ટિમ સાઉથીએ રચ્યો ઇતિહાસ, આ રેકોર્ડ બનાવનાર એકમાત્ર ખેલાડી બન્યો

• ન્યૂઝીલેન્ડની ટિમે પાકિસ્તાન સામે જીત સાથે T20ની શરૂઆત કરી
  
• મેચ દરમિયાન સાઉથીએ એક ખાસ સિદ્ધિ પણ મેળવી
  
• T20I ક્રિકેટમાં 150 વિકેટ લેનારો પ્રથમ બોલર બન્યો
  

ન્યૂઝીલેન્ડની ટીમે પાકિસ્તાન સામે જીત સાથે શરૂઆત કરી છે. પાંચ મેચોની T20 શ્રેણીની પ્રથમ મેચ આજે (12 જાન્યુઆરી) ઓકલેન્ડમાં રમાઈ હતી. આ મેચમાં શાનદાર પ્રદર્શન કરતા કિવી ટીમ 46 રનથી જીતવામાં સફળ રહી હતી. ડેરેલ મિશેલને પ્રથમ T20 મેચમાં તેની શાનદાર બેટિંગ માટે ચોક્કસપણે ‘પ્લેયર ઓફ ધ મેચ’ પસંદ કરવામાં આવ્યો છે, પરંતુ અનુભવી બોલર ટિમ સાઉથીના પણ ઓછા વખાણ કરવામાં આવ્યા છે.

પાકિસ્તાનના સારા બેટ્સમેનોને કર્યા આઉટ

ઓકલેન્ડમાં બન્ને ટીમો દ્વારા અન્ય બોલરોને જોરદાર ધોવામાં આવ્યા હતા. જ્યારે ટિમ સાઉથીએ સારી બોલિંગ કરી હતી. તેણે પ્રથમ T20 મેચમાં કુલ ચાર ઓવર ફેંકી હતી. દરમિયાન, 6.25ની ઇકોનોમી પર 25 રન ખર્ચીને 4 સફળતા હાંસલ કરી હતી. તેનો શિકાર મોહમ્મદ રિઝવાન, ઈફ્તિખાર અહેમદ, અબ્બાસ આફ્રિદી અને હરિસ રઉફ હતા.

આ મુકામ હાંસલ કરનાર એકમાત્ર ખેલાડી

મેચ દરમિયાન સાઉથીએ એક ખાસ સિદ્ધિ પણ મેળવી હતી. તે T20 ઈન્ટરનેશનલ ક્રિકેટમાં 150 વિકેટ લેનારો પ્રથમ બોલર બની ગયો છે. સાઉથીએ 2008 થી ટી20 ફોર્મેટમાં કિવી ટીમ માટે કુલ 118 મેચ રમી છે. આ દરમિયાન તેને 115 ઇનિંગ્સમાં 22.96ની એવરેજથી 151 સફળતા મળી છે. T20 ક્રિકેટમાં સાઉથીનું સર્વશ્રેષ્ઠ બોલિંગ પ્રદર્શન 18 રનના ખર્ચે પાંચ વિકેટ છે.

કેપ્ટન કેન વિલિયમસન સાઉથીના પ્રદર્શનથી ખુશ

કેપ્ટન કેન વિલિયમસન પણ ટિમ સાઉથીના સાતત્યપૂર્ણ પ્રદર્શનથી ઘણો ખુશ છે. તે કહે છે કે તેની 16 વર્ષની કારકિર્દીમાં સાઉથીનું મૂલ્ય ક્યારેય ઓછું આંકી શકાય નહીં. તેણે કહ્યું, ‘ટિમ લાંબા સમયથી ટીમમાં છે. આનો શ્રેય તેના સતત ઉત્કૃષ્ટ પ્રદર્શનને જાય છે.