રોયલ ચેલેન્જર્સ બેંગલુરુએ 18 વર્ષ બાદ જ્યારે IPLની ટ્રોફી જીતી, ત્યારે જીત બાદ વિરાટ કોહલીએ ટેસ્ટ ક્રિકેટ અંગે જે નિવેદન આપ્યું હતું, એ નિવેદન પર વેસ્ટ ઈન્ડિઝના એક ખેલાડીએ પોતાની પ્રતિક્રિયા આપતા એક કટાક્ષ કર્યો છે. વેસ્ટ ઈન્ડિઝના આ ખેલાડીનું માનવું છે કે ભારતીય ક્રિકેટ બોર્ડ તેમના ખેલાડીઓનું ખૂબ જ ધ્યાન રાખે છે.
કોહલીના નિવેદને લોકોને દંગ કરી દીધા
થોડા સમય પહેલા ભારતના દિગ્ગજ ખેલાડી વિરાટ કોહલીએ IPL 2025ની વચ્ચે જ ટેસ્ટ ક્રિકેટમાંથી અચાનક નિવૃત્તિ જાહેર કરીને તેમના તમામ ફ્રેન્ડ્સ ને આશ્ચર્યમાં મૂકી દીધા હતા. આ વર્ષે IPL 2025માં વિરાટ કોહલીએ 18 વર્ષ બાદ આઈપીએલ ટ્રોફી જીતીને રોયલ ચેલેન્જર્સ બેંગલુરુ માટે ટ્રોફી નો દુષ્કાળ પૂરો કર્યો, પરંતુ ચેમ્પિયન બન્યા પછી વિરાટ કોહલીના એક નિવેદને લોકોને દંગ કરી દીધા. વિરાટ કોહલીએ ચેમ્પિયન બન્યા બાદ ઇન્ટરવ્યૂ આપતા કહ્યું હતું, કે રોયલ ચેલેન્જ બેંગલુરુ ચેમ્પિયન બની એ વાત મારા માટે ખૂબ જ મોટી છે પરંતુ, T20 ફોર્મેટ ટેસ્ટ ક્રિકેટ કરતા પાંચ લેવલ નીચે છે.
આન્દ્રે રસેલે કર્યો કટાક્ષ
IPL ટ્રોફી જીત્યા બાદ વિરાટ કોહલીના આ નિવેદન પર વેસ્ટ ઈન્ડિઝના ઓલ રાઉન્ડર ખેલાડી આન્દ્રે રસેલે એક કટાક્ષ કર્યો છે. વિરાટ કોહલીના નિવેદન ઉપર તેમને અલગ રીતે પોતાની એક પ્રતિક્રિયા આપી છે. તેમને કહ્યું કે વિરાટ જેવા ખેલાડીઓ ટેસ્ટ ક્રિકેટને એટલા માટે મહત્વ આપે છે, કેમકે તેઓ ભારતીય ક્રિકેટ બોર્ડના કોન્ટ્રાક્ટમાં રમે છે, જે તેમના ખેલાડીઓને ખૂબ જ સગવડો અને પૈસા આપે છે. વેસ્ટ ઈન્ડિઝના ઓલરાઉન્ડર આન્દ્રે રસેલે ભારતીય ક્રિકેટ બોર્ડને ટાર્ગેટ કરતા કહ્યું, કે ભારત જેવા દેશોમાં ટેસ્ટ ક્રિકેટ રમતા ખેલાડીઓનું ખૂબ જ સારી રીતે ધ્યાન રાખવામાં આવે છે. ભારતીય ક્રિકેટ બોર્ડ આર્થિક રીતે ખૂબ જ સક્ષમ છે.
ક્રિકેટ બોર્ડ ભવ્ય કોન્ટ્રાક્ટ સાઇન કરે છે
આન્દ્રે રસેલે કહ્યું કે વેસ્ટ ઈન્ડિઝમાં ટેસ્ટ ક્રિકેટ બાબતની પરિસ્થિતિ ભારત અને ઇંગ્લેન્ડ જેવા દેશો કરતા થોડી અલગ છે. અમારા ખેલાડીઓ ભલે 50 કે 100 ટેસ્ટ મેચ રમીલે પરંતુ નિવૃત્તિ જાહેર થયા પછી તેમની પાસે કંઈ ખાસ હોતું નથી. 2010માં વેસ્ટ ઈન્ડિઝ તરફથી ટેસ્ટ ક્રિકેટમાં પ્રથમવાર આન્દ્રે રસેલ રમતા જોવા મળ્યા હતા, પરંતુ સંજોગો વસાત અત્યાર સુધી તેમને માત્ર એક જ ટેસ્ટ મેચ રમવાનો ચાન્સ મળ્યો છે. તેમને કહ્યું કે મને ટેસ્ટ ટીમમાંથી બહાર કરી દેવામાં આવ્યો, કારણકે ક્રિકેટ બોર્ડને લાગતું હતું કે હું બસ વાઈટ બોલ માટે ફીટ છું. ટેસ્ટ ક્રિકેટના ખેલાડીઓ સાથે ક્રિકેટ બોર્ડ ભવ્ય સેન્ટ્રલ કોન્ટ્રાક્ટ સાઇન કરે છે, એટલે ચોક્કસ વાત છે કે ખેલાડીઓ ટેસ્ટ ક્રિકેટ રમશે.
