- ગુજરાત જાયન્ટ્સ અને યુપી વોરિયર્સ વચ્ચે મેચ
- બેંગલુરુના એમ ચિન્નાસ્વામી સ્ટેડિયમમાં મેચ
- ગુજરાત બે મેચમાંથી એક પણ મેચ જીત્યું નથી
WPLની 8મી મેચ આજે બેંગલુરુના એમ ચિન્નાસ્વામી સ્ટેડિયમમાં ગુજરાત જાયન્ટ્સ અને યુપી વોરિયર્સ વચ્ચે રમાઈ રહી છે. આ સીઝનમાં બંને ટીમો પ્રથમ વખત આમને-સામને થશે. ગુજરાતને છેલ્લી મેચમાં RCBના હાથે કારમી હારનો સામનો કરવો પડ્યો હતો. આ સાથે જ યુપીએ મુંબઈ સામે સાત વિકેટે જીત મેળવી અને પોઈન્ટ ટેબલમાં ચોથા સ્થાને પહોંચી ગઈ છે. યુપીએ ત્રણ મેચમાં એક જીત મળી છે. આ સાથે જ ગુજરાત બે મેચમાં એક પણ મેચ જીત્યું નથી. તે પોઈન્ટ ટેબલમાં પાંચમા સ્થાને છે.
યુપીએ ટોસ જીતીને બોલિંગ પસંદ કરી
બેંગલુરુમાં રમાઈ રહેલી આ મેચમાં યુપી વોરિયર્સની કેપ્ટન એલિસા હીલીએ ગુજરાત જાયન્ટ્સ સામે ટોસ જીતીને પ્રથમ બોલિંગ કરવાનો નિર્ણય લીધો છે. આ મેચમાં તાહલિયા મેકગ્રાને આરામ આપવામાં આવ્યો છે. તેમના સ્થાને ચમારી અથપથુનો સમાવેશ કરવામાં આવ્યો છે.
યુપી અને ગુજરાતનો હેડ ટૂ હેડ રેકોર્ડ
UP વોરિયર્સ અને ગુજરાત જાયન્ટ્સ WPL ઇતિહાસમાં અત્યાર સુધી બે વાર સામસામે આવી ચુક્યા છે. આમાં યુપી વોરિયર્સે બંને મેચ જીતી છે. જ્યારે ગુજરાત જાયન્ટ્સ હજુ પણ આ સિઝનની તેમની પ્રથમ જીત તેમજ યુપી વોરિયર્સ સામેની પ્રથમ જીતની રાહ જોઈ રહી છે. તમને જણાવી દઈએ કે જો ગુજરાત જાયન્ટ્સ આ લીગમાં ટકી રહેવા માંગે છે, તો તેના માટે કોઈપણ કિંમતે આ મેચ જીતવી જરૂરી રહેશે. આજની મેચમાં કેપ્ટન બેથ મૂનીએ બેટ વડે કેપ્ટનશીપની ઇનિંગ્સ રમવી પડશે, જેથી તે પોતાની ટીમને આ સિઝનની પ્રથમ જીત અપાવી શકે.
બંને ટીમની પ્લેઈંગ-11
યુપી વોરિયર્સ: એલિસા હીલી (કેપ્ટન/ વિકેટકીપર), કિરણ નવગીરે, ચમારી અથપથુ, ગ્રેસ હેરિસ, દીપ્તિ શર્મા, સાયમા ઠાકોર, શ્વેતા સેહરાવત, પૂનમ ખેમનાર, સોફી એક્લેસ્ટન, અંજલિ સરવાણી, રાજેશ્વરી ગાયકવાડ
ગુજરાત જાયન્ટ્સ: હરલીન દેઓલ, બેથ મૂની (કેપ્ટન/ વિકેટકીપર), ફોબી લિચફિલ્ડ, લૌરા વોલ્વાર્ડ, એશલે ગાર્ડનર, દયાલન હેમલથા, કેથરીન બ્રાઇસ, સ્નેહ રાણા, તનુજા કંવર, મન્નત કશ્યપ, મેઘના સિંહ
