UAEએ વર્ષ 2019માં ગોલ્ડન વિઝા રજૂ કર્યા હતા. આ વિઝા શરૂ કરવાનો મુખ્ય ઉદ્દેશ્ય વિદેશી રોકાણકારોને આકર્ષવાનો હતો. ગોલ્ડન વિઝા દ્વારા, ભારતીય રોકાણકારો દુબઈ સહિત યુએઈના મોટા શહેરોમાં પ્રોપર્ટીમાં જ રોકાણ કરી શકતા નથી પરંતુ યુએઈમાં લાંબા ગાળાના નિવાસનો સંપૂર્ણ લાભ પણ લઈ શકે છે. UAE આ ગોલ્ડન વિઝા મુખ્યત્વે રોકાણકારો, ઉદ્યોગસાહસિકો, સંશોધકો અને પ્રભાવશાળી વિદ્યાર્થીઓને આપે છે. આ વિઝા સાથે તમે યુએઈમાં 5 કે 10 વર્ષ સુધી રહી શકો છો, જે પછીથી રિન્યુ પણ થઈ શકે છે.
ગોલ્ડન વિઝા માટે લાયકાત શું છે?
જો તમે રોકાણ ફંડમાં રોકાણ કરો છો તો તમને સ્પોન્સર વિના 10 વર્ષ માટે ગોલ્ડન વિઝા આપવામાં આવી શકે છે. શરત એ રહેશે કે UAE માન્ય પ્રાપ્ચ ઇન્વેસ્ટમેન્ટ ફંડનો એક લેટર આપવાનો રહેશે જેમાં કહેવામાં આવ્યું હોય કે તમારી પાસે 2 મિલિયન દિરહનનું ડિપોઝિટ છે અથવા તો અથવા માન્ય વાણિજ્યિક લાઇસન્સ અથવા ઔદ્યોગિક લાઇસન્સ અને એસોસિએશનનું મેમોરેન્ડમ પ્રસ્તુત કરવાનું રહેશે. જેમાં કહેવામાં આવ્યું હોય કે આ તમારી મૂડી 2 મિલિયન દિરહમથી વધારે છે.
ન્યૂનતમ ડાઉન પેમેન્ટની જરૂરિયાત નાબૂદ
વર્ષ 2024ની શરૂઆતમાં UAE સરકારે ગોલ્ડન વિઝા પ્રોગ્રામમાં મોટો અને મહત્વપૂર્ણ ફેરફાર કર્યો. સરકારે રિયલ એસ્ટેટ રોકાણ માટે AED 1 મિલિયનની ન્યૂનતમ ડાઉન પેમેન્ટ જરૂરિયાતને નાબૂદ કરી હતી. સરકારના આ પગલાથી ભારતીયો માટે UAEમાં રોકાણ કરવાનું વધુ સરળ બન્યું છે ખાસ કરીને એવા રોકાણકારો માટે કે જેઓ ઑફ-પ્લાન રિયલ એસ્ટેટમાં રોકાણ કરવા માગે છે.
UAE માં રિયલ એસ્ટેટ રોકાણ દ્વારા ગોલ્ડન વિઝા અંગેના નવા નિયમોમાં AED1 મિલિયન ($272,294) લઘુત્તમ ડાઉનપેમેન્ટ જરૂરિયાતને દૂર કરવાનો સમાવેશ થાય છે. અગાઉ 2019 માં શરૂ કરાયેલ 10-વર્ષની નવીનીકરણીય નિવાસ યોજના માટે લાયક બનવા માટે, રોકાણકારોએ AED2 મિલિયન અથવા તેથી વધુ મૂલ્યની મિલકત હસ્તગત કરવાની જરૂર હતી. જો કે, મોર્ટગેજ અથવા હપ્તા યોજનાઓ પર ખરીદેલી મિલકતો માટે, ગોલ્ડન વિઝા માટે પાત્ર બનવા માટે બેંક અથવા ડેવલપરને AED1 મિલિયન અથવા મિલકત મૂલ્યના 50 ટકાની લઘુત્તમ ડાઉનપેમેન્ટ કરવાની જરૂર હતી.
UAE માં આવક પર કોઈ ટેક્સ ચૂકવવો પડતો નથી
તમને જણાવી દઈએ કે, દુબઈના વર્લ્ડ ક્લાસ ઈન્ફ્રા અને કમાણીની અપાર તકોને જોતા અહીં ભાડાની સાથે-સાથે પ્રોપર્ટીમાં પણ જબરદસ્ત વધારો થઈ રહ્યો છે. તેથ ભારતીય રોકાણકારો માટે આ એક સુવર્ણ તક છે. તમને જણાવી દઈએ કે UAE માં આવક પર કોઈપણ પ્રકારનો ટેક્સ નથી. આ જ કારણ છે કે દુબઈ સહિત સમગ્ર યુએઈમાં વિદેશી ઉદ્યોગપતિઓ, ઉદ્યમીઓ અને રોકાણકારોની સંખ્યા ઝડપથી વધી રહી છે.
