- અમેરિકામાં પાંચમી નવેમ્બરે રાષ્ટ્રપતિ પદની ચૂંટણી યોજાશે
- પેન્સિલવેનિયામાં ચૂંટણી સભામાં ટ્રમ્પ પર ગોળીબારનો પ્રયાસ થયો હતો
- હવે રાષ્ટ્રપતિ પદની ચૂંટણી રેસમાં કમલા હેરિસ સૌથી આગળ હોવાનો સર્વેનો દાવો
અમેરિકાના એક નવા ચૂંટણી સરવેમાં ડેમોક્રેટિક પાર્ટીના ઉમેદવાર અને ઉપરાષ્ટ્રપતિ કમલા હેરિસે રિપબ્લિકન પાર્ટીના ઉમેદવાર ડોનાલ્ડ ટ્રમ્પથી હવે આગળ નીકળી ગયા છે. આ ખબર ટ્રમ્પના ટેકેદારો માટે મોટા આંચકા સમાન છે. નવા ચૂંટણી સર્વેક્ષણમાં કમલા હેરિસ ડોનાલ્ડ ટ્રમ્પ કરતાં પાંચ પોઈન્ટ આગળ છે. ઉલ્લેખનીય છે કે કમલા હેરિસે 21 જુલાઈએ રાષ્ટ્રપતિ પદ માટે ચૂંટણી રેસમાં એન્ટ્રી કરી જ્યારે વર્તમાન રાષ્ટ્રપતિ 81 વર્ષીય બાઈડેને પોતાનું નામ પાછું ખેંચીને અભિયાન બંધ કરી દીધું હતું. ગત 27 જૂને ટ્રમ્પ વિરુદ્ધ પ્રેસિડેન્શિયલ ડિબેટમાં કંગાળ પ્રદર્શન પછી બાઈડેન પર સતત માછલાં ધોવાઈ રહ્યા હતા અને તેઓની પર દબાઈ થઈ રહ્યું હતું. જે બાદ બાઈડેને કમલા હેરિસનું નામ જાહેર કરીને ટેકો જાહેર કર્યો હતો.
ગુરુવારે પ્રકાશિત ઈપ્સોસ પોલના પરિણામ અનુસાર આગામી પાંચમી નવેમ્બરે યોજાનારા અમેરિકી રાષ્ટ્રપતિ ચૂંટણીની રેસમાં ડેમોક્રેટ કમલા હેરિસ રિપબ્લિકન ડોનાલ્ડ ટ્રમ્પથી 37 ટકાની સરખામણીએ 42 ટકા વધુ આગળ છે.
ગુરુવારે પ્રકાશિત ઈપ્સોસ પોલના પરિણામ અનુસાર આગામી પાંચમી નવેમ્બરે યોજાનારા અમેરિકી રાષ્ટ્રપતિ ચૂંટણીની રેસમાં ડેમોક્રેટ કમલા હેરિસ રિપબ્લિકન ડોનાલ્ડ ટ્રમ્પથી 37 ટકાની સરખામણીએ 42 ટકા વધુ આગળ છે. સર્વેક્ષણમાં જોવા મળ્યું કે કમલા હેરિસ 22-23 જુલાઈએ સરવે પછી પોતાની આગળ છે. જેમાં તેને ટ્રમ્પ ઉપર 37 ટકાથી 34 ટકાનો વધારો મળ્યો છે. ઉલ્લેખનીય છે કે, ગત અઠવાડિયે 2-7 ઓગસ્ટે આયોજિત 2,045 વ્યસ્કોના દેશવ્યાપી સરવેમાં જાણવા મળ્યું કે, આમાં સામેલ ચાર ટકા લોકોએ સ્વતંત્ર ઉમેદવારનું સમર્થન કર્યું, જે જુલાઈમાં 10 ટકાથી ઓછું છે.ય જયારે ઈપ્સોસ અને બીજા પોલ પણ આયોજિત કરવામાં આવ્યા હતા. ઓનલાઈન આયોજિત કરાયેલા સરવેમાં ત્રૂટીની શક્યતા આશરે ત્રણ ટકા હતી.
જો બાઈડેન પર ટ્રમ્પ ભારે હતા
આની પહેલા થયેલા તમામ ચૂંટણી સરવેમાં વર્તમાન રાષ્ટ્રપકિ જો બાઈડેન પર ટ્રમ્પ ભારે પડી રહ્યા હતા. જુદાજુદા સરવેમાં ટ્રમ્પે બાઈડેન કરતાં સારું પ્રદર્શન કર્યું હતું. પરંતુ હવે સ્થિતિ સાવ બદલાઈ ગઈ છે. હવે કમલા હેરિસ અને ટ્રમ્પ વચ્ચે રેસ નક્કી થયા બાદ સરવેના પરિણામ એકદમ આશ્વર્યજનક રીતેથી બદલવા લાગ્યા છે. આવામાં બંને નેતાઓ વચ્ચે ગળાકાપ ટક્કર થવાની શક્યતા જોવા મળી રહી છે.
