- આ સમયગાળા દરમિયાન બે મેચ ડ્રો રહી
- વર્ષ 2023માં ટીમ ઈન્ડિયાનો ટેસ્ટ રેકોર્ડ એવરેજ રહ્યો
- ભારતીય ટીમે આ વર્ષે 23 T20 આંતરરાષ્ટ્રીય મેચ રમી
દક્ષિણ આફ્રિકા સામે મંગળવાર (26 ડિસેમ્બર)થી શરૂ થનારી ટેસ્ટ મેચ ટીમ ઈન્ડિયા માટે આ વર્ષની છેલ્લી ઈન્ટરનેશનલ મેચ હશે. ટીમ ઈન્ડિયાની વર્ષ 2023ની આ 66મી મેચ હશે. અગાઉની 65 મેચોમાં ભારતીય ટીમે 45 મેચ જીતી છે. તેને માત્ર 16 મેચમાં હારનો સામનો કરવો પડ્યો છે. આ સમયગાળા દરમિયાન બે મેચ ડ્રો રહી હતી અને બે મેચ પણ અનિર્ણિત રહી હતી.
સૌ પ્રથમ ટેસ્ટ રેકોર્ડ વિશે વાત કરીયે તો ટીમ ઈન્ડિયાએ આ વર્ષે માત્ર 7 ટેસ્ટ મેચ રમી છે. તેણે પાંચ મેચમાં ઓસ્ટ્રેલિયા અને બે મેચમાં વેસ્ટ ઈન્ડિઝનો સામનો કર્યો હતો. આ 7 મેચમાંથી 3માં ટીમ ઈન્ડિયાનો વિજય થયો હતો. આ સાથે જ તેને 2 મેચમાં હારનો સામનો કરવો પડ્યો હતો. આ દરમિયાન 2 મેચ પણ ડ્રો રહી હતી. એટલે કે વર્ષ 2023માં ટીમ ઈન્ડિયાનો ટેસ્ટ રેકોર્ડ એવરેજ રહ્યો.
વનડેમાં ટીમ ઈન્ડિયાનો શાનદાર દેખાવ
ટીમ ઈન્ડિયાએ આ વર્ષે કુલ 35 ODI મેચ રમી છે. અહીં તેણે 27 મેચ જીતી અને માત્ર 7 મેચમાં તેને હારનો સામનો કરવો પડ્યો. આ દરમિયાન એક મેચ પણ અનિર્ણિત રહી હતી. એટલે કે લગભગ દરેક પાંચ મેચમાં ટીમ ઈન્ડિયાએ ચારમાં જીત અને એકમાં હારનો સામનો કરવો પડ્યો.
ટી20માં પણ સારું પ્રદર્શન
ભારતીય ટીમે આ વર્ષે 23 T20 આંતરરાષ્ટ્રીય મેચ રમી છે. આ સમયગાળા દરમિયાન તેણે 15માં જીત મેળવી અને 7માં હારનો સામનો કરવો પડ્યો. એક મેચ પણ અનિર્ણિત રહી હતી. એકંદરે, ભારતીય ટીમે દર ત્રણમાંથી બે મેચ જીતી અને એક મેચ હારી.
બે ICC ફાઈનલ પણ રમ્યુ ભારત
ટીમ ઈન્ડિયાએ આ વર્ષે બે ICC ટૂર્નામેન્ટની ફાઈનલ મેચોમાં ભાગ લીધો હતો. સૌથી પહેલા જૂનમાં તે વર્લ્ડ ટેસ્ટ ચેમ્પિયનશિપની ફાઈનલ રમી હતી અને નવેમ્બરમાં તે વર્લ્ડ કપની ફાઇનલમાં પણ પહોંચી હતી. જોકે આ બંને ફાઈનલ મેચમાં તેને હારનો સામનો કરવો પડ્યો હતો. આ રીતે વર્ષ 2013 બાદ છેલ્લા 9 વર્ષની જેમ આ વર્ષે પણ ICC ટ્રોફી જીતવાનું સપનું માત્ર સપનું જ રહી ગયું.
