ્ટાઈનના યુદ્ધમાં ભારે વિનાશ વેતર્યો છે. ઈઝરાયેલ અને પેલેસ્ટાઈન યુદ્ધનો આજે ત્રીજો દિવસ છે. હમાસના હુમલા બાદ ઈઝરાયેલ પણ આક્રમક જવાબ આપી રહ્યું છે. અમેરિકી વિદેશ વિભાગના પ્રવક્તા હમાસના હુમલામાં 9 અમેરિકી નાગરિકોના મોત થયાની પુષ્ટી કરી છે. બંને દેશો વચ્ચેના યુદ્ધમાં અત્યાર સુધીમાં 1200થી વધુ લોકોના મોત થયા છે. જ્યારે 4000થી વધુ લોકો ઈજાગ્રસ્ત થયા છે.
મળતી માહિતી મુજબ ઈઝરાયેલ-પેલેસ્ટાઈનના યુદ્ધ વચ્ચે નાગરિકોને હાલાકીનો સામનો કરવાનો વારો આવી રહ્યો છે. પગપગ પર મોત દેખાતું આ યુદ્ધ અટકવાનું નામ જ નથી લઇ રહ્યો તેવામાં અમેરિકી વિદેશ વિભાગના પ્રવક્તા હમાસના હુમલામાં 9 અમેરિકી નાગરિકોના મોત થયાની પુષ્ટી કરી છે. બંને દેશો વચ્ચેના યુદ્ધમાં અત્યાર સુધીમાં 1200થી વધુ લોકોના મોત નીપજ્યા છે. જ્યારે 4000થી વધુ લોકો ઈજાગ્રસ્ત થયા છે. હુમલાખોરોએ ઘણા ઈઝરાયેલી નાગરિકોને પણ બંધક બનાવ્યા છે. ઈઝરાયેલમાં જ્યાં જુઓ ત્યાં અફરાતફરી જોવા મળી રહી છે. અમેરિકી અધિકારીઓએ ઘણા લોકોના મોત થયાના તેમજ ઘણાને બંધક બનાવાયા હોવાની પણ આશંકા વ્યક્ત કરી છે.
ઈઝરાયેલમાં US નાગરિકોને શોધખોળ શરૂ
અમેરિકી વિદેશ વિભાગના પ્રવક્તા મૈથ્યૂ મિલરે કહ્યું કે, હાલ અમે 9 અમેરિકી નાગરિકોના મોત થયા હોવાની પુષ્ટી કરી છે. આ સાથે ઈઝરાયેલમાં અમેરિકી નાગરિકોને શોધવાના માટે ઈઝરાયેલ સાથે સંયુક્ત રીતે કામગીરી હાથ ધરવામાં આવી રહી છે. દરમિયાન અમેરિકી રાષ્ટ્રીય સુરક્ષા પરિષદના પ્રવક્તાને ટાંકીને સમાચાર એજન્સી એએફપીએ ગઈકાલે જણાવ્યું હતું કે, અમે ઘણા અમેરિકી નાગરિકોના મોતની પુષ્ટી કરીએ છીએ. પીડિતો તથા અસરગ્રસ્ત પરિવારો પ્રતિ અમે સંવેદના વ્યક્ત કરીએ છીએ.
અમેરિકી જહાજો-યુદ્ધ વિમાનો તૈનાત કરવાનો આદેશ આપ્યા
દરમિયાન આ ઘટનાઓ વચ્ચે અમેરિકી રાષ્ટ્રપતિ જો બાયડેને રવિવારે જ ઈઝરાયેલમાં અમેરિકી જહાજો અને યુદ્ધ વિમાનો તૈનાત કરવાનો આદેશ કર્યો છે, જેમાં સ્પષ્ટ સંકેત મળી રહ્યા છે કે, હમાસના હુમલાનો સામનો કરી રહેલ સહયોગી દેશ ઈઝરાયેલ માટે અમેરિકાનું અતુટ સમર્થન છે. અમેરિકી સંરક્ષણ મંત્રાલય પેન્ટાગોનના જણાવ્યા મુજબ, તેઓ અમેરિકી જહાજ યુએસએસ જેરાલ્ડ અને ફોર્ડને પૂર્વીય ભૂમધ્ય સાગરમાં મોકલી રહ્યા છે ઉપરાંત ફાયર ફાયટરની સ્ક્કડ્રોનની સંખ્યા પણ વધારી રહ્યા છીએ.
