આઈપીએલ પૂરું થયાને હજી વધારે સમય પણ નથી થયો, ત્યાંતો પંજાબ કિંગ્સના આ ખેલાડીએ મુંબઈ ખાતે આયોજિત ટી20 લીગ મેચમાં તરખાટ મચાવી દીધો. બોલીગ માટે ઉતરેલા આ ખેલાડી પહેલી ઓવર માજ વિકેટ ચટકાવી.
ફાઇનલ પત્યા પછી મુંબઈ રવાના
આઇપીએલની ફાઇનલ મેચ દરમિયાન આ ખેલાડી ભલે પ્લેઇંગ ઇલેવનમાં ન હતો, પરંતુ આ ખેલાડીએ પંજાબ કિંગ્સના ડ્રેસિંગ રૂમમાં ખૂબ અનુભવો મેળવ્યા છે. આઇપીએલ પૂરી થતાંની સાથેજ આ ખેલાડીએ આરામ કરવાનું ટાળ્યું હતું, અને આરામ હરામની ભાવના સાથે મુંબઈની વાટ પકડી હતી. આ ખેલાડી અમદાવાદથી મોડી રાત્રે મુંબઈ જવા માટે રવાના થઈ ગયો હતો, અને વહેલી સવારે મુંબઈ પહોંચ્યો હતો. મુંબઈ પહોંચતાની સાથે કોઈ પ્રકારના આરામની વાત નહીં કરતાં આ ખેલાડી સિધો DY Patil સ્ટેડિયમ પહોંચીને મુંબઈ લીગ માટે રમવા લાગ્યો હતો.
મુશીર ખાન રમશે મુંબઈ લીગ
જે યુવા ખેલાડીની વાત અહિયાં ચાલી રહી છે, તે યુવા ખેલાડી બીજો કોઈ નહીં પણ મુશીર ખાન છે. મુશીર ખાન મુંબઈ લીગમાં ARCS અંધેરી તરફથી રમી રહ્યા છે . મુશીર ખાન સોબો મુંબઈ ફાલકન્સ ની સામે ત્રીજી ઓવરમાં બોલિંગ કરવા માટે ઉતાર્યા, અને તેમના સ્પેલની પ્રથમ ઓવરમાજ એક વિકેટ લઈને ટીમને એક સારી શરૂઆત કરવામાં મદદ કરી.
બે અલગ લીગમાં ચમક્યા મુશીર ખાન
મુશીર ખાનની ક્રિકેટ તરફની આ સજાગતા એ વાતની સાબિતી આપે છે કે આ રમત માટે શિસ્તતા અને સ્ફૂર્તિ કેટલી જરૂરી છે. ક્રિકેટ પ્રત્યેનું તેમનું આ સમર્પણ તેમની ક્રિકેટ પ્રત્યેની ગંભીરતા અને પ્રેમને સ્પષ્ટ પણે દર્શાવે છે. આઈપીએલ જેટલા મોટા પ્લેટફોર્મ માંથી નીકળ્યા બાદ ઘરેલુ ક્રિકેટમાં રમવું એ એક મુશ્કેલ કામ હોય છે. મુશીર ખાને મુંબઈ પહોંચીને એ વાત સાબિત કરી દીધી, કે પોતે દરેક સ્તર પર પોતાની જાતને સાબિત કરવા માંગે છે અને મહેનત કરવા માંગે છે.
