- સુનાવણી દરમિયાન હત્યામાં સામેલ લોકોને જેલની સજા ફટકારવામાં આવી
- કોર્ટ દ્વારા 4 દોષિતોને આજીવન કેદ, અન્યને 10 વર્ષની સજા ફટકારવામાં આવી
- વેસ્ટ મર્સિયા પોલીસને કરી હતી ચારેય આરોપીઓની ધરપકડ
ડિલિવરી ડ્રાઈવરની હત્યાના કેસમાં ભારતીય મૂળના 4 લોકોને દોષિત જાહેર કરવામાં આવ્યા છે. શુક્રવારે કોર્ટમાં સુનાવણી દરમિયાન હત્યામાં સામેલ લોકોને જેલની સજા ફટકારવામાં આવી હતી. જ્યારે ગત વર્ષે ઓગસ્ટમાં જ્યારે સ્થાનિક વેસ્ટ મર્સિયા પોલીસને પશ્ચિમ ઇંગ્લેન્ડના શ્રેસબરીના બર્વિક એવન્યુ વિસ્તારમાં એક હુમલાની રિપોર્ટ મળ્યા અને તેમણે હત્યાની આશંકાએ 4 લોકોની ધરપકડ કરી. હુમલામાં ઓરમાન સિંહને ઘટનાસ્થળે મૃત જાહેર કરવામાં આવ્યો હતો
4ને આજીવન કેદ, અન્યને 10 વર્ષની સજા ફટકારાઇ
સુનાવણી દરમિયાન કોર્ટે કહ્યું કે 4 દોષિતોએ કુહાડી, હોકી સ્ટીક અને પાવડો સહિત અન્ય ઘણા હથિયારોથી ડિલિવરી ડ્રાઈવરની હત્યા કરી હતી. તમામને આજીવન કેદની સજા ફટકારવામાં આવી છે. અન્ય આરોપી, જેમણે ઓરમાન વિશે માહિતી એકત્રિત કરી હતી, તેમને હત્યામાં સંડોવણી માટે દોષિત ઠેરવવામાં આવ્યા હતા અને તેમને 10 વર્ષની જેલની સજા ફટકારવામાં આવી હતી.
પાંચેય હત્યારાઓ ખતરનાક પ્રવૃત્તિના: માર્કે બેલામી
વેસ્ટ મર્સિયા પોલીસના ડિટેક્ટીવ ચીફ ઇન્સ્પેક્ટર માર્ક બેલામીએ જણાવ્યું હતું કે પાંચેય દોષિતો ખતરનાક પ્રકૃતિના હતા અને હવે તેઓ જેલમાં સજા ભોગવશે, સારી વાત એ છે કે તેઓ હવે કોઈને નુકશાન નહિ પહોંચાડી શકે. જ્યારે પરિવારને ઓરમાનના મૃત્યુના સમાચાર મળ્યા ત્યારે તેઓ ભાંગી પડ્યા હતા. મારી સંવેદનાઓ તેમની સાથે છે. આજની સજા એ લોકો માટે એક મજબૂત સંદેશ આપે છે જેઓ વિચારે છે કે તેઓ અપરાધ કરીને બચી જશે.
