ખુમરવાડ બસ સ્ટેશન પાસેથી પશુ હેરાફેરી કરતા બે ઇસમો બે વાહનો સાથે

• પોલીસે કતલખાને લઇ જવાતા 8 પશુઓને બચાવ્યા : બે ઇસમો ફરાર
• ખેડા પોલીસ મથકે કાયદેસરની કાર્યવાહી હાથ ધરી હતી
  
• પોલીસ મથકના કંપાઉન્ડમાં ભેસોને રાખવામાં આવી હતી
  

ખેડા પોલીસ મથકની હદમાં આવેલ ખુમરવાડ ગામના બસ સ્ટેશન પાસે રાત્રીના સમયે સ્થાનીકોએ બે વાહનોને ગામમાંથી પસાર થતાં અટકાવ્યા હતા. બંન્ને વાહનમાં 8 પશુઓ પાણીની સગવડ વિના ટુકા દોરડાથી કુરતાપુર્વક બાંધેલ હાલતમાં મળી આવ્યા હતા. બે વાહનમાં કુલ 4 ઈસમોમાંથી બે રાત્રીના અંધારાનો લાભ લઈને નાસી છુટયા હતા. જયારે ર ઈસમો પોલીસના હાથે ઝડપાયા હતા. આ અંગે ખેડા પોલીસ મથકે કાયદેસરની કાર્યવાહી હાથ ધરી હતી.

ખેડા પોલીસના માણસો પેટ્રોલીંગમાં હતા.જે દરમ્યાન રાત્રી પેટ્રોલીંગની ટીમ ખુમરવાડ ગામની સીમમાં પહોચી હતી. ખુમરવાડ બસ સ્ટેશન પાસે ટોળુ જોયુ હતુ. જેને પગલે નાઈટ પેટ્રોલીંગમાં નીકળેલ પોલીસે તેનુ વાહન ઉભુ રાખીને બનાવ અંગે માહીતી પુછપરછ કરીને તપાસ કરી હતી. જે દરમ્યાન રોડની સાઈડમાં બે પીકઅપ ડાલા સ્થનીકોએ ઉભા કરાયા હતા. જે બંન્ને પીકઅપ ડાલામાં પોલીસે તપાસ કરતા કુલ 8 પશુઓ ભરેલા હતા.જે કતલખાને લઇ જવાતા હતા. બંન્ને પીકઅપ ડાલામાં ભેસોને ટુકા દોરડાથી કુરતા પુર્વક બાંધી હતી. પોલીસે ટોળાને પગલે ગામના આગેવાનો અજીતસીંહ, ખોડાભાઈ પાસેથી માહીતી મેળવી હતી. જેમાં બે પીક અપ ડાલામાંથી એકના ચાલક અને તેનો કલીનર નાસી ગયા હોવાનુ જણાવ્યુ હતુ.પોલીસ મથકના અશોકભાઈએ પીકઅપ ડાલાના ચાલક અને તેના કલીનરની પુછપરછ કરી હતી.જેમા પીકઅપ ડાલનાં એજાઝ અને જાવેદ બંન્ને રહે.મહુધાના નાસી ગયા હોવાનુ જણાવ્યુ હતુ.જયાર આરીફ અને મહમંદ સોહેલને પોલીસના હાથે ઝડપાઈ ગયા હતા.આ અંગે ખેડા પોલીસ મથકે અશોકભાઈ આત્મારામે ફરીયાદ આપી હતી. જેને પગલે પોલીસે ઝડપેલ(1) સોહેલ મહમંદ બસીર મહમદ મલેક રહે.મહુધા(2)આરીફ રહે.મહુધા (3)એજાઝ ઉર્ફે ચુઓ રહે.મહુધા અને (4)જાવેદ રહે.મહુધા સામે ગુન્હો નોધીને આગળની તપાસ હાથ ધરી હતી. પોલીસે બે પીક અપ ડાલા કિમંત રૂ. 4.50 લાખ તથા એક ભેંસની કિમંત રૂ.25000 લેખે આઠ ભેસના કુલ રૂ.2લાખ થઈને કુલ રૂ.6,50,000નો મુદામાલ જપ્ત કર્યો હતો. મંગળવારે સવારના સમયે પોલીસ મથકના કંપાઉન્ડમાં ભેસોને રાખવામાં આવી હતી.