રશિયા જઈ રહેલું અઝરબૈજાન વિમાન કઝાકિસ્તાનમાં ઈમરજન્સી લેન્ડિંગ વખતે ક્રેશ થયું હતું. પ્લેન ક્રેશની થોડી સેકન્ડનો વીડિયો સોશિયલ મીડિયા પર સામે આવ્યો છે. જેમાં પ્લેનની અંદરની હાલત અને ડરી ગયેલા લોકો દેખાઈ રહ્યા છે. પ્લેનનો વીડિયો બનાવનાર વ્યક્તિનો જીવ બચી ગયો છે. આ અકસ્માતમાં અત્યાર સુધીમાં 38 લોકોના મોત થયા છે.
અઝરબૈજાનનું વિમાન બુધવારે કઝાકિસ્તાનના અક્તાઉ નજીક ક્રેશ થયું હતું. આ દુર્ઘટના બાદ પ્લેન ક્રેશ થવાની થોડી સેકન્ડનો વીડિયો સામે આવ્યો છે. આ વીડિયોમાં ડરી ગયેલા અને નર્વસ મુસાફરો જોવા મળી રહ્યા છે, જેઓ સતત પ્રાર્થના કરી રહ્યા હતા. આ અકસ્માતમાં આ વીડિયો બનાવનાર વ્યક્તિનો જીવ બચી ગયો છે. જોકે તેના માથા પર થોડી ઈજા થઈ છે.
વિમાન દુર્ઘટનામાં અત્યાર સુધીમાં 38 લોકોના મોત થયા
પ્લેન અઝરબૈજાનના બાકુથી રશિયાના ગ્રોઝની શહેર જઈ રહ્યું હતું ત્યારે ધુમ્મસને કારણે પ્લેનનો રૂટ બદલવામાં આવ્યો હતો. આ પછી કઝાકિસ્તાનના અક્તાઉ શહેર પાસે પ્લેન ક્રેશ થયું હતું. કઝાકિસ્તાનના અધિકારીઓએ માહિતી આપી કે આ વિમાન દુર્ઘટનામાં અત્યાર સુધીમાં 38 લોકોના મોત થયા છે. પ્લેનમાં 67 લોકો મુસાફરી કરી રહ્યા હતા. રશિયન મીડિયા અનુસાર, અઝરબૈજાની અધિકારીઓએ અગાઉ કહ્યું હતું કે વિમાનમાં સવાર 67 લોકોમાંથી 32 લોકો બચી ગયા છે.
કેવી રીતે થયો અકસ્માત?
કઝાકિસ્તાનના કટોકટી મંત્રાલયે એક નિવેદનમાં જણાવ્યું હતું કે પાંચ ક્રૂ સભ્યો અને બે બાળકો સહિત વિમાનમાં સવાર 29 લોકો અકસ્માતમાં બચી ગયા હતા અને તે તમામને હોસ્પિટલમાં દાખલ કરવામાં આવ્યા છે. અઝરબૈજાન એરલાઈન્સે જણાવ્યું હતું કે અક્તાઉથી 3 કિલોમીટર (1.8 માઈલ) દૂર ઈમરજન્સી લેન્ડિંગ કરતી વખતે પ્લેન ક્રેશ થયું હતું.
પ્લેનમાં કેટલા લોકો હતા
કઝાકિસ્તાનના અધિકારીઓના જણાવ્યા અનુસાર વિમાનમાં 42 અઝરબૈજાની, 16 રશિયન, 6 કઝાકિસ્તાની અને 3 કિર્ગિસ્તાની નાગરિકો સવાર હતા. અઝરબૈજાનના રાષ્ટ્રપતિ ઇલ્હામ અલીયેવે એક પ્રેસ કોન્ફરન્સ દરમિયાન જણાવ્યું હતું કે દુર્ઘટના પાછળના કારણો વિશે અનુમાન હજુ સુધી જાણી શકાયું નથી, પરંતુ હવામાનને કારણે માર્ગ બદલવામાં આવ્યો હતો. રાષ્ટ્રપતિએ કહ્યું, મને આપવામાં આવેલી માહિતી એ છે કે ખરાબ હવામાનને કારણે, અઝરબૈજાનના બાકુથી રશિયાના ગ્રોઝની જઈ રહેલા વિમાનને કઝાકિસ્તાનના અક્તાઉ એરપોર્ટ તરફ વળ્યું, જ્યાં તેનું ઇમરજન્સી લેન્ડિંગ થયું.
અઝરબૈજાન અને રશિયાના રાષ્ટ્રપતિએ દુઃખ વ્યક્ત કર્યું
રાષ્ટ્રપતિએ આ અકસ્માતમાં માર્યા ગયેલા અને ઘાયલ થયેલા તમામ લોકોના પરિવારજનો પ્રત્યે સંવેદના અને શોક વ્યક્ત કર્યો હતો. તેમણે કહ્યું, ખૂબ જ દુઃખ સાથે હું પીડિતોના પરિવારો પ્રત્યે મારી સંવેદના વ્યક્ત કરું છું અને ઘાયલોના ઝડપથી સ્વસ્થ થવાની આશા રાખું છું. તેમણે અઝરબૈજાનમાં 26 ડિસેમ્બરને શોકના દિવસ તરીકે જાહેર કરતા હુકમનામા પર પણ હસ્તાક્ષર કર્યા હતા.
તે જ સમયે, રશિયન ક્રેમલિનના પ્રવક્તા દિમિત્રી પેસ્કોવે કહ્યું, રશિયન રાષ્ટ્રપતિ વ્લાદિમીર પુતિને અઝરબૈજાનના રાષ્ટ્રપતિ અલીયેવ સાથે ફોન પર વાત કરી અને આ દુર્ઘટના અંગે શોક વ્યક્ત કર્યો. સેન્ટ પીટર્સબર્ગમાં સીઆઈએસની બેઠકમાં પણ બોલતા પુતિને કહ્યું કે રશિયાના ઈમરજન્સી મંત્રાલયે વિમાન દુર્ઘટના બાદ મદદ માટે બચાવ ટીમ સાથે એક વિમાન કઝાકિસ્તાન મોકલ્યું છે. કઝાકિસ્તાન, અઝરબૈજાન અને રશિયન અધિકારીઓએ જણાવ્યું હતું કે તેઓ અકસ્માતની તપાસ કરી રહ્યા છે.
