ઉત્તરાયણ આવી : ઊંધીયુ, જલેબી, ફાફડા, તલ અને શિંગ ચીકીની ચકાસણી કરતી મહાપાલિકા

પર્વની પૂર્વ સંધ્યાએ જાગેલુ તંત્ર

ઉત્તરાયણ આવી : ઊંધીયુ, જલેબી, ફાફડા, તલ અને શિંગ ચીકીની ચકાસણી કરતી મહાપાલિકા

આઇટીઆઇથી આજીડેક ચોકડી વચ્ચે ૧૭ ધંધાર્થીને ત્યાં દરોડા : લાયસન્સ બાબતે ૧૫ને નોટીસ, ૧૦ સ્થળે ખાદ્યચીજના નમૂનાની ચકાસણી : વેપારીઓમાં ફફડાટ

અગ્ર ગુજરાત, રાજકોટ

આવતીકાલે ઉત્તરાયણનો પવિત્ર પર્વ છે આ તહેવારમાં રાજકોટ સહિત રાજયભરમાં ઊંધીયુ, જલેબી, ગાંઠીયા ખાવાનો જાણે રિવાઝ બની ગયો હોય તેમ આવતીકાલે સ્વાદ રસીદો કરોડો રૂપિયાનું ઊંધીયુ, જલેબી અને ગાંઠીયા જાપટી જશે. તહેવારને ધ્યાનમાં રાખી આજે રાજકોટ મહાનગરપાલિકાની ફૂડ વિભાગની ટીમ દ્વારા ઊંધીયા, ગાંઠીયા અને ફરસાણના વેપારીઓને ત્યાં દરોડા પાડી ચકાસણી કરવામાં આવી હતી. સામાકાંઠે આવેલ હોકર્સ ઝોનથી આજીડેમ ચોકડી સુધીમાં દરોડા પાડવામાં આવ્યા હતાં. જયાં ૧૫ જેટલા નમૂનાની સ્થળ પર ચકાસણી કરાઇ હતી અને ૧૫ જેટલા ધંધાર્થી લાયસન્સ વગર ઝડપાતા નોટીસ ફટકારવામાં આવી હતી. ૧૭ વેપારી પર તવાઇ બોલાવવામાં આવતા ફફડાટ ફેલાયો હતો.

ઉતરાયણના પર્વને એક જ દિવસ આડો હોય મનપાની ટીમ સર્તક અને સક્રિય થઇ છે. હોટેલ, રેસ્ટોરન્ટ લારીઓમાં ખાદ્યચીજની ચકાસણી કરી હતી. દર વખતની જેમ આ વખતે પણ એક દિવસ અગાઉ મનપાની ટીમ જાગી વેપારીઓને બાનમાં લેવામાં આવ્યા છે અને કામગીરીનો દેખાડો કરાયો હોવાની ચર્ચા લોકોમાં થઇ રહી છે.

ફૂડ વિભાગની ટીમ દ્વારા મહાદેવ દાળપકવાન, ખાખી નાસ્તા પોઈન્ટ, ફેમસ દાળપકવાન, કનૈયા પૂરીશાક, આનંદના પ્રખ્યાત ધોરાજી ભૂંગળા બટેટા, બજરંગ નાસ્તા પોઈન્ટ, આનંદ દાળપકવાન, મહાદેવ સોડા, મિત્રા ફ્રેશ ફૂડ, બાલાજી હોટલ, કનૈયા ફરસાણ, ગોકુલ ગાંઠિયા, જય બાલાજી હોટલ, આઈશ્રી ખોડિયાર પૂરી શાક, જલારામ ફરસાણ માર્ટ, જલારામ રેસ્ટોરેન્ટ,  બાલાજી હોટલની ચકાસણી કરવામાં આવી હતી.

મનપાની ટીમે ઊંધિયું (પ્રિપેર્ડ શાક -લુઝ) પંડયાઝ રસથાળ, શોપ નં.3,4, વેસ્ટ ગેટ કોમ્પ્લેક્ષ, રૈયા ચોક પાસે, 150′ રીંગ રોડ, ઊંધિયું (પ્રિપેર્ડ શાક -લુઝ): જલારામ રેસ્ટોરેન્ટ, “ચિત્રકૂટ”, રૈયા ચોકડી, જીવન નગર કોર્નર, રૈયા રોડ, ઊંધિયું (પ્રિપેર્ડ શાક -લુઝ): જય હિંગળાજ રેસ્ટોરેન્ટ, રૈયા ચોકડી, જીવન નગર કોર્નર, રૈયા રોડ, જલેબી (લુઝ): શ્રી અંબિકા ફરસાણ માર્ટ, પારેવડી ચોક પાસે, મોરબી રોડ, ફાફડા (લુઝ): શ્રી અંબિકા ફરસાણ માર્ટ, પારેવડી ચોક પાસે, મોરબી રોડ, ફાફડા (લુઝ): વરિયા સ્વીટ માર્ટ, પારેવડી ચોક પાસે, મોરબી રોડ, “PRANAMI CHIKKI” SP. TOPRA CHIKKI (500 GM PKD.): સ્થળ- ઠક્કર ગૃહ ઉદ્યોગ, એસ.કે. ચોક, ગાંધીગ્રામ, “PRANAMI CHIKKI” MAVA CHIKKI (400 GM PKD.): સ્થળ- ઠક્કર ગૃહ ઉદ્યોગ, એસ.કે. ચોક, ગાંધીગ્રામ, તલની ચીકી (લુઝ): રાજશક્તિ ફરસાણ & સ્વીટ માર્ટ, એસ.કે. ચોક મેઇન રોડ, સૌંદર્ય બ્યુટી પાર્લર પાસે, ગાંધીગ્રામ, શીંગ ચીકી (લુઝ): રાજશક્તિ ફરસાણ & સ્વીટ માર્ટ, એસ.કે. ચોક મેઇન રોડ, સૌંદર્ય બ્યુટી પાર્લર પાસે, ગાંધીગ્રામ, ખાતેથી નમૂના લેવામાં આવ્યા હતાં.