- ભારતના પ્રથમ સર્ટિફાઇડ મહિલા પિકલબોલ કોચે વિદ્યાર્થીઓને કરાવ્યો પિકલબોલનો પરિચય
- યુનાઈટેડ સ્ટેટ્સની લોકપ્રિય પિકલબોલ વડોદરાના રમતપ્રેમીઓમાં પણ લોકપ્રિય બની રહી
- 6 દિવસના શિબિરમાંથી વિદ્યાર્થીઓની પસંદગી કરીને એક વર્ષ માટે વિનામૂલ્યે તાલીમ આપી
યુનાઈટેડ સ્ટેટ્સની અત્યંત લોકપ્રિય રમત પિકલબોલ હવે ભારતમાં પણ લોકપ્રિય થઇ રહી છે. તેમાં પણ ગુજરાતના રમતપ્રેમીઓ આ રમત શીખવા ખૂબ જ ઉત્સુક છે. ત્યારે શહેરના સેવાસી રોડ પર આવેલી સોનારકુઇ પ્રાથમિક શાળામાં ભણતી લક્ષ્મી ગોહિલ ખૂબ જ ઉત્સાહથી પિકલબોલ રમી રહી છે. જે ટેબલ ટેનિસથી ખૂબ જ મળતી આવે છે. જો કે, બંને રમતો અલગ છે. લક્ષ્મી પિકલ બોલ રમતમાં કારકિર્દી બનાવવા વિશેની વિચારણા કરી રહી છે. તેની જેમ જ અન્ય છ સરકારી શાળાઓના વિદ્યાર્થીઓની પસંદગી ખાનપુર એકેડેમીમાં રમતના ક્ષેત્રમાં આયોજિત વિશેષ શિબિર માટે કરાઈ છે.
પિકલ બોલએ એક રેકેટ અથવા પેડલ સ્પોર્ટ છે. જેમાં ખેલાડીઓએ 34 ઇંચ ઉંચી નેટ પર પૅડલ્સ વડે હોલો પ્લાસ્ટિક બોલને સર્વ કરવાની મંજૂરી આપે છે, જ્યાં સુધી ખેલાડી અથવા ટીમ દ્વારા કોઈ પૉઇન્ટ ન મળે. આ રમતમાં અલગ નિયમો, પેડલ્સ અને કોર્ટના પરિમાણો છે અને તે ઘરની અંદર અને બહાર રમાય છે. યુનાઇટેડ સ્ટેટ્સમાં આ રમત અત્યંત લોકપ્રિય છે. રમતગમત પ્રેમીઓના શહેર વડોદરામાં પણ ધીમે ધીમે તેની પાંખો ફેલાવી રહી છે.
ભારતની પ્રથમ સર્ટિફાઇડ ફિમેલ પિકલબોલ કોચ નેહા શાહ કે, જેમણે યુએસએથી તેમનું પ્રોફેશનલ પિકલબોલ રજિસ્ટ્રી પ્રમાણપત્ર મેળવ્યું છે, તે હવે વડોદરા શહેરમાં આ રમત વિશે જાગૃતતા લાવવાનો પ્રયાસ કરી રહી છે. પ્રોજેક્ટ ઉમંગ હેઠળ, તે વડોદરાની સરકારી શાળાના બાળકોને આ રમત શીખવી રહી છે.
તેમણે જણાવ્યું હતું કે, અમે વિદ્યાર્થીઓના શિક્ષણમાં સુધારો કરવાના ઉદ્દેશ્ય સાથે છ સરકારી શાળાઓમાં સીએસઆર પ્રવૃત્તિઓ કરી રહ્યા છીએ. ત્યારબાદ અમે બાળકોમાં રહેલી પ્રતિભાઓને ઓળખવા માટે આંતરશાળા રમતગમતની ટુર્નામેન્ટ યોજવાનું શરૂ કરીએ છીએ. આ વર્ષે અમે પિકલબોલને નવી રમત તરીકે રજૂ કરી છે. જે માટે ચાર સરકારી શાળાઓમાં પસંદગી રાઉન્ડ યોજવામાં આવ્યા હતા. જેમ કે અંપાડ પ્રાથમિક શાળા, સેવાસી પ્રાથમિક શાળા, સિંધરોટ પ્રાથમિક શાળા અને સોનારકુઇ પ્રાથમિક શાળા. અમે વિદ્યાર્થીઓના હેન્ડ બોલ સંકલનનું અવલોકન કરીએ છીએ અને છ દિવસીય શિબિર માટે 38 વિદ્યાર્થીઓની પસંદગી કરી છે.
આ કેમ્પના અંતે 12 જેટલા વિદ્યાર્થીઓને વધુ તાલીમ માટે પસંદ કરવામાં આવ્યા હતા. જેનો મુખ્ય હેતુ એ છે કે, તેઓ આ રમતને સમજે અને પછીથી તેઓ તેને વ્યવસાયિક રીતે રમી શકે. પિકલ બોલની વધતી જતી લોકપ્રિયતા સાથે ભવિષ્યમાં કોચ, ખેલાડીઓ અને મદદ કરનાર સ્ટાફની જરૂર પડશે અને તેમાંથી થોડા જ આ રમતમાં પોતાની કારકિર્દી બનાવી રહ્યા છે. હું મુંબઈ અને અમદાવાદ જેવા શહેરોમાં શ્રેષ્ઠ ખેલાડીઓને ટૂર્નામેન્ટમાં લઈ જવા ઈચ્છું છું.
નોંધનીય છે કે, નેહા શાહ એક વર્ષથી વધુ સમયથી કોચિંગ આપી રહી છે અને તે માને છે કે, આ રમત તમામ વય જૂથોના લોકો માટે ઘણા ફાયદાઓ સાથેની રમત છે અને તેને માત્ર વડોદરામાં જ નહીં પરંતુ સમગ્ર ભારતમાં લોકપ્રિય રમત બનાવવા માટે પ્રતિબદ્ધ છે.
ઉમંગ – જોય ઓફ લર્નિંગ એ ARCH ડેવલપમેન્ટ ફાઉન્ડેશન દ્વારા પ્રકાશ કેમિકલ્સ પ્રા. લિ.ના સહયોગથી એક પહેલ છે. તેમના કોર્પોરેટ સામાજિક જવાબદારી (CSR) પ્રયાસો હેઠળ વડોદરાની સરકારી પ્રાથમિક શાળાઓમાં અમલમાં મૂકાયેલ, ઉમંગનો ઉદ્દેશ્ય સહાયક શૈક્ષણિક ઇકોસિસ્ટમ બનાવીને બાળકોમાં સર્વાંગી વિકાસને પ્રોત્સાહન આપવાનો છે. આ કાર્યક્રમ વિવિધ પ્રવૃત્તિઓ દ્વારા વિવિધ પડકારોનો સામનો કરે છે જેમ કે વિદ્યાર્થીઓની શીખવાની કુશળતામાં વધારો કરવો, અભ્યાસેતર કાર્યક્રમો રજૂ કરવા, રમતગમતને પ્રોત્સાહન આપવું અને શાળા અને આંતર-શાળા સ્પર્ધાઓનું આયોજન કરવું. છેલ્લા ત્રણ વર્ષોમાં, ઉમંગે 8મા ધોરણ પછી ડ્રોપઆઉટ રેટ ઘટાડવા, નિયમિત હાજરીમાં સુધારો કરવા અને એકંદર શૈક્ષણિક પ્રદર્શનમાં વધારો કરવા સહિતના જટિલ મુદ્દાઓને સફળતાપૂર્વક સંબોધિત કર્યા છે.
