મહેસાણામાં જાસૂસી કાંડમાં તપાસનો ધમધમાટ, એડમીનના એડ્રેસ શોધી ધરપકડ કરાશે

• 8 વોટ્સએપ ગ્રુપના એડમીનને હાજર રહેવા તાકીદ
  
• ગઈકાલે એકપણ એડમીન હાજર નહીં રહ્યા
  
• બીજી વખત તમામ એડમીનને નોટિસ ફટકારાશે
  

મહેસાણામાં જાસૂસી કાંડમાં તપાસનો ધમધમાટ શરૂ થયો છે. જેમાં 8 વોટ્સએપ ગ્રુપના એડમીનને હાજર રહેવા તાકીદ કરી હતી. તેમાં ગઈકાલે એકપણ એડમીન હાજર રહ્યા નથી. જેમાં બીજી વખત તમામ એડમીનને નોટિસ ફટકારાશે. તથા પોલીસ એડમીનના એડ્રેસ શોધી ધરપકડ કરશે.

પોલીસ દ્વારા ગ્રુપના એડમીનની કોલ ડિટેલ્સ મેળવાઈ રહી છે

પોલીસ દ્વારા ગ્રુપના એડમીનની કોલ ડિટેલ્સ મેળવાઈ રહી છે. ખાણ અને ખનીજ વિભાગના અધિકારીઓની જાસૂસી કરતા આરોપીઓ સાથે ખનીજ વિભાગના અધિકારીઓની સંડોવણી અંગે તપાસ થઇ રહી છે. એક બાદ એક જિલ્લાઓમાંથી અધિકારીઓ અને સરકારી કર્મચારીઓની જાસૂસી કરાતી હોવાના કાંડ સામે આવી રહ્યા છે. ક્યાંક મેગ્નેટિક જીપીએસ ટ્રેકરનો ઉપયોગ કરાતો હોવાનું સામે આવ્યું છે, તો ક્યાંક માણસો જ રાખીને પિછો કરાવી સતત વિગતો અપડેટ રાખવામાં આવતી હોય છે. આવું જ કંઈક હવે મહેસાણા જિલ્લામાં જાસૂસી કાંડ સામે આવ્યું છે.

જાણો સમગ્ર મામલો:

મહેસાણા જિલ્લામાં સરકારી કર્મચારીઓની જાસૂસી કરવામાં આવતુ હોવાનું સામે આવ્યુ હતુ. ખનીજને ગેરકાયદેસર હેરફેર કરતા ટ્રક અને બુલડોઝર ચાલક પાસેથી મળેલ મોબાઈલમાંથી ચોંકાવનારી વિગતો સામે આવી હતી. ફોનમાંથી વ્હોટસેપ ગ્રુપ મળી આવ્યા હતા. જેમાં રહેલી માહિતી નાયબ ક્લેકટર, મામલતદાર, આરટીઓ અધિકારીઓ સહિતના અધિકારીઓની રેકી કરીને અપડેટ કરેલ સામે આવ્યુ હતુ. અધિકારીઓના ઘરથી લઈને અધિકારીની વ્યક્તિગત આવન જાવન સહિતની વિગતો અને ફોટા ગ્રુપમાં શેર કરવામાં આવતા હતા. વિગતો સામે આવ્યા બાદ હવે તપાસ શરુ કરવામાં આવી છે. આ મામલે પોલીસ કાર્યવાહી હાથ ધરવામાં આવી છે. અધિકારીઓની જાસૂસીને લઈ હવે આકરા પગલા ભરવાની માંગ ઉઠી છે.