- યુજીસી નેટની પરીક્ષા વર્ષમાં બે વાર લેવાય છે
- 10 જાન્યુઆરીએ પરિણામ જાહેર થવાનું હતુ
- ચેન્નાઈ-આંધ્રપ્રદેશમાં કુદરતી આફતના કારણે મોડુ
ભારતની યુનિવર્સિટીમાં જુનિયર રિસર્ચ ફેલોશિપ અને આસિસ્ટન્ટ પ્રોફેસર બનવા માટે યુજીસી અને નેટની પરીક્ષા લેવામાં આવે છે. આ પરીક્ષા યુનિવર્સિટી ગ્રાન્ટ કમિશન દ્વારા લેવામાં આવે છે. આસિસ્ટન્ટ પ્રોફેસરની ભરતીમાં જોડાવા માટે યુજીસી નેટ પરીક્ષા કરવી ફરજિયાત છે. આ પરીક્ષા દર વર્ષે બે વાર યોજાય છે. આ પરીક્ષા જુન-ડિસેમ્બરમાં યોજાય છે. જેના માટે ઓનલાઈન અરજી કરવાની હોય છે. જેની વેબસાઈટ ugcnet.nta.nic.in છે. આ વર્ષે યોજાઈ ગયેલી યુજીસી નેટની પરીક્ષા લેવાઈ ગઈ છે જેના પરિણામની વિદ્યાર્થીઓ આતુરતાથી રાહ જોઈને બેઠાં છે. પરંતુ આ વર્ષે યોજાઈ ગેયલી પરીક્ષાના પરિણામની તારીખ બદલવામાં આવી છે. જે અંગે વધુમાં આપને જણાવીએ.
17 જાન્યુઆરીએ જાહેર કરવામાં આવશે
યુજીસી નેટ ડિસેમ્બર 2023માં યોજાયેલ પરીક્ષાના પરિણામની તારીખ નેશનલ ટેસ્ટિંગ એજન્સીએ સુધારો કર્યો છે જેનું હવે પછી પરીણામ આ તારીખે જાહેર થશે. નવી દિલ્હી સ્થિત યુજીસી કમિશને જાહેરાત કરી છે કે, ડિસેમ્બર 2023માં યોજાયેલ પરીક્ષાનું પરિણામ ડિસેમ્બર 2023માં જાહેર થનાર હતું જે પરિણામ હવે આગામી 17 જાન્યુઆરીએ જાહેર કરવામાં આવશે. જે ઉમેદવારોએ ડિસેમ્બર યુજીસી નેટ પરીક્ષા આપી છે તેઓએ સત્તાવાર વેબસાઇટ ugcnet.nta.ac.in પરથી તેમનું પરિણામ ચકાસી અને ડાઉનલોડ કરી શકશે. અગાઉ આ પરિણામ 10 જાન્યુઆરીએ જાહેર થવાનું હતું. પરંતુ ચેન્નાઈ અને આંધ્રપ્રદેશમાં કુદરતી આપત્તિના કારણે પરિણામે તારીખ મોકૂફ રાખવામાં આવી હતી.
6 થી 19 ડિસેમ્બર દેશભરમાં પરીક્ષા યોજાઈ
યુજીસી નેટ દ્વારા ડિસેમ્બર 2023માં યોજાયેલ પરીક્ષા તારીખ 6 ડિસેમ્બર થી તારીખ19 ડિસેમ્બર દરમિયાન દેશભરમાં પરીક્ષા યોજાઈ હતી. આ પરીક્ષા 292 જિલ્લાઓમાં લેવામાં આવી હતી, જેમાં દેશભરમાંથી 9,45,918 ઉમેદવારોએ ભાગ લીધો હતો. જ્યારે ચેન્નાઈ અને આંધ્રપ્રદેશના વિદ્યાર્થીઓ યુજીસી નેટની ડિસેમ્બરની પરીક્ષામાં બેસવાથી વંચિત રહ્યા હતા.
ચેન્નાઈ-આંધ્રપ્રદેશ માટે ફરીથી યોજાઈ પરીક્ષા
જેને કારણે નેશનલ ટેસ્ટિંગ એજન્સીએ ચેન્નાઈ અને આંધ્ર પ્રદેશના વિદ્યાર્થીઓ માટે ફરીથી યુજીસી નેટની પરીક્ષા ડિસેમ્બર 2023માં યોજાવાનું પરીક્ષાનું આયોજન કર્યું હતું. આ જ કારણ છે કે, એજન્સીએ નેટની પરીક્ષાનું પરિણામ 2023ની તારીખમાં સુધારો કર્યો છે.
નેશનલ ટેસ્ટિંગ એજન્સી
નેશનલ ટેસ્ટિંગ એજન્સીની સુચના અનુસાર નેશનલ ટેસ્ટિંગ એજન્સીએ આ માહિતી બુલેટિનમાં જાહેરાત કરી હતી કે, યુજીસી નેટ ડિસેમ્બર 2023નું પરિણામ આગામી 10મી જાન્યુઆરી 2024ના રોજ જાહેર કરવામાં આવશે, પરંતુ ચેન્નાઈ અને આંધ્રપ્રદેશમાં કુદરતી આપત્તિના કારણે ઉમેદવારોના હિતમાં, તે પુનઃ સુનિશ્ચિત કરવામાં આવશે. જેમની ફરીથી પરીક્ષા લેવાઈ હતી જેથી ઉપરોક્ત પરીક્ષાનું અંતિમ પરિણામ આગામી 17 જાન્યુઆરી 2024 ના રોજ વેબસાઇટ https://ugcnet.nta.ac.in/ પર જાહેર કરવામાં આવશે. જેમાં વિદ્યાર્થીઓ પરિણામની લિંક પર ક્લિક કરીને તેમની લોગ ઈન વિગતો દાખલ કરશે અને સબમિટ કરશે ત્યારબાદ પરિણામ જોઈ શકાશે અને ડાઉનલોડ કરી શકાશે તથા પ્રિન્ટ કરી શકાશે.
