- અમેરિકાના એક શખ્સે આખી ઘટનાનો વીડિયો સોશિયલ મીડિયા પર શેર કર્યો
- પાયલોટને ખબર જ નહોતી કે વિમાનને ધરતી પર કઈ રીતે ઉતરાણ કરાવવું
- વિમાનમાં પ્રવાસીઓનાં ત્રણ કલાક સુધી શ્વાસ અદ્ધર રહ્યા
અમેરિકામાં રહેતા એક વ્યકિતએ સોશિયલ મીડિયા પર પોતાનો ફલાઈટનો ખતરનાક અનુભવ શેર કર્યો હતો. જેમાં આઠ ઓગસ્ટે પોર્ટલેન્ડથી જેક્શન હોલ સુધી જતી એક અમેરિકી એરલાઈન પર તે સવાર હતો. ફલાઈટમાં હોવા દરમિયાન શખ્સે દાવો કર્યો કે પાયલોટને એ જાણકારી નહોતી કે વિમાનને કઈ રીતે ધરતી પર ઉતરાણ કરાવવું.
પાયલોટને પ્લેન ઉતરાણ નહોતું આવડતું?
સોશિયલ મીડિયા પર મૂકેલી પોસ્ટ પ્રમાણે વિમાન ઉડાડતા પાયલોટને ધરતી પર ઉતરાણ નહોતું આવડતું. વિમાનમાં સવાર બીજા બધા યાત્રિકોએ પણ આવો જ દાવો કર્યો હતો. કે પ્લેનનો પાયલોટ અનુભવ વગરનો છે.
અમેરિકાના શખ્સે સોશિયલ મીડિયા પર ડરામણું દ્રશ્ય શેર કર્યું
સોશિયલ મીડિયા પર એક પ્રવાસીએ પોતાની ફલાઈટના અનુભવને શેર કર્યો છે. આકાશમાં ઉડી રહેલી ફલાઈટનો ભયંકર અને ડરામણા અનુભવનો વીડિયો અને વિગતવાર પોસ્ટ સોશિયલ મીડિયા પર મૂકી હતી. આ પ્રવાસી આઠમી ઓગસ્ટે પોર્ટલેન્ડથી જેક્શન હોલ સુધી જતા એક અમેરિકી ફલાઈટમાં સવાર હતો. આ દરમ્યાન ફલાઈટમાં શખ્સે દાવો કર્યો કે પાયલોટ બિલ્કુલ અનુભવ વગરનો છે અને વિમાનને ધરતી પર કેવી રીતે ઉતારવું તેનો અનુભવ નથી.
ત્રણ કલાક સુધી પ્રવાસીઓને પ્રતીક્ષા કરવી પડી
સોશિયલ મીડિયામાં પોસ્ટ કરનાર એક યુઝરે આગળ જણાવ્યું હતું કે, આખરે વિમાન સોલ્ટ લેક ઉપર ઉતર્યું અને તમામ પ્રવાસીઓને આશરે એક કલાક સુધી પ્રતીક્ષા કરવી પડી. કેટલાક કલાકો પછી નવો પાયલોટ આવ્યો અને જેક્શન હોલ પર અમારું પ્લેન ઉતર્યું. તેમને આગળ કહ્યું કે, બધુ મળીને અમે નક્કી કરતાં ત્રણ કલાક મોડા ઉતર્યા અને આનું કારણ એક અયોગ્ય પાયલોટ હતો. યુઝરે દાવો કર્યો કે આ ઘટના અલાસ્કા એરલાઈન્સની હતી. જો કે, પિપલના એક રિપોર્ટમાં કહેવાયું કે, એરલાઈને એ વાત પાકી કરે છે કે આ સ્કાઈવેસ્ટ એરલાઈન્સની ફલાઈટ હતી.
જો કે, સ્કાઈવેસ્ટ એરલાઈન્સે એક નિવેદન જાહેર કરી દાવો કર્યો છે કે, પાયલોટ વિમાનને ઉતારવા સક્ષણ હતો, પરંતુ તેને કેટલીક કાગળની કાર્યવાહીને ઠીક કરવા માટે વિમાન ઉતાર્યું હતું.
