સતત ત્રણ વર્ષ એકપાત્રીય અભિનયમાં અવ્વલ રહી વરદા યાજ્ઞિકે વિક્રમ સ્થાપ્યો રાજકોટની અભિનેત્રી વરદા રાજુ યાજ્ઞિક દ્વારા એકપાત્રીય અભિનય સ્પર્ધાનો પ્રથમ વિક્રમ

પરદાદા, દાદા, દાદી, માતા પિતાનાં અભિનય વારસાને આગળ વધારી પરિવાર અને રાજકોટનું નામ રોશન કરતી દિકરી

યુવક સેવા અને સાંસ્કૃતિક પ્રવૃતિઓ વિભાગ ગુજરાત રાજ્ય દ્વારા યોજાયેલ એકપાત્રીય અભિનયમાં ગુજરાતના રાજકોટ સ્થિત નાટ્ય-પરિવારની અભિનય વારસ – વરદા રાજુ યાજ્ઞિકે વર્ષ ૨૦૨૧,૨૦૨૨ અને ૨૦૨૩ની સતત ત્રણ-ત્રણ એકપાત્રિય અભિનય શહેર, પ્રદેશ અને રાજ્ય સ્તરની અંતિમ સ્પર્ધાઓમાં વિજેતા બની વિક્રમ સ્થાપ્યો છે.આ ત્રણે સ્પર્ધા તેણીએ

ગાંધારી, ડોલ્સ હાઉસની નોરા અને મહાભારતની શિખંડીનીના ચીર-સ્મરણીય પાત્રોનો અભિનય કર્યો હતો જેના થકી – યુવા ઉત્સવ સ્પર્ધાના ઇતિહાસમાં પહેલીજ વખત હેટ્રિક કરીને નવોજ વિક્રમ સ્થાપ્યો છે તેમજ  રાજકોટ અને ગુજરાત ગૌરવ વધાર્યું છે.

પરદાદા પ્રેમશંકર યાજ્ઞિક, દાદા-દાદી ભરત યાજ્ઞિક અને રેણુ યાજ્ઞિક તેમજ માતા-પિતા પ્રેમલ યાજ્ઞિક અને રાજુ યાજ્ઞિકના અભિનય વારસાને આગળ વધાર્યું છે અને  પરિવાર તથા રાજકોટનું નામ દીકરી વરદાએ નામ રોશન કર્યું છે.યુવા ઉત્સવમાં એકપાત્રિય અભિનય સ્પર્ધામાં સતત ત્રીજી વખત રાજ્ય કક્ષાએ પ્રથમ આવી નાટ્યકર્મી પરિવારનું ગોરવ વધાર્યું છે.વરદા હાલ MSU માં ફાઈનલ યર સાયકોલોજી માં અભ્યાસ કરે છે.અભિનય સાથે શાસ્ત્રીય નૃત્યમાં પણ રસ ધરાવે છે. તેણીએ કથક નૃત્યમાં વિશારદ કર્યું છે.અભિનયની તાલીમ તેણીએ દાદા ભરત યાજ્ઞિક અને પિતા રાજુ યાજ્ઞિક પાસે થી મેળવે છે.આગામી દિવસોમાં ફૂલ લેંથ નાટક, ott અને ફિલ્મ માં અભિનય કરવાની પણ ઈચ્છા છે. પરદાદા, દાદા, દાદી, માતા પિતાનાં અભિનય વારસાને આગળ વધાર્યો છે.