આ યાદીમાં ઓલા ઇલેકટ્રિકના સહ સ્થાપક ભાવિશ અગરવાલનો સમાવેશ
Updated: Nov 18th, 2023
Time 100 Climate List : યુએસના વિખ્યાત ટાઇમ મેગેઝિન દ્વારા જારી કરવામાં આવેલી પર્યાવરણ સાચવીને બિઝનેસ કરતાં દુનિયાના સો સૌથી વગદાર આગેવાનોની યાદીમાં ભારતીય મૂળના અમેરિકનો તથા ભારતીયોને એમ કુલ નવ જણાને સ્થાન મળ્યું છે. આ યાદીમાં વર્લ્ડ બેન્કના પ્રેસિડેન્ટ અજય બંગા અને ઓલા ઇલેકટ્રિકના સહ સ્થાપક ભાવિશ અગરવાલનો સમાવેશ કરવામાં આવ્યો છે.
આ લોકો યાદીમાં ચમક્યા
30 નવેમ્બરથી યુનાઇટેડ આરબ અમીરાત-યુએઇમાં યોજાઇ રહેલી યુએન ક્લાઇમેટ ચેન્જ કોન્ફરન્સ 2023 પૂર્વે છે. યુએસના વિખ્યાત સામયિક ટાઇમ દ્વારા આ યાદી જારી કરવામાં આવી છે જેમાં દુનિયાભરમાંથી સીઇઓ, સંગીતકારો, સ્થાપકો, દાનવીરો અને સરકારી અધિકારીઓનો સમાવેશ કરવામાં આવ્યો આ યાદીમાં સ્થાન પામનારાં ભારતીયોમાં ધ રોકફેલર ફાઉન્ડેશનના પ્રેસિડેન્ટ રાજીવ જે શાહ, બોસ્ટન કોમન એસેટ મેનેજમેન્ટના સ્થાપક અને પ્રેસિડેન્ટ ગીતા ઐયર, યુએસ ડિપાર્ટમેન્ટ ઓફ એનર્જી લોન પ્રોગ્રામના ડાયરેક્ટર જીગર શાહ, હસ્ક પાવર સિસ્ટમના સહસ્થાપક અને સીઇઓ મનોજ સિંહા, કૈસર પરમેનન્ટના એન્વાર્યનમેન્ટલ સ્ટુઅર્ટશિપના એક્ઝિક્યુટિવ ડાયરેકટર સીમા વાધવા અને મહિન્દ્ર લાઇફસ્પેસીસના સીઇઓ અને એમડી અમિત કુમાર સિંહાનો સમાવેશ થાય છે. આ યાદીમાં યુએસ પ્રમુખના પર્યાવરણીય સલાહકાર જ્હોન કેરી, બ્રેક થ્રુ એનર્જીના સ્થાપક બિલ ગેટ્સ, ઇટ જસ્ટના જોશ ટેટ્રિક, મેલિન્ડા ફ્રેન્ચ ગેટ્સ અને મેકવાયર ગ્રુપના સીઇઓ શેમારા વિક્રમનાયકેને પણ સ્થાન મળ્યું છે.
