લોસ એન્જલસ શહેરમાં આગએ ભારે તબાહી મચાવી દીધી છે અને તમામ પ્રયાસો છતાં પણ તેને કાબુમાં લેવાનું મુશ્કેલ બની રહ્યું છે. આગને કારણે અત્યાર સુધીમાં 20થી વધુ લોકોના મોત થયા હતા. ભારે પવનને કારણે લોકોના હૃદયના ધબકારા વધી ગયા હતા.
મોટા પ્રમાણમાં નુકસાન
લોસ એન્જલસમાં જંગલોથી શહેરો સુધી ફેલાઈ ગયેલી આગ વિનાશકરુપ ધારણ કર્યુ હતું. આગ હજુ સુધી સંપૂર્ણપણે કાબુમાં આવી નથી. જ્યાં પણ આગ લાગી હતી, તે જગ્યા સંપૂર્ણપણે રાખમાં ફેરવાઈ ગઈ છે. આગને કારણે મોટા પ્રમાણમાં નુકસાન થયું છે. આગને કારણે અત્યાર સુધીમાં કુલ 20થી વધુ લોકોના મોત થયા હતા. જ્યારે કે ઘણા લોકો ગુમ છે. ગુમ થયેલા લોકો વિશે કોઈ કડી મળી નથી રહી આગને કારણે 22 હજારથી વધુ ઘરો પણ બળી ગયા છે. ભારે પવનને કારણે લોકોના હૃદયના ધબકારા વધી ગયા હતા.
લોસ એન્જલસના મેયરે શું કહ્યું?
“મને લાગે છે કે આપણે આગામી કેટલાક દિવસોમાં સૌથી ખરાબ પરિસ્થિતિ માટે તૈયાર રહીશું, સોમવાર સુધીમાં સૌથી મોટી આગ, પેલિસેડ્સ ફાયર, 59% કાબુમાં આવી ગઈ હતી. અલ્ટાડેના વિસ્તારના મોટા ભાગને બરબાદ કરનાર ઇટન આગ 87% કાબુમાં આવી ગઈ છે
ભારે પવનથી મુશ્કેલી વધી
આગના કારણે થયેલા વિનાશ વચ્ચે, હવામાને ફરી એકવાર લોકોની ચિંતાઓ વધારી દીધી છે. આગ ફેલાવવા માટે જવાબદાર ભારે પવનોના પાછા ફરવાથી ભય લોકોમાં વધુ વધ્યો છે. કેટલાક સ્થળોએ 88 માઇલ (142કિલોમીટર) પ્રતિ કલાકની ઝડપે પવન ફૂંકાઈ રહ્યો હતો, જેના કારણે આગ ફરી ભડકવાનું જોખમ વધી ગયું હતું.
ડોનાલ્ડ ટ્રમ્પ મુલાકાત લેશે
સોમવારે અમેરિકાના રાષ્ટ્રપતિ તરીકે શપથ ગ્રહણ કરનારા ડોનાલ્ડ ટ્રમ્પે કહ્યું છે કે તેઓ અઠવાડિયાના અંતસુધામાં આગથી તબાહ થયેલા વિસ્તારોની મુલાકાત લેશે. 47મા રાષ્ટ્રપતિ તરીકે શપથ લીધા પછી, હવે ટ્રમ્પે ફરીથી કેલિફોર્નિયાના ડેમોક્રેટિક નેતૃત્વ પર કટાક્ષ કર્યો હતો. તેમણે કહ્યું કે આપણે જોઈ રહ્યા છીએ કે ઘણા દિવસો પહેલા જ લાગેલી આગ હજુ પણ દુ:ખદ રીતે સળગી રહી છે, બચાવના કોઈ સાધનો નથી. “આપણે એવું થવા દઈ શકીએ નહીં, જેટલું થશે તેટલા બનતા પ્રયાસ કરવામાં આવશે અને લોકો સુધી મદદ પણ પહોંટડવામાં આવશે.
