આવતીકાલે ઉદયપુરમાં હુંકાર કરશે અમિત શાહ કાર્યકરોને આપશે જીતનો મંત્ર

• આવતીકાલે 20 ફેબ્રુઆરીના રોજ ભાજપના 20 હજાર કાર્યકરોનું સંમેલન
• ઉદયપુરના બલીચા ખાતે આવેલ APMC માર્કેટ યાર્ડમાં યોજાશે બેઠક
• લોકસભા ચૂંટણી પ્રચારમાં કાર્યકર્તાઓ માટે ગૃહમંત્રી આપશે ગુરુમંત્ર 

લોકસભા ચૂંટણીઓના પડઘમ ટૂંક સમયમાં વાગી જશે ત્યારે તમામ કેન્દ્રીય અને પ્રાદેશિક પાર્ટીઓએ અત્યારથી જ તૈયારીઓમાં લાગી ગઈ છે. એવામાં ભાજપ પણ ચૂંટણી શંખનાદ કરવા જઈ રહ્યું છે. ઉદયપુરમાં આવતીકાલે 20 ફેબ્રુઆરીના રોજ 24 વિધાનસભાના ભાજપના 20 હજાર કાર્યકરોનું સંમેલન યોજાવા જઈ રહ્યું છે. સંમેલનમાં ગૃહમંત્રી અમિત શાહ પણ હાજરી આપશે અને તેઓ ચૂંટણી પ્રચારનો શંખનાદ કરશે. ભાજપ તરફથી તૈયારીઓ કરવામાં આવી રહી છે. આ સંમેલન ઉદયપુરના બલીચા ખાતે આવેલ કૃષિ ઉપજ માર્કેટ યાર્ડમાં યોજાશે.

સંમેલનમાં લગભગ 20 હજાર કાર્યકર્તા આવવાનો લક્ષ્યાંક 

લોકસભા ચૂંટણી માટે ભાજપ દ્વારા કલસ્ટર બનાવવામાં આવ્યા છે. જેમાં લોકસભાની 3 બેઠકો માટે આ સંમેલન યોજાશે. જેમાં ઉદયપુર, બાંસવાડા અને ચિત્તોડગઢ લોકસભા સીટ છે. આ ત્રણ લોકસભામાં 5 જિલ્લા અને 24 વિધાનસભા બેઠકો છે. જેમાં ઉદયપુરની 8 વિધાનસભા બેઠકોમાં 6 ભાજપની, બાંસવાડાની 5 જેમાં 1 ભાજપ, ડુંગરપુરની 4 જેમાં ભાજપની 1, પ્રતાપગઢની 2 જેમાં ભાજપની 1 છે. અને ચિત્તોડગઢની 5માંથી 4 ભાજપની છે. દરેક વિધાનસભામાંથી લગભગ 500 થી 1000 કાર્યકરોના આવવાનો લક્ષ્ય છે. લગભગ 20 હજાર કાર્યકરો સંમેલનમાં આવી શકે છે.

ગૃહમંત્રી આપશે જીતનો મંત્ર

ભાજપ તરફથી મેવાડ વાગડને કોઈ શરૂઆત માટે આગળ રાખવામાં આવેલ છે. તેનું ઉદાહરણ વિધાનસભા ચૂંટણી પણ છે. વિધાનસભામાં ચૂંટણી રેલીઓની શરૂઆત ઉદયપુરથી થયો હતો, જ્યાં અમિત શાહ કાર્યકર્તાઓને સંબોધિત કરશે. આ જ ખેતીવાડી ઉત્પન્ન બજાર સમિતિ માર્કેટ યાર્ડમાં રાજસ્થાનની પહેલી ચૂંટણી સભાને વડાપ્રધાન નરેન્દ્ર મોદીએ સંબોધન કર્યું હતું. ભાજપ સાથે સંકળાયેલા લોકોનું કહેવું છે કે મેવાડ વાગડને ભાજપ તરફથી હંમેશા મહત્વ આપવામાં આવ્યું છે. આવતીકાલે થનાર સંમેલનમાં લોકસભા ચૂંટણીમાં કાર્યકર્તાઓએ કેવી રીતે કાર્ય કરવું રહેશે તે અંગે આવતીકાલે અમિત શાહ ગુરુમંત્ર આપશે.