- બ્રિટનની કુલ 650 બેઠકોની ગુરુવારે એકજ તબક્કામાં ચૂંટણી યોજાશે
- મતદાન પહેલા આવેલા ઓપિનિયન પોલમાં વડાપ્રધાન સુનકને હારતા દર્શાવ્યા
- બ્રિટનની ચૂંટણીમાં 107 ભારતીય મૂળના ઉમેદવારો ચૂંટણીના રણમેદાનમાં
બ્રિટનમાં જનરલ ચૂંટણી માટે મતદાનનું કાઉન્ટ ડાઉન શરૂ થઈ ગયું છે. પાંચ વર્ષ પછી યોજાઈ રહેલી ચૂંટણી માટે ચાર જુલાઈ એટલે કે ગુરુવારે મતદાન યોજાશે. ઋષિ સુનક પ્રથમવાર વડાપ્રધાનના રૂપમાં જનતાની સામે છે. તેઓ વર્ષ-2022માં કંઝર્વેટિવ પાર્ટીના પીએમ બોરિસ જ્હોનસનના રાજીનામા પછી વડાપ્રધાન બનાવવામાં આવ્યા હતા. આ ચૂંટણીમાં ભારતીય મૂળના મતદાતાઓ પર સૌની નજર છે.
આ ચૂંટણી પહેલા તમામ સર્વેમાં કંઝર્વેટિવ પાર્ટીને હારતા જોવા મળ્યા છે. અનુમાન છે કે 14 વર્ષ બાદ ફરીથી લેફ્ટ તરફી લેબર પાર્ટી સત્તામાં પરત આવી રહી છે. આ સમયે બ્રિટન મંદીનો માર વેઠી રહ્યું છે. અને ઈરાક, અફઘાનિસ્તાન યુદ્ધમાં બ્રિટનની ભૂમિકાને લઈ તત્કાલીન વડાપ્રધાન ગોર્ડન બ્રાઉન વિરુદ્ધ જનતામાં ભારોભાર ગુસ્સો છે.
વર્ષ-2024માં ઘણા દેશોમાં ચૂંટણીઓ યોજાઈ રહી છે. ભારત, પાકિસ્તાન, ઈરાન અને બ્રિટન. આ વખતે બ્રિટનમાં ગુરુવારે મતદાન યોજાશે. બ્રિટન ચૂંટણીમાં વડાપ્રધાન ઋષિ સુનકને લઈ જનતાની વચ્ચે નારાજગીનું કારણ વધતી મોંઘવારીને મનાઈ રહી છે. બ્રિટનનું અર્થતંત્ર કથળેલી સ્થિતિમાં પસાર થઈ રહી છે. અને ટેક્સમાં વધારો થયો છે. ઉપરાંત સુનકે વીઝા અને ઈમિગ્રેશનના નિયમને પણ જટિલ બનાવ્યા છે. જેના લીધે ભારતીય સમુદાય અને એશિયાના લોકો પણ તેની વિરુદ્ધ ઊભા છે.
બ્રિટનમાં આશરે 25 લાખ ભારતીય મતદાતાઓ છે. નારાજગી જોયા પછી ચૂંટણીના ઠીક પહેલા વડાપ્રધાન ઋષિ સુનક અને તેઓના પત્ની લંડમાં આવેલા બીએપીએસ સ્વામિનારાયણ મંદિરે પહોંચ્યા હતા અને દર્શ કર્યા બાદ સંતોના આશીર્વાદ લીધા હતા. ટી-20 વિશ્વ કપમાં ભારતની જીતનો ઉલલ્ેખ કર્યો અને એવું પણ કહ્યું કે હું તમામની જેમ હિંદુ છું અને મારો ધર્મ મને પ્રેરિત કરે છે.
ઋષિ સુનકની સામે કોણ ?
બ્રિટનના વિપક્ષ એવા લેબર પાર્ટીની કમાન કેર સ્ટાર્મરની પાસે છે. 61 વર્ષીય સ્ટાર્મર વ્યવસાયે વકીલ અને ઈંગ્લેન્ડ અને વેલ્સના પૂર્વ સરકારી વકીલ રહી ચુકયા છે. ચૂંટણી પ્રચારમાં જનતાના મળી રહેલા સમર્થન પછી તેઓ પોતાની જીત નક્કી માની રહ્યા છે.
ભારતીય મૂળના મતદાતાઓની સાથે સ્ટાર્મર
ઓપિનિયન પોલ પ્રમાણે સુનકના નેતૃત્વમાં કંઝર્વેટિવ પાર્ટી 155 બેઠકો પર જ આગળ જોવા મળી રહી છે. જ્યારે વર્ષ-2019ની ચૂંટણીમાં પૂર્વ વડાપ્રધાન બોરિસ જ્હોનસનના નેતૃત્ત્વમાં પાર્ટીએ 365 સીટો મેળવી હતી. જ્યારે લેબર પાર્ટીના ઓપિનિયન પોલમાં 403 બેઠકો આપી. બ્રિટનમાં કુલ 650 સીટ છે અને કોઈપણ પાર્ટીને સત્તા માટે 325થી વધુ સીટોની જરૂર હોય છે.
કઈ રીતે બ્રિટનમાં ચૂંટણી યોજાય છે
બ્રિટનની સંસદમાં બે ગૃહ આવેલા છે. એક હાઉસ ઑફ લોર્ડસ અને બીજું હાઉસ ઑફ કોમન્સ. હાઉસ ઑફ લોર્ડસને જનરલ ચૂંટણીથી કોઈ લેવા-દેવા નથી. દેશના 650 મતવિસ્તારોમાં મતદાતા હાઉસ ઑફ કોમન્સ માટે પોતાના પ્રતિનિધિ એટલે કે સાંસદ ચૂંટે છે. આ પ્રતિનિધિ મળીને દેશના વડાપ્રધાન બનાવે છે અને ફરી વડાપ્રધાન મંત્રીઓની પસંદગી કરી સરકારની રચના કરે છે.
જેવી રીતે ભારતમાં લોકસભાના સાંસદોના લીધે વડાપ્રધાન બને છે ઠીક એવી રીતે બ્રિટનમાં પણ થાય છે. ભારતમાં રાજ્ય સભા ઉપરલું ગૃહ છે. બ્રિટનમાં હાઉસ ઑફ લોર્ડસ ઉપલું ગૃહ હોય છે.
બ્રિટનની ચૂંટણીમાં કેટલા ભારતીય મૂળના ઉમેદવાર મેદાનમાં
બ્રિટનમાં આ વખતે સૌથી વધુ ભારતીય મૂળના ઉમેદવારો ચૂંટણીના રણમેદાનમાં ઉતર્યા છે. 650માં 107 ઉમેદવાર તો ભારતીય મૂળના છે. જેમાં 30 ઉમેદવાર તો કંઝર્વેટિવ પાર્ટીના છે. 33 લેબર પાર્ટીથી, ગ્રીન પાર્ટીમાંથી 13 અને લિબરલ ડેમોક્રેટમાંથી 11 ઉમેદવાર ઊભા છે. આમાં રેવા ગોદી, નૂપુર મઝુમદાર, રાજેશ અઘ્રવાલ અને મોહમ્મદ હનિફ મુખ્ય ચહેરાઓ છે.
