અમેરિકાની રાજનીતિના બે મોટા નામ ડોનાલ્ડ ટ્રમ્પ અને એલન મસ્ક, વચ્ચે જે તણાવ હતો તે લાગે છે કે દુર થઈ ગયો છે. હકીકતમાં, એલોન મસ્કે વ્હાઇટ હાઉસ દ્વારા રજૂ કરાયેલા એક મોટા ખર્ચ બિલની આકરી ટીકા કરી હતી, જેને ડોનાલ્ડ ટ્રમ્પે ટેકો આપ્યો હતો. તેને ‘ઘૃણાસ્પદ’ ગણાવતા, મસ્કે રિપબ્લિકન પાર્ટીના તે નેતાઓ પર પણ નિશાન સાધ્યું હતું જેમણે આ બિલને સમર્થન આપ્યું હતું.
આ પછી ડોનાલ્ડ ટ્રમ્પે પણ કડક વલણ અપનાવીને એલન મસ્કને ચેતવણી આપી હતી કે જો તેઓ રિપબ્લિકન પાર્ટીમાં હાજર મેમ્બરોની વિરુદ્ધમાં ઉમેદવારોની ફંડીગ કરશે તો તેમણે ગંભીર પરિણામો ભોગવવા પડશે. ટ્રમ્પે તે વખતે પણ એવું જ કહ્યું હતું કે તેમનો મસ્ક સાથે વાત કરવાનો કોઈ ઈરાદો નથી.
પરંતું હવે માહોલ બદલાઈ ગયો છે. જ્યારે ટ્રમ્પને પુછવામાં આવ્યું કે શું તેઓ મસ્કને માફ કરી દેશે તો તેમણે કહ્યું હતું કે મને લાગે છે કે હુ માફ કરી દઈશ. તેમણે જણાવ્યું હતું કે મને મસ્કના વર્તનથી થોડો અચંબો લાગ્યો હતો પણ તેમના મનમાં કોઈ ખોટો ઈરાદો નહોતો. આ તમામની વચ્ચે એલન મસ્કે પણ એક્સ પર ડોનાલ્ડ ટ્રમ્પને લઈને કરવામાં આવેલી કમેન્ટ્સ પર દુખ વ્યક્ત કર્યું હતું. મસ્કે લખ્યું હતું કે ગયા અઠવાડિયે રાષ્ટ્રપતિ ટ્રમ્પ વિશે ઘણી પોસ્ટ કરી હતી, મને તેને અફસોસ છે.
હવે જોવાનું એ રહ્યું કે ટ્રમ્પ અને મસ્ક વચ્ચે ખરેખર સમાધાન થશે કે ફક્ત રાજકીય વક્તવ્ય સુધી સિમીત રહેશે. પરંતું એ વાત સ્પષ્ટ :s કે અમેરિકાની રાજનીતિમાં આ બંને વ્યક્તિઓના નિવsદનો ચર્ચાનો વિષય બનશે.
