ભાજપ બિહારના નવા પ્રદેશ પ્રમુખને લઈ ગણગણાટ તેજ,દિલ્હીમાં થશે ચર્ચા

• બિહારના નાયબ મુખ્યમંત્રી છે સમ્રાટ ચૌધરી
  
• સમ્રાટ ચૌધરીની જગ્યાએ કોણ બનશે પ્રદેશ પ્રમુખ તેને લઈ સૌ આતુર
  
• ભાજપ પાર્ટીને જોઈએ છે સમ્રાટ ચૌધરી જેવા વ્યકિત
  

બિહાર સરકારમાં ભાજપના પ્રદેશ અધ્યક્ષ સમ્રાટ ચૌધરીને નાયબ મુખ્યમંત્રી બનાવ્યા બાદ પ્રદેશ અધ્યક્ષ બદલવાની અફવાઓ શરૂ થઈ ગઈ છે. એવું માનવામાં આવે છે, કે આજે દિલ્હીમાં યોજાનારી રાષ્ટ્રીય પરિષદની બેઠક બાદ બિહારના નેતાઓ લોકસભા ચૂંટણી 2024ને લઈને મેદાનમાં સક્રિય થઈ જશે. બીજેપીના સૂત્રોનું કહેવું છે, કે નેતૃત્વ લડાયક અને આક્રમક ઇમેજ ધરાવતા નેતાની શોધમાં છે, જે સમ્રાટ ચૌધરીની જગ્યા ભરી શકે. આવી સ્થિતિમાં ભાજપ પણ તેમને પ્રમુખ બનાવીને જ્ઞાતિ સમીકરણ ઉકેલવાનો પ્રયાસ કરશે.

અનુસૂચિત જાતિના નેતા પર ભાજપનું ફોકસ

NDA સરકારની રચના બાદ નંદ કિશોર યાદવને વિધાનસભાના સ્પીકર બનાવવામાં આવ્યા છે, જેઓ યાદવ જાતિમાંથી આવે છે, જ્યારે સમ્રાટ ચૌધરી અને વિજય કુમાર સિન્હા નાયબ મુખ્યમંત્રી છે. બંને અનુક્રમે કુશવાહા અને ભૂમિહાર જાતિમાંથી આવે છે. ભાજપના ક્વોટામાંથી મંત્રી બનેલા ભીમ સિંહ ચંદ્રવંશી સમુદાયમાંથી આવે છે. સાથે જ ભાજપના લોકોનું કહેવું છે, કે અનુસૂચિત જાતિમાંથી આવતા કોઈ નેતાને મોટી જવાબદારી સોંપવામાં આવી નથી. આવી સ્થિતિમાં, એવું માનવામાં આવે છે, કે પાર્ટી અનુસૂચિત જાતિમાંથી આવતા નેતાને અધ્યક્ષની જવાબદારી સોંપી શકે છે.જો કે, એવું પણ કહેવામાં આવી રહ્યું છે, કે પાર્ટી લોકસભા ચૂંટણી સુધી સમ્રાટ ચૌધરીને અધ્યક્ષ પદ પરથી હટાવવાનું જોખમ લેવા માંગશે નહીં.

ભાજપનું બે દિવસીય રાષ્ટ્રીય અધિવેશન શરૂ

આગામી લોકસભા ચૂંટણીની તૈયારીઓ, વ્યૂહરચના અને એજન્ડાને અંતિમ સ્વરૂપ આપવા માટે, બીજેપીનું બે દિવસીય રાષ્ટ્રીય અધિવેશન આજથી નવી દિલ્હીના પ્રગતિ મેદાનમાં ભારત મંડપમમાં શરૂ થવા જઈ રહ્યું છે. વડાપ્રધાન નરેન્દ્ર મોદીના આહ્વાન મુજબ ભાજપ આ વખતે એકલા હાથે 370 બેઠકો અને એનડીએના સાથી પક્ષો સાથે મળીને 400થી વધુ બેઠકો જીતવાના લક્ષ્‍ય સાથે ચૂંટણી મેદાનમાં ઉતરવાની તૈયારી કરી રહ્યું છે, આ સંદર્ભે રાષ્ટ્રીય અધિવેશનની બેઠકમાં ભાજપ મુલતવી રાખવામાં આવી છે.મહત્વપૂર્ણ ગણવામાં આવે છે.