ગુરુવારે સેનેટ ન્યાયતંત્ર સમિતિ સમક્ષ પુષ્ટિકરણ સુનાવણી દરમિયાન, યુએસ પ્રમુખ ડોનાલ્ડ ટ્રમ્પ દ્વારા FBI ના નોમિની કશ્યપ ‘કાશ’ પટેલે તેમના માતાપિતાનો પરિચય કરાવ્યા બાદ ‘જય શ્રી કૃષ્ણ’ સાથે તેમનું સ્વાગત કર્યું હતું. વાયરલ થયેલા એક વીડિયોમાં ભારતીય મૂળના કાશ પટેલ સુનાવણી પહેલાં તેમના માતાપિતાના પગ સ્પર્શ કરી નમન કરતા પણ જોવા મળે છે. કાશ પટેલે તેમના પરિવારનો આભાર વ્યક્ત કરતાં કહ્યું કે તેઓ તેમની સુનાવણી માટે ભારતથી આવ્યા છે.
સેનેટમાં દાખલ થતાં જ લીધા માતા-પિતાના આશીર્વાદ
કાશ પટેલે સેનેટની સામે સુનાવણી પહેલાં ભારતીય સંસ્કૃતિઓ અનુસાર તેના માતાપિતાના પગને સ્પર્શ કરીને તેમના આશીર્વાદ લીધા હતા. પછી તેની બહેનને ગળે લગાવી. લોકો તેની શૈલી જોઈને આશ્ચર્યચકિત થાય છે કારણ કે આ પહેલીવાર છે જ્યારે કોઈએ સેનેટની સામે તેના માતાપિતાના પગને સ્પર્શ કર્યો છે. સોશિયલ મીડિયા પરની તેમની સંસ્કારી ચાલની ખૂબ પ્રશંસા કરવામાં આવી રહી છે.
જય શ્રી કૃષ્ણ કહી પરિવારની ઓળખ કરાવી
એફબીઆઇના વડા પદ માટે નામાંકિત કાશ પટેલે પુષ્ટિ માટે સેનેટની ન્યાયિક સમિતિ સમક્ષ હાજર થયા હતા. તેમણે તેમના માતાપિતાને ખાસ રીતે રજૂ કર્યા હતા. “મને આજે અહીં બેઠેલા મારા પિતા પ્રમોદ અને મારી માતા અંજનાનું સ્વાગત કરું છું. તેઓ ભારતથી અહીં પ્રવાસ કરી મારા આ ખાસ દિવસમાં ભાગ લેવા આવ્યા છે. મારી બહેન પણ નિશા પણ અહીં છે. તેણે પણ આજે અહીં મારી સાથે રહેવા માટે લાંબા સમુદ્રની મુસાફરી કરી હતી. મારા માટે તે એક મોટી ક્ષણ છે કે તમે લોકો આજે અહીં મારી સાથે છો. જય શ્રી કૃષ્ણ. “
યુએસ સેનેટ કન્ફર્મેશન હિયરિંગમાં શું થયું
એફબીઆઈનું નેતૃત્વ કરવા માટે સેનેટના કાયદા અધિકારીઓ કાશ પટેલની પૂછપરછ કરીને તેમની તપાસ કરી રહ્યું છે. જેમાં સેનેટર લિન્ડસે ગ્રેહામે એક પ્રશ્ન પૂછ્યો હતો કે શું તેમણે ક્યારેય જાતિવાદનો સામનો કર્યો છે, તેના જવાબમાં પટેલે કાયદા ઘડનારાઓને કહ્યું કે તેઓ ખરેખર નાનપણથી જ જાતિવાદનો ભોગ બન્યા છે.
“દુર્ભાગ્યવશ, સેનેટર, હા. હું અહીં મારા પરિવાર સાથે વધુ વિગતોમાં જવા માંગતો નથી,” તેમણે કહ્યું.
પરંતુ પટેલે ઉમેર્યું હતું કે “મને ઘૃણાસ્પદ કહેવામાં આવ્યું હતું – અને જો મને બધું બરાબર ન સમજાય તો હું માફી માંગીશ, પરંતુ તે રેકોર્ડમાં છે – એક ઘૃણાસ્પદ રેતીનો કાળો માણસ જેને આ દેશમાં રહેવાનો કોઈ અધિકાર નહોતો. તમે જ્યાંથી આવ્યા છો ત્યાં પાછા જવું જોઈએ. તમે તમારા આતંકવાદી ઘરના મિત્રો સાથે છો. મને તે જ મોકલવામાં આવ્યું હતું. તે ફક્ત તેનો એક ભાગ છે, પરંતુ કાયદા અમલીકરણમાં પુરુષો અને સ્ત્રીઓ દરરોજ જે સામનો કરે છે તેની સરખામણીમાં તે કંઈ નથી,”
